JEREMI 30:5 - Boy Lonana

⁵ Yawe ɓak anaba, aygi hum tii ma hahawra. Ni dlara ndaana. Va jivi ka oloɗi.

JEREMI 30:5 ပူးပေါင်းရင်းမြစ်များ

EZAYI 5:30

Hu buu namma ni asi hin yal suu Israelna cocoo. Vunna hin zam ko ndal mbo lum ma ŋgolna a zamba na. Asi hin gol ndaŋgara na ni ndufunda u yoora cocoo. Kiɗikka hin mbuɗ ki ndufunda u kuɗna cocoo.

EZAYI 59:11

Ami gi ŋgoɓpa ko bosogona na. Ami lak u tiina tew tew ko ndal gugukka na. Ami saa ana Lona hin mba njun kami su? Ni kaɗi lay. Ami ka juɓumi suɗta ni ndaɗ ɦuɗ taɗ ha ki egemi na day.

JEREMI 12:12

Hu voɗta hu fullara halaŋ suu ci suuna mbay huruɗu. Ŋgew ma vi Yawena ay ii ko hiŋŋa ta ta tew ko ndaŋgara wanda. Heɓpa ka kay sa dew oloɗi.

JEREMI 25:36

Aygi hum tii ma vi suu taa suunana, gurnira vi suu malayaŋ yoorinara. Yawe ɓeŋesi liisi ma ti haɗna ki wa.

JEREMI 30:4

Gola ni dlara Yawe ɓakaɗ kay suu Israelna u suu Yudana.

JEREMI 46:5

Ni mege? An wi ni mege? Asi ki mbuɗi ndaana. Asi hoŋ dagan suu duu suu saɓak cocona asi palawasi kiyo. Asi yow liŋŋa ki njay na dew dew ka gol irisi ŋgorosi daganɗi. Asi mbuɗ ki ndaana bel bel. Yawe di na.

JEREMI 6:22

Yawe ɓak anaba, suuna mbay hu mbassa ii ko ma mbayawna na. Suuna ŋgolo yow ay kolo u keŋ ndaŋgara ma daɓ ayna.

JEREMI 6:26

Agi suu mansina, cukugi baraw bolla egegiya. Bulumugi tagi kaŋga duk buɗna. Ko ndal maɗ goo ma dewna na lagi doona, yoorogi tagiya. Kay ana kak njokŋi sa ci suuna hin mba kaygiya.

JEREMI 8:16

Ay hu Dan day ni asi hum semeɗ ma u sem kulumi mamsinana. Bayra asi bayra ndaŋgara dlaka. Asi mbay ni a ɓeŋ ndaŋgara ki u tlesuu kaɗna, ɦoŋzina u suu hurumma.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

JEREMI 9:19

Boyogina humugi boy ma vi Lonana haa. Ko humugi hum boy ma funumma haa. Haɗagi soolla maŋ gorɓii magisina, yootara maŋ ndarayagina.

AMOS 8:10

An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.

HABAKUK 1:10

Nammi sa pan suu mulina. Goryoŋ mulinana ni tlegeyem suu luuna. Nammi sa pan suuna u saɓakasi bel belna. A tlasira ni nam mbu lina kolo u semu.

HABAKUK 1:6

An wana, an yow suu Kaldeenna ay wa, suu dlasi co suu ŋguy yam mbassa a kak ki hu zi ma ka masinaɗi lay na.