JEREMI 30:21 - Boy Lonana

²¹ Mul mamma hin li ni dukugiya. Sa hin tuɗ fokogina hin vuɗ ni varamu. An ɦam voɗta nam mbaya, nam ɦuɗ tam ay egenu. Sa hin ka min a ɦuɗ tam ay egenɗina ni gege? Di na ni Yawe.

JEREMI 30:21 ပူးပေါင်းရင်းမြစ်များ

URA TIN AYRA 18:27

Abraham hoŋ di ana, «Malanna, van vunun humun boy manna haa, kay anni ndaŋgara u buɗna ɦawaa.

URA TIN AYRA 18:30

Abraham di ana, «Ko Bu Suu manna mbuɗ yaɗi an min ɓak tuwa. Lini aŋ fi suu ɗegeena wa dok-hindi ni nanage?» Nam di ana, «Lini an fi suu ɗegeena wa dok-hindi ni an ka li vaɗi.»

URA TIN AYRA 18:32

Abraham di ana, «Bu Suuna mbuɗ yaɗi, an ɓak ha ni a fafaɗta. Lini aŋ fi suu ɗegeena doogo ni nanage?» Bu Suuna di ana. «Lini an fi suu ɗegeena wa doogo ni an ka beŋ zina kiɗi.»

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

2 SAMUEL 7:13

Nammi sa ma hin min zira u senna. An hin wulum mul mamba kolo a fafaɗta.

EZDRAS 2:2

Asi ni suu mbay ko tasi u Zorobabel, Josuwe, Nehemiya, Seraya, Relaya, Mordokay, Bilsan, Mispar, Bigway, Rehum, Baana na. Ndum suu wara suu Israelna:

NEHEMI 7:2

An ɦal voɗta ha ana tin wayanna Hanani kay Yerusalem may. Hananiya, mul ma hu ɦoŋzi ma saɓakŋa may, kay ana nammi sa ɗegee ma li ndaa Lona su suu bolow hiŋŋa.

SOOLLA 65:4

Hu li ma coomira su kamiya, aŋ bulumumi coomira ki wa.

SOOLLA 89:29

«Ɗegee manda ka u nam tew tew, galam manda u namba ka bulum kiɗi.

KALKIRA 3:5

Nam dam ay ana ɦuɗ taŋ ay tani tokgi, fok tuɓuru ma seŋŋa kiyo, kay li ma aŋ coli hurum wanna ni ndaŋgara teteɗta.

EZAYI 63:1

Sa ma tuɗ ay col ay hu mbassa Edomba namma ni gege? Ay hu zi ma Bosrana u baraw ma tlawna tamu. Vun baraw mamma ki ŋgufi u kura funumu, tuɗ u saɓakam cocoo, sa namma ni gege? «Ni an, Bu Suuna, an ka u saɓak ma suɗta, an mba ni a tak ki ni kiɗikka ana an tiwara.»

JEREMI 30:9

Asi hin sunni Yawe, Loosina u David mul ma an hin tinim kasina.

JEREMI 33:15

Hu coki ndaɗta hu li namma gaw may ni, an hin wul gogor gu ma ɗegee ma vi Davidna, ma hin njun kay ma ɗegeena u jivira hu mbassa.

JEREMI 49:19

Ko ndal dlona col ay duk cerew ma fun lumma Yurdanna na, tuɗ irim ha kay kaana tam ki minira na, na ɗaŋŋi ko ndal iira cemekka na ni an hin ɦuɗusi ha ki egeɗ na day, an hin mbaaɗ gorzoŋŋi suu duuna ay kaɗ na zak gaw. Kay ana sa ko an nana ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

JEREMI 50:44

Ko ndal dlona ɗiŋ ay ki kolo fun lum ma Yurdanna tuɗ irim ha hu kaana tam ki minira na. Na ɗaŋŋi u cemek ira dewra an caɗ suu huruɗna kiyo. An sunuɗ gorzoŋii suu duuna ha kaɗu kay ana sa ko an na na ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

EZEKIYEL 37:24

Saan ma sunda David hin ti mulla kasiya. Asi hin tuɗ ni u neey manda. Asi hum u gaɗ manda li uɗ lay.

NDUMBA 16:5

Hin di Kore u suu mam suu umma ana, «Vini maɗii ni Yawe hin tak saamma kiyo, tak sa ma teteɗna kiyo, hin tak sa ma a ɦuɗ ay egem tokŋa kiyo, ni sa ma nam hin manamma, sa namma nam hin ɦuɗum ay egemu.

MATIYE 2:2

Asi joɓ ana, «Mulna vi suu Juif ma vuɗ wilina ka ni arage? Ami ay u lo maɗiina, wi ciciwra ay kamu, ami mbay a goɓ ga fokomu.»

MATIYE 27:37

Asi ɓalam ɓiira ki kolo kam ana, «Ni Yesu mulna vi suu Juifna.» Ni dlara cam ki kaɗta.

MATIYE 3:17

Della ɓak ay kolo huulona ana, «Wanni goron ma an minimma. Nam irin jivi ɦay.»

Boy Ma Ayra Ma LUK Ɓiirimma 24:26

Agi ka wi ana Sa Lona Fuurumma wi hawra wi, hin kal hu bibiŋil mamba tuwa naɗi su?»

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

ROMMA 8:34

Sa ma hin kaɓakŋa kasina ni gege? Sa kaɗi. Yesu Kristu ma miɗna paɗ ki kolo kak hu bik ko Lona ma njufna ka cen Lona kaygiya.

GA 8ATAMBARA 17:15

Sa ma agi hin kakam kagi a mulna namma li ni nanagelay manammi Yawe Loogina. Agi hin kak sa ma mulna ni duk gorsegina tok, agi ka ndak a tli sa ma koyna kakam kagi a mulnaɗi.

GA 8ATAMBARA 18:18

An hin ɦasi sa ma jok fun Lona ko aŋ nana aya, ni duk gorsesina tok. An hin kalam boy manna ay funumu, nam hin dasi ki ni dlara an damba ana nam dasira kiyora.

GA 8ATAMBARA 33:5

Bu Suuna u tamba ni a mul ma vi suu Israelna, hu li ma njafasi ka tokki kel tasi dewna.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.