JEREMI 30:7 - Boy Lonana

⁷ Ni dla co me ɗaŋge? Gasi buu namma ŋgol cocoo, buu ma tli tam u nam kaɗi. Ni buu ma hahawra kay Yakob. Na may nam hin buɗ kiyo.

JEREMI 30:7 ပူးပေါင်းရင်းမြစ်များ

URA TIN AYRA 32:7

Suu sunda hoŋ ay eg Yakob dam ana, «Ami tew ay eg wayaŋŋa Ezaw wa, nam ka ŋgafaŋ ay u suuna um kis kis fiɗi.»

SOOLLA 25:22

Ҥi, Lona, buɗ suu Israelna kiyo, buɗusi ki ko las masira halaŋ.

SOOLLA 34:19

Yawe ka tok eg suu hurusi ka haɗ kay coosirana, nam suɗ suu ka yoo tasi hurusi kurufuna.

EZAYI 20:6

Na ɗaŋŋi suu cuki hu mbas ndaɗtana hin di ana, «Gola suu may suu ay gol irigi usi dewna, suu aygi ŋgay taygi varsina, ni suu ɦaygi njunda ay a buɗuygi ki ko suu Asirina lay. Aygi may ni hin suɗ ki ni nananage?»

JEREMI 14:8

Israel saa ni kaŋu, aŋ sa suɗ suuna ki hu li ma hahawrana. Aŋ hin mbuɗ taŋ ki hu mbassa ko koyna na, ko ndal sa tuɗ koyra hal lina kam a buu njeŋgena na ni nanage?

JEREMI 2:27

Asi di guna ana, «Aŋŋi bumiya.» Di gogoyra ana, «Ndakŋi cara vuɗumira.» Gasi daŋ may asi ɦan zagaɗasi wa, ɦan hurusi kaɗi. Na may hu li ma asi mbuɗ hahawrana, asi dan ana, «Col kolo, suɗumi kiyo.»

JEREMI 2:28

Loogi suu minisi u konana ni arage? Asi col kolo li ni asi ndak a suɗuk hu li ma ndak ki hahawrana, kay ana loogi maksina mbuɗ ki bolow coco ko ɦoŋziikŋa na ndak Yuda.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

YOORA 1:12

Dla li ka day day egegi agi suu tuɗ hu voɗtanaɗi, gologiya, wagi tiitara ko tiitaanda lan coco wanda, ta kora vi Yawe hu buu mam ma yara na.

YOORA 2:13

Dlara hin a ɓakaɗ kakka ni tarage? Sa an hin ŋgaam u ndakŋa ni ge ɗaŋge Yerusalem ta jivira? Sa an hin ŋgaam u ndak a heɓek hurukŋa ni ge goo wayra, Siyon ta jivira? Kay ana tora took kira ŋgolla ni ko lum ma ŋgolna na. Sa hin suɗuk kina ni gege?

YOORA 4:6

Dla cora vi suu man suu jivinara, ŋgolla ni sura vi Sodomba. Ndaɗ bulum ki kaŋga ni na gaw bay sa tin kom egeɗ lay.

DANYEL 12:1

Hu li namma mul ma ŋgol ma vi suu sunda vi Lona, Michel, hin col kolo yara, nam sa ma ka coli eg goryoŋ suu maŋsinana, li namma hin li ni li ma yoo tara, dla ndaɗta hin a lira ka bay li kay yam mbassa dew tuwa ta ta hu li namma. Hu li namma suu maŋsina hin suɗ kiyo, gegelay ma sem ka ɓiiri kaŋga hu magaarana.

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

JOEL 1:15

Ҥawa ɗaŋ. Buu manage. Buu ma vi Yawena mba wa, nam col ay ni ko sa ɓeŋ tlena ko ndal ɓeŋga na.

JOEL 1:2

Humugi haa, agi suu ŋgolona, tinigi humugi jiviya, agi suu kay yam mbassana halaŋ. Dla ndaɗta li ay hu coki magira, ɗowba hu cokira vi somoyogira su?

JOEL 2:11

Hu li ma Yawe ka tak voɗta maŋ suu mam suu duuna. Suu mam suu duuna bolow cocoo, saɓak ɦay lay humum boy mamma lay. Buu ma vi Yawena ŋgolo, dlam ti ta cocoo, sa hin vi tam hu buu nammana ni gege?

MISE 4:9

Cecem wan daŋga ndak yi kolo u delek eŋga ni kay me tuge? Mul ha ka vo varakgi su? Sa ma gaɗakŋa viɗ ki wa su, ti tara fak cecem wanda ko ndal cara a vuɗta na ɗaŋgi su?

HABAKUK 3:16

An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

ZAKARI 14:7

Buu namma hin li ni dew, Yawe wamu. Faalira hin ka liɗi lay. Njeŋgera hin ka liɗi lay. May lina tew fiɗigi wa ni kiɗikka hin weleɗa.

MARK 13:19

Hu buu namma suuna hin wihawra cocoo. Wihaw ndaɗta ura tin ayra lay ni sa ka bay wihawra na tuwa. Wihawra ko ndaɗta na ka mba dagan oloɗi lay.

SUNDA 2:20

faɗta hin mbuɗ ki ndufunu, tilna mbuɗ ki tlaw ko busuna na. Tle asina li ki ni jew buu ma ŋgolna vi Bu Suuna na, ni buu ma ŋgolna u bibiŋilla.

ROMMA 11:26

Ni dla mayra suu Israelna halaŋ hin mba fi suɗtara, kay magaara di ana, «Sa ma hin buɗ suuna kina hin mbay ni hu Siyon nam hin yow dla cora kay suu hu njafna vi Yakobma ki halaŋ.

WIRA ŊGAYRA 6:17

Kay buu ma ŋgol ma yaamba hin mba wa ni sa ma col fokomma ni gege?»