JEREMI 30:19 - Boy Lonana

¹⁹ Suuna hin gi deɓpa ŋgol cocoo, vun sunna hin soo a li luuna. An hin mbuɗusi ki bolowo, asi hin ka hoŋ ki kaŋga oloɗi. An ɦasi saɓakŋa wa.

JEREMI 30:19 ပူးပေါင်းရင်းမြစ်များ

EZDRAS 6:22

Asi li luu ma ti fu ma bay kuffa dukumma u furira, buuna kiɗisiya kay ana Yawe oyosi hurusi u furira, mbuɗ huu mul ma Asirina egesi jivira a ɦasi saɓakŋa kosi kay sun Ziŋ Lonara, Lo ma vi suu Israelna.

NEHEMI 8:12

Na ɗaŋŋi suuna halaŋ tuɗ ti may, ci may, yow ma asi hinimma ay may a li furira kay ana asi hum u boy ma asi buɗusina kina kiyo.

NEHEMI 8:17

Suu tokina halaŋ, suu hoŋ ay ki hu mbaɓurana, min mbutluɓma hin kak hurumu. Doli ɗini ay hu cokira vi Josuwe ma goŋ Nunnara ta ta karammi goryoŋ Israelna li dla ndaɗta kaɗi. Ni furira ŋgolla.

SOOLLA 53:6

Asi halaŋ mbuɗ ki ndaana, li ni dlara ndaa kaɗi lay. Suu duu asina Lona njayasi sokosi ki na dew dew, aŋ panasiya kay Lona zuɗusi ki wa.

EZAYI 12:1

Hu buu namma ni suuna hin di ana, Ami gaŋ deɓe, Yawe, kay aŋ li yara egemiya, na may huruŋ heɓ wa, aŋ ɗilimi irimi wa.

EZAYI 26:15

Yawe, aŋ wul njaf suu maŋsina. Aŋ wul njaf suuna wa. Aŋ tak bibiŋil maŋga ki wa. Aŋ laami mbas mamira ki ŋgolo, kay ndaɗta seŋ ka tii ki cocoo.

EZAYI 27:6

Hu basara ha fokka suu Yakobma sariyasi hin kal kaŋgaa, Israel mbuɗ ɓo na mbuguk mbuguk asi hin vuɗa, vuɗusi hin oy ki hu duliyara halaŋ halaŋ.

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

EZAYI 51:11

Suu Yawe buɗusi ay kina hin hoŋ aya, asi hin mba cuk hu Siyon u soolla furira. Furira ka daɓ kiɗira hin li kasi na din din. Ayra u furira ɦuɗ tasi ay egesiya. Yoora u zamba yow liŋŋa may.

EZAYI 51:3

Na daŋ may, Yawe ɗil ii zi ma Siyonna wa, zi mamma ɓalak kina, nam soosi hurusi wa. Nam mbuɗ li ma ki duk gurana ki zina. Li ma haw yona nam mbuɗum ki a sene ma vi Yawena. Zi namma cemi oy u furira, hum hu ni soolla gi deɓpa u tlesuu luuna zeɗ zeɗ.

EZAYI 52:9

Gagi soolla furira agi suu Yerusalemma halaŋ suu las ayna, kay Yawe ɗil ii suu mamsina wa, nam suɗ Yerusalem ki wa.

EZAYI 55:5

Gola njaf suu aŋ ka wasiɗina lay aŋ hin yasiya. Njaf suu waŋ ka dewɗina lay hin liŋ ay mbay egeŋu. Kay ana Yawe ni Looŋŋa. Na daŋ may ni kay ma teteɗ ma vi suu Israelna mbuɗuŋ a sa ma bibiŋilnara.

EZAYI 60:19

Hin fokka ni faɗta ka li kiɗikka kagi faali ni ndaɗɗi, tilna ka li kiɗikka njeŋge ni nambi lay. Yawe u tamba hin li a kiɗik magira ni nam a fafaɗta. Loogina hin a bibiŋil magira ni nam dew.

EZAYI 60:22

Njaf suu vo kaɗakina hin mbuɗ na buɓ buɓ. Suu may suu wi hawra hin mbuɗ ni suu zuli cocoona. An, Yawe, hin li dla ndaɗta ki hu liiɗ ni cem cem gaw.

EZAYI 60:9

Na daŋ may, suu kay daarna ka tuɗ ay egenu, suu ay Tarsis dayna vogŋa ay ni masiya. Asi mbaa kemba ay ni na day. Asi mbay u doonora u lorra, kay a ŋgaaŋ Yawe, Looŋŋa. A ŋga ma teteɗ ma vi suu Israelna kay nam ɦaŋ kiɗik mambara.

JEREMI 17:26

Na ɗaŋŋi suuna hin mbay hu ɦoŋzi ma Yudana, ɦoŋzi ma ŋguy kay Yerusalemma, ay hu mbassa vi Benjaminda, ay hu mbassa kaŋga ura, ay kolo kay ɦinira, ay dali lay, suu mbay u ɓivun ma ŋgalam kina may, ɓivun ma lam ɦawana may, ɦalla ɦawara may, mbul ma his jivina may u suu mbaa ɓivun ma ŋgara ay hu zira vi Yawera.

JEREMI 3:16

Hu coki ndaɗta hu li ma asi zul ki bolow coco hu mbassa wa ni, Yawe di ana, sa hin ka di ana, «Zandukka Galamba vi Yawera» oloɗi. Dlaɗ hin ka li kay sa dewɗi lay. Sa hin ka yaɗ seɗɗi lay. Sa hin ka saa ana ndaɗ ka dukuygiɗiraɗi lay. Sa hin ka hoŋoɗ lira oloɗi.

JEREMI 31:27

Buuna ka mbaa, Yawe di na, ma an hin zaa njaf suu Israelna u suu Yudana ki a njaf suu warna, njaf mburina lay.

JEREMI 31:4

An min a hoŋok minda ki daŋgatla. Ndak hin min kiyo, goo wayra Israel. Ndak hin hoŋ dadari makŋa kolo daŋgatla. Ndak hin ŋguy suuna hu li ma luuna.

JEREMI 33:22

Asgaari suu huulonana sa ka wasi ndumusiɗi, ŋgetl ma fun lum ma ŋgolna na sa ka wam ndumumbi lay, an hin zul njaf suu vi saan ma sunda Davidna u suu vi Levina, suu ŋgolo man suu sunda ni na lay.

EZEKIYEL 36:37

«Bu Suuna, Yawe, di ana, an hin li ko ndal wanda na olo. An tak tan ii suu Israelna a njun usi hu dlara fasira. An hin zulusi ko ndal yoori suu zuli hu kadlaŋgana na.

EZEKIYEL 37:10

An gijaŋ ɓak boy namma ko nam danda na may ni, musukka mba sel hurusiya. Asi mbuɗ ki iiriya, yow ki kolo u sesiya. Suu asina ni asgaa suu duuna bolow cocoo ka ndumbi.

EZEKIYEL 37:26

An hin vi galamba heɓpa u asiya. Ni galam mayra dindinda. An hin lakasi huwa, hin zulusi cocoo. An hin pi Ziinda dukusi may, ni a fafaɗta.

ZAKARI 10:8

Asi hin hum yira an hin yasi a tokosi eg tasira kay anni sa buɗusi ay kina. Asi hin zul coco ko ay fok jewra na.

ZAKARI 12:8

Hu buu namma wanni Yawe hin baa kom ha ki kay Yerusalem, suu maŋi dukusina hu buu namma ni asi hin mbuɗ ki ko David na, zi ma vi Davidna hin li ni ko Lona na, fokosi ko ndal sa sunda huulona vi Yawe na.

ZAKARI 2:4

An joɓ ɗaŋŋi ana, «Suu asina mbay a li ni mege?» Nam hoŋon dira ana, «Mekka ni mek mayra njay suu Yudana ki sa dew lay ka tli yam koloɗira. Suu dli caffa mba ni kay a mbuɗusi ndaanara, a kus mek suu asina kira, suu yow mekesi kolo kasi kay mbassa Yudara a njayaɗ kira.»

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

Boy Ma Ayra Ma JAŊ Ɓiirimma 17:22

An ɦasi bibiŋilla aŋ ɦandara wa a asi li taɓi dew ko ay taɓi dewra na may.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.