JEREMI 30:6 - Boy Lonana

⁶ Halagi u boyna ki jiviya, gologiya, njufiina hin vuɗ gorra su? An gol wanni gegelay ma saɓakŋa ɦayna kom cuki kay hayam ko ndal cara kak a vuɗta na. Irisi mbuɗ ki na zeɗ hahaw coco lay.

JEREMI 30:6 ပူးပေါင်းရင်းမြစ်များ

SOOLLA 48:6

Na gaw ni asi mbuɗ ki ndaa cocoo, asi yow liŋŋa ŋgay ni na gaw.

EZAYI 21:3

Dlara an waɗta ura an humuɗta lan tan ndaa cocoo. Dla ndaɗta tan tan ko ndal cara ndak ki a vuɗtara na. An cemi vun digin ɓigin cocoo kay an hum boy nammara, ndaana lan coco lay.

EZAYI 29:22

Kay ndaɗta Yawe, sa ma suɗta vi suu Israelna, di ana, Nammi sa ma buɗ Abraham ay kina, hin ha fokka ni njaf ma vi Yakobma ka li ga u sa oloɗi, vogosi ka gol hahaw oloɗi lay.

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 22:23

Aŋ sa kaki kay ɦinira Libanda, aŋ min ziiŋ duk gu ɦoyna. Aŋ oy hu li ma dlara tiitara mbay kaŋŋa ko ndal cara tii taɗ hu buu ma vuɗtanana.

JEREMI 4:31

An hum ko ndal yoo tara vi cara hu li ma ndaɗ hal a vuɗta na, ko ndal tii ma hahawra vi cara goora na. Tii ma vi Siyon ta jivira, a miɗ kira ka maɗ koɗu. An ki hahawi. An hin tok a miɗ kira, coli fok suu ci suuna kina.

JEREMI 48:41

Keriyot tlaɗ ki wa, Mesadot taɗ ki wa. Suu Moab suu saɓakŋa hurusi hin li hu buu namma ko ndal huu cara hu buu ma vuɗta na.

JEREMI 49:22

Ni ko ndal kokolo mayra pii kolo huulona ŋguyra na, ɓee garaŋaɗ ki duk ha kaŋga kay Bosra. Suu saɓak suu Edomma hurusi hin mbuɗ hu buu namma ko huu cara hu buu ma vuɗta na.

JEREMI 49:24

Damas mbuɗ ki ndaana, ndaɗ pereɗ iriɗ ŋgoroɗ dagan a ndi liŋŋa. Ndaɗ mbuɗ dlak cocoo. Haɗ huuna u tiitara laɗ ko ndal cara hu buu ma vuɗta na.

JEREMI 50:43

Mul ma Babilonna hum boy namma na ni, saaram jak ki gaw. Hahawra vam ki gaw, tiitara ko ndal cara hu buu ma vuɗta na.

JEREMI 6:24

Ami hum boyna. Saarami jak kiyo. Ami mbuɗ ki ndaa coco lay. Tiitara ko ndal cara yoo taɗ hu li ma ndaɗ hal a vuɗta na.

DANYEL 5:6

Na ɗaŋŋi nam mulna mbuɗ ki na zeɗ gaw, saaram viɗ ki lay, sok u furum weles ki lay, vok givim guluɗ ki lay.

Magaara Vi Sa Jok Vun Lona OZE 13:13

Ca mayra ka vuɗ tura tiitara hin mba kaɗu. Nammi goo ma hin ka wi yal dlaraɗina. Buurum ma vuɗta ndak wa ni nam hin ka tak tam a kal ay ki kaŋga u sumbi.

JOEL 2:6

Suuna torɗi tasi ko tiitara fokomu, suuna mbuɗ ki hahawra.

NAHUM 2:10

Ҥurumugi doonora, ɦurumugi lorra, begera uɗ ka daɓbi, tlesuu jivi cocona molira ko didiŋga na.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.