JEREMI 30:17 - Boy Lonana

¹⁷ Aŋ may ni an hin mbuɗuŋ ki mariyaɗ, an hin ciliŋ mbiliŋ kiyo. Di na ni Yawe. Kay asi yaŋ semma kaŋ ana, «Va ma jivi ka huɗi, Siyon mayra sa humum ka gam kaɗɗira.»

JEREMI 30:17 ပူးပေါင်းရင်းမြစ်များ

SOOLLA 107:20

Nam sun boy mamma ay a garaɗasi kira, paɗasi ay ki hu zulla may.

JEREMI 33:6

Na may an golom tuguɗii mamba, hin cilim mbilim ki lay. An hin cilisi mbilisi kiyo. An hin takasi begera ki irisi bel bel u heɓpa, asi hin kak u heɓpa may.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

SOOLLA 103:3

Nam bulumuŋ cooŋga ki halaŋ, nam garaɗaŋ tuguɗiira laŋga ki lay.

KALKIRA 15:26

Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»

SOOLLA 23:3

Nam hoɓon iiri manda. Nam koɗon hu voɗta ɗegeera kay semu.

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

WIRA ŊGAYRA 22:2

Ɓaɗ ha ki hu voɗta ɦoŋzi ŋgolnara lay keŋ mbo lumma jakŋi gu ma iirira ka coliya. Hu basara ni nam vuɗ doogo yam mba', tilna dew ni nam vuɗ dew may, humum a garaɗ suu tuguɗira kiyo.

EZAYI 30:26

Kiɗikka vi tilnara hin mbuɗ ni ko kiɗik faɗtara na. Kiɗik faɗta hin mbuɗ seɗ na kiɗisiya sura jewra, ko ndal kiɗikka li buuna kiɗisiyara na. Hu li ma Yawe njun mbil suu mamsinana, tin tlena ii mbil ma asi famma.

JEREMI 30:13

Sa ka njun kaŋgi, mbil ma aŋ kaamma kumu ma kam kaɗi.

JEREMI 8:22

Kumu ma saɗam kay tuguɗira ay ka hu Galaadɗi su? Doktor ay ka huɗi lay su? Ni kay me asi wi mbil ma vi suu mansinana ay ka a cilim kiɗi ge?

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

SOOLLA 12:5

Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

EZAYI 11:12

Nam hin tak dla mayra ana nam hin tok yam suu mamsinara kiyo. Nam hin tok yam suu Yuda suu njay kina kiyo, suu ay ki keŋ ndaŋgara fiɗira halaŋ.

JEREMI 33:24

Suu asina ka saara, aŋ wi lay ana Yawe noy njaf suu mba' suu nam ŋgaɓasina kiyo. Na ni asi hin noyon suu mansina ki kay ana asi ka suu masisina oloɗi su?

EZEKIYEL 35:12

Ni aŋ hin wi ki ana an, Yawe, humugi dla coogira aŋ daɗ eg ɦinira vi suu Israelnara wa. Aŋ ana ɦini ndaɗta ɓalak ki wa. Ndaɗ hin ki ni a liimi ma taa yoorina.

EZEKIYEL 36:20

Suu mansina tuɗ ki duk suu daŋŋa, ha hu liisi namma ni asi mbuɗun sen ma teteɗna ki njenjera. Suuna ɓak kasi ana ni suu vi Yawena may cemi ni asi ki cuki ni duk suu daŋŋa hin mbas masira ha kiyo.

YOORA 2:15

Asi ko kosi uku, suu jak hu voɗtana halaŋ. Asi feɗ vunusi may kizik yasi may u Yerusalemba jivira. Wanni ɦoŋzi ma agi hin di gin kam ana ni jivira fafaɗtana, furi mayra kay ndaŋgara halaŋgaɗi su?

SOOLLA 142:4

Hu li ma musukun hin tok a kal kira, aŋŋi sa ma wi li ma an tuɗ huna. Aŋ wi voɗta an tuɗ hura, asi gunun dawna ki fokonu.

EZAYI 33:24

Suu hu zi nammana halaŋ sa ma di ana, «Tan karam tanu» kaɗi. Suu cuk zina hu Yerusalemma halaŋ, Lona bulumusi coosira kiyo.

EZAYI 56:8

Bu Suuna Yawe ma taɓ yam suu Israelna kel tasina di ana, «Cemi an tok suuna ay ki kel tasi wa, suu hinna an hin taarasi ay ki hu olo.»

EZAYI 58:8

Na ni kiɗik maŋga hin tak ki ko faɗta day maɗiira na. Mbil ma egeŋŋa hin cil ki ni na zak gaw. Suɗta hin tuɗ fokoŋu, bibiŋil Yawera ha ŋgorogi daganna.

EZAYI 60:15

Jew ni suuna noyogi kiyo, sa ma minigi kaɗi, sa ma mba a heɗegi kaɗi lay. Cemi ni ka na oloɗi, agi mbuɗ ni li ma furira a fafaɗta, furi ndaɗta ha ni na gak gak.

JEREMI 17:14

Garaɗanu, Yawe, an hin garaɗ kiyo. Suɗun kiyo, an hin suɗ kiyo, kay ana aŋŋi saɓak manna.

Magaara Vi Sa Jok Vun Lona OZE 11:3

An tanda doli haɗ tuɗta maŋ Efrayimmi anu, vam kom colom koloo, na may asi wi ka ana an loɓ tan ay kasi ni anuraɗi.

JOB 5:18

Lona ndak a las sana may nam ndak a garaɗam ki lay. Lini nam dak sana wa ni, nam hin njunum mbilimmi nam tok.

EZAYI 54:6

Agi suu Israelna ni ko ndal cara njufuɗ hiniɗ kira na, huruɗ ki ɓeŋi cocoo. Cemi ni Yawe ka yagi olo di ana, cara aŋ ɗumuɗ u zoŋ taŋga aŋ hin hiniɗ ki su?

EZAYI 57:18

An wasi dlaasira asi laɗta, na may an garaɗasi ki wa, an ɗegeersiya, ɗilisi irisiya u suu ka tii dukusina halaŋ.

EZAYI 57:19

An hin kalasi soolla geleɗta ay ki funusiya, ana heɓpa, heɓpa kaa, kay suu ha ki dadayna u suu totokŋa lay, di na ni Yawe, an hin garaɗasi kiyo.

JEREMI 10:20

Mbutluɓ manna ɓeŋ ki wa, a ɓuɗom zewem ki halaŋ lay. Goryon u liin ma kakka ka oloɗi. Sa ka minin mbutluɓ manna kolo oloɗi, a minin liin ma kakka oloɗi.