JEREMI 30:18 - Boy Lonana

¹⁸ Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.

JEREMI 30:18 ပူးပေါင်းရင်းမြစ်များ

1 DLAŊ MULINARA 29:1

Mulna David di suu tokina halaŋ ana, «Goronna Salomon ma Lona manam ki dewna ni gogoona, maŋi lay, sunda ŋgol cocoo kay zi ma namma ka ni maŋ saɗi ni vi Yawe Lona.

1 DLAŊ MULINARA 29:19

Ҥal huu ma ɗegeena maŋ goronna, Salomon, a vaŋ gaɗ maŋga, vi vun maŋŋa, gaɗ maŋga a li sunda miniŋ ziiŋ ma an min tlena ka kamma.»

NEHEMI 7:4

Ҥoŋzina ŋgol cocoo, bubuum tuɗ ii keŋ lina mba' may, suuna ka hurum bolow cocoɗi, ziginina hoŋosi ka ki kolo mindaɗi.

SOOLLA 102:13

Na may aŋ, Yawe, ka tew tew, basara basara halaŋ ka tak ki kaŋu.

SOOLLA 102:14

U min maŋga aŋ col kolo kay Siyon, kay buuna ndak wa a aŋ waɗ hahawaɗta, na daŋ may lina ndak wa.

SOOLLA 122:7

Ko heɓpa li vo hu gulumun maŋŋa, ko heɓpa li ha hu ziŋ mulnara.

SOOLLA 48:13

Ŋguyugi yam gulumun ma Siyonna, ndum zigini suu kolo day dayna.

SOOLLA 48:3

Ҥinira fiyek ndaɗta jivi cocoo. Ҥoŋzi ŋgol ma vi mulna namma furi huu suu hu duliyarana halaŋ. Ha ki hu keŋ ma daɓ ay mbayawna ni, ni ɦinira Siyonda, ni ɦoŋzina vi mul ŋgolna.

SOOLLA 78:69

Nam min Ziim ma Teteɗna eŋ ko ɦinira na may, ko ndaŋgara na nam minim na ni a fafaɗta.

SOOLLA 85:1

Soolla vi sa ma fok suu gi soollana, soolla vi goryoŋ Korena.

EZAYI 44:26

An li u boy ma vi saan ma sunda, suu a dan vun sun mandana an njunusi a ndaɗ di ki u voɗoɗu. An di zi ma Yerusalemma ana, nam coli kolo balamamu. Zi ma Yudana an dam ana, ko nam hoŋ ki kolo minda suuna cuk huwa. Tlesuu ay ki hawaɗina an hoŋosi minda hu balamasiya.

EZAYI 44:28

An di Sirus ana, «Aŋŋi saan ma taaran yoorina.» Dlara an miniɗta halaŋ aŋ hin laɗ kiyo. Hin di Yerusalem ana, nam min ki kolo balamamu kay ziŋ Lonara ni ko ndaɗ col ki kolo balamaɗu.

JEREMI 23:3

«An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

JEREMI 29:11

An wi dla mayra an vi vunun kaɗ a lagira egegira. Di na ni Yawe. Ni vi vun ma ɦagi begera, ka vi vun ma mbuɗugi hahawɗi. An hin ɦagi jivira, agi hin saa kan may.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

JEREMI 31:23

Yawe, ma Saɓakŋa Kom Belna, Lona vi suu Israelna, ɓak anaba, hu li ma an hoŋosi ay wa ni asi hin ɓak boy namma hu mbassa Yudara u ɦoŋziimma halaŋ, «Ko Yawe paɗ vunum ki kaku, li ma jivina, ɦinira teteɗta.»

JEREMI 31:38

Buuna ka mbaa, Yawe di na, ma ɦoŋzina hin hoŋom ki minda maŋ Yawe, col ay kay gulumun ma Hananeelna ta ta tew ki eg vun zira keŋga.

JEREMI 31:4

An min a hoŋok minda ki daŋgatla. Ndak hin min kiyo, goo wayra Israel. Ndak hin hoŋ dadari makŋa kolo daŋgatla. Ndak hin ŋguy suuna hu li ma luuna.

JEREMI 31:40

Ҥuɗugumba maɗ suuna huruɗ u buɗna lay, li ma u fiyek ɦuɗugumba col ay Sedron day tew eg vun zira kulumina u faɗ maɗiira. Tle asina halaŋŋi hin ki ni maŋ Yawe. Sa hin ka paɗasi kiɗi, ka hawaɗasi kiɗi a fafaɗta.

JEREMI 32:15

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, hu mbas ndaɗta suuna hin gus ziginina olo, senena, sene ŋgusugina lay.»

JEREMI 32:44

Suuna hin gus senena ŋgaam gusumu. Asi hin ɓii magaara gussa. Asi hin tin kosi huruɗ fok suuna hu mbassa vi Benjaminda, hu ɦoŋzi ma ŋguy kay Yerusalemma, hu ɦoŋzi ma Yudana, hu ɦoŋzi ma kay ɦinirana, hu ɦoŋzi ma hu Negebma, kay ana an hin hoŋosi ki balamasiya.» Yawe di na.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

JEREMI 33:7

An hin hoŋ gi Yuda u Israel balamasiya. An hin hoŋosi balamasi ko asi li ay jewra na.

JEREMI 46:27

Na may aŋ, saan ma sunda, Yakob, li ndaaɗi, hin a dla ndaɗta suu kaŋgi, Israel. An hin buɗuŋ ay ki ko mbassa ay ki dayra, njafaŋ lay ay ki kay ndaŋgara asi ŋgay ki hura. Yakob hoŋ aya. Nam wi ki gasi wa. Nam ka kaki na en. Sa nam li ndaa kom ka oloɗi.

JEREMI 49:39

Na may hu buu ma fokŋa an hin hoŋ Elam balamaɗu. Yawe di na.

JEREMI 49:6

Ŋgoo dagan dla ndaɗta ni an hin hoŋ Amon balamaɗu.

EZEKIYEL 36:11

Suu warna u yoorina an hin zuluk sina kak cocoo. Asi hin zul cocoo, hin vuɗ coco lay. An hin zuluki bolow a su jewra. An hin ɦagi tlena ni sura fok jewra. Agi hin wi ki ana anni Yawe.

AMOS 9:14

An hin mbuɗ ɦalla vi suu man suu Israelna kiyo, asi hin hoŋ ɦoŋzi ma ɓeŋem kina minda, kak huwa. Asi hin pi ŋgusu gugutlura a hin caɗ sumuɗta, asi hin horok senena, tam vuɗum may.

ZAKARI 1:12

Sa sunda vi Yawe hoŋ dira ana, «Yawe, ma saɓakŋa kom belna, aŋ hin juɓmi ara na ta ta a hin wi hahaw Yerusalem u ɦoŋzi ma Yudana suu huruŋ ɓeŋ ki egesi basara dok kiɗisiyana ni ge?»

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

ZAKARI 12:7

Yawe hin suɗ mbutluɓma Yudana ki jewe a furira hu ziŋ Davidna u furira vi suu hu Yerusalemma gol ko asi jivi su suu Yudana naɗi.

ZAKARI 14:10

Mbassa halaŋ hin mbuɗ ki senena, col ha kay Gueba ta ta tew hu Rimmon keŋ Yerusalem mbayawna. Ndaɗ hin mbuɗ ki kolo ŋgolla, eg liiɗu, col ha vun grek ma vi Benjaminna ta ta tew ha ki hu li ma vun grek ma basina ta ta tew ha ki hu vun grek ma keŋŋa, col ay eg gulumun ma vi Hananeelna ta ta tew ha ki hu li ma em tlena vi mulna na.