JEREMI 30:16 - Boy Lonana

¹⁶ Na ɗaŋŋi suu caŋ kina hin casi ki may. Suu babali maŋsina halaŋ dukusi sa ka hin kiɗi, hin tuɗ ki ŋgayra. Suu ɦurumuŋŋa hin ɦurumusi ki may. Suu ɦurumuŋŋa halaŋ an hin suuna ɦurumusi ki may.

JEREMI 30:16 ပူးပေါင်းရင်းမြစ်များ

SOOLLA 129:5

Ko suu babali mansina mbuɗ zolona suu may suu kaboyna eg Siyonna halaŋ mbuɗ zolona.

KALKIRA 23:22

Lini agi humum delemu ni lagi dlara an dagirara, an hin li ni a sa ma babalira u suu babali magisina a sa ma gonokka u suu gonok magisina may.

VUN ŊGOLNA 22:23

Kay Yawe ka njun ay kasiya. Nam hin vi iirira vi suu lasisina kiyo.

EZAYI 14:2

Suu daŋŋa ŋgolo hin vasiya, mba tinisi ki hu mbas masira. Kay yam ndaŋgara vi Yawera suu Israelna hin ɓorowoɗ kosiya, suu may suu asi ay varsi ŋgayrana, asi hin cukusi ki fokosi a mborɓii masisina, asi hin mbuɗ a ŋgolora kay suu lasasi ayna.

EZAYI 33:1

Hahawra ka kaŋ aŋ sa ma ɓalak tlena kina, ma sa ɓalakaŋ aŋ taŋga ka ki ɗewɗina. Aŋ sa ma kaf dlara ha kay suuna sa kafaŋ taa ka kaŋ ɗewɗina. Hu li ma aŋ hin ɓalakka ɓalak tlenara wa ni aŋ taŋga hin ɓeŋ ki may. Aŋ hin kaffa kaf suuna u dlara wa ni taŋga asi hin kafaŋ u dlara ni na may.

EZAYI 54:15

Lini suu mba ndaŋ ya lay ni col ay ka konɗi, gegelay ma mba ndaŋ yarana hin puk kaŋga fokoŋu.

EZAYI 54:17

Kawi ma asi dlam a laŋ hawra u namma halaŋ ka ndak a laŋ vaɗi. Suu may suu ka di dlara kaaŋ ɓakŋa kaŋga halaŋ aŋ hin su kasiya. Gola ni dlara an, Yawe, a laɗ kay suu man suu sununara. Dla ndaɗta daɗ kasi ni an Yawe daŋ may.

JEREMI 10:25

Aŋ hin yaaŋga li ni kay suu ka waŋgina kay suu ka yaŋ seŋgina, kay asi kul tlena vi Yakob kiyo. Asi cam kiyo. Asi daɓam dlam kiyo. Asi yowom tlegeyem kiyo.

JEREMI 12:14

Na ɗaŋŋi Yawe ɓak anaba, ndarayam suu zi suu co suu min a yow joon ma an ɦam maŋ suu man suu Israelna, an hin paɗasi ki u sariyasi ma duk ndaŋgarana. An hin paɗ suu Yudana ki dukusi u sariyasi may.

JEREMI 2:3

Israel ni va ɗogom maŋ Yawe na. Vuɗ tlesuu jew suu ɦamsina mamma, gegelay ma tasina dla cora famu, dla cora mbay ŋgafamu. Yawe di na.

JEREMI 25:12

Na may hu li ma basara dok kiɗisiyara daɓ ki wa ni, an hin li yara u mul ma Babilonna u suu mamsina. Yawe di na. Kay ci maɗ masina, kay mbassa Kaldera. An hin mbuɗuɗ ki li ma hahawra a fafaɗta.

JEREMI 30:15

Aŋ gurni duk dla cooŋga wanni mbil maŋŋa ka cil kiɗi. Ni kay maɗ ma aŋ cam bolowna kay dla cora aŋ laɗ ka seŋ dukgi layra. An mbaaŋ dla ndaɗta ay kaŋŋi na.

JEREMI 50:28

Vunna ka liya. Suu ŋgay tasina u suu usi hin hu mbassa Babilondana mbay ɓak hu Siyon kay sa sugul ma vi Yawe, Looyginana, sa sugul ma ay kolo huulonana.

JEREMI 8:16

Ay hu Dan day ni asi hum semeɗ ma u sem kulumi mamsinana. Bayra asi bayra ndaŋgara dlaka. Asi mbay ni a ɓeŋ ndaŋgara ki u tlesuu kaɗna, ɦoŋzina u suu hurumma.

YOORA 1:21

Asi humun an yoora, sa heɓen hurun kaɗi. Suu babali mansina hum dla cora li egenda, asi li furira, aŋ li dla ndaɗta ni aŋu. Aŋ mba buu ma aŋ ŋgaam kina ay wa. Ko asi may ni li ni ko an na.

YOORA 1:22

Ko dla coosira halaŋ mbay fokoŋu, aŋ lasi ko aŋ landa na may kay dla coonda halaŋ. Kay ana yoo taanda bolow cocoo, an tan ki tuguɗi halaŋ.

EZEKIYEL 29:6

Suu hu mbassa Egiptera halaŋ hin wi ki ana anni Yawe. Njunda aŋ a njun u suu Israelna ni ko ndal tokolo ŋgayra ɦawana.

EZEKIYEL 35:5

«Kay ana agi ay ni a suu duu u suu Israelna. Agi vo busuna ki cocoo, busu suu Israelna u saɓak ŋgewi magisina. Hu li ma asi li corana, hu buu ma suluk masina tew liim kina.

MISE 4:11

Cecem wanda mbassa bolowo vi vunusi kaku, mbas mayra di ana, «Ko ndak mbuɗ ki lalasi, ko irigi gol ɓeŋga vi Siyonda.»

MISE 7:10

Ndaɗ hin wi ki jiviya, babali manda, ndaɗ hin mbuɗ ki zolona, ndaɗ mayra li dan ana, «Yawe, Looŋŋa, ni aragera?» Irin ka tini kaɗ ta, an hin tayaɗ ki kaŋga u sen ko ndal luɓuna hu voɗtara na.

NAHUM 1:8

Hu li ma dla cora ka jakŋa lay. Nam bulum ɦoŋzi ma ŋgolna kiyo, dik suu babali mamsina tinisi ha ki hu li ma ndufunna.

HABAKUK 2:16

Huruŋ oyra ni u zolona, ka u bibiŋillaɗi. Aŋ taŋga ci may kay bik ko Yawe ma njufna vo ki kaŋu, ŋgoo dagan jivira ni hin mba ni hahawra.

SOFONI 2:8

An hum ŋgulla vi suu Moabma, panda goryoŋ Amonna panan suu mansinara, suu ŋgulun suu mansina wul tasi u mbas mandana.

ZAKARI 1:14

Nam sa sunda huulona ma ɓak u anna dan ana, «Ɓak ha kiyo, Yawe, ma Saɓakŋa Kom Belna, di ana, Yowmusna ka hurun ŋgolla eg Yerusalem u Siyon.

ZAKARI 1:15

Na may an hurun ki ɓeŋi coco eg mbas mayra ki mini jivira. An may ɗaŋŋi hurun gin ki ɓeŋira ni ew kay Israel, asi may ni mba cuk kay cooɗta ni cuk kiyo.

ZAKARI 12:2

An hin mbuɗ Yerusalem ki ko va ma oy u yaandana kay suu keŋeɗna halaŋ. Dla ndaɗta hin li ki eg Yuda hu li ma suu mba a duu u Yerusalemma.

ZAKARI 14:2

An hin tok suu eg Yerusalem tok tokŋa a col duuna. Hin tli ɦoŋzina, hin to ziginina ki kaŋga may, ɓeŋ boyogina ki may, ŋgol suuna hin tuɗ ki mbaɓura, na may usira hinda hin ka casi ki ɦoŋzina oloɗi.

ZAKARI 2:12

Yawe, ma Saɓakŋa Kom Belna, ma sunun ay u saɓakŋa kay suu ɦurumugi kina, ɓak ana, gasi sa ŋgenegina, ŋgenenni wawal irinu.

ZAKARI 2:8

Nam dam ana, «Liŋa, ɓak ha maŋ goozoŋ ma ha wanna dam ana, Yerusalem hin hinni a ɦoŋzi ma ki malina, kay suu bolowna u mbuuri suu bolow suu ka huruɗna.

GA 8ATAMBARA 30:7

Yawe Loogina hin li dlara ɓiiri hu gaɗta wanda ki eg suu lagi dla ndaɗta egegi wanna may.

WIRA ŊGAYRA 13:10

Sa ma ay ki ŋgaɓi a ti daŋgayna hin gammi daŋgayna may, sa ma ay ki ŋgaɓi a ci ki u ŋgew ma ŋgolnana hin cam ki ni u ŋgew namma may. Ni kay ndaɗta dee suu vi Lonna kak ɗili u tukka ndaɗta u vira.

1 SAMUEL 17:53

Asi cuɗusi usi ŋgolla cuɗ ni, suu Israelna hoŋ ay ɦurum tlesuu hu kaŋŋa vi suu Filistinna kiyo.