Lini nam seŋ tam ki wa ni sa ma hin kaasi ɓakŋa kasina ni gege? Lini nam kuluɓ irim ki wa ni sa ma hin wasina ni gege? May Lona ka saa kay njaf suuna ko sa warna na.
Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»
Col ha ga kay semma ta ta tuɗ kolo kay yamba ni va ma jivi kaɗi, dagka, mbilna, u mbilna cuɗ loora. Sa ka mbus mbil nammaɗi lay, ka njunumbi lay, ka a do mbul ii mbilna a ɗerɗem irimbi lay.
Nam gol wanni sa ma tli tam ka na dewɗi, nam mbuɗ saa cocoo kay sa ma a njun suu mamsina kaɗi. Kay ndaɗta nam mbay njunusi u tamba. Ɗegee mamba ni a va ma asi deŋ tasi egemma.
Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.
Aŋ may ni an hin mbuɗuŋ ki mariyaɗ, an hin ciliŋ mbiliŋ kiyo. Di na ni Yawe. Kay asi yaŋ semma kaŋ ana, «Va ma jivi ka huɗi, Siyon mayra sa humum ka gam kaɗɗira.»
Na may an golom tuguɗii mamba, hin cilim mbilim ki lay. An hin cilisi mbilisi kiyo. An hin takasi begera ki irisi bel bel u heɓpa, asi hin kak u heɓpa may.
Ko ndal doyra vi yona kolo huruɗta na ni ndaɗ ndak a ŋgay dla cooɗta huruɗu. Vo varaɗ ni ɓakŋi dlara saɓakŋa u ɦurumba. Ko ndaɗta na ni wihawra u yootara irin wasi na ni mbuɗ hahawra.
Dlara hin a ɓakaɗ kakka ni tarage? Sa an hin ŋgaam u ndakŋa ni ge ɗaŋge Yerusalem ta jivira? Sa an hin ŋgaam u ndak a heɓek hurukŋa ni ge goo wayra, Siyon ta jivira? Kay ana tora took kira ŋgolla ni ko lum ma ŋgolna na. Sa hin suɗuk kina ni gege?
Dukusi ni an hal ana fi sa ma jivi ma min gulumunna kolo su, fi sa ma hin a col fokon a vi kura kolo su, ni kay tlesuu ka hu mbassana. Kay ana ka an hin ɓalak tle asina kiɗi, na may ni an fi sa kaɗi.
«Goŋ sanna, an kus ko Faraw, mul ma Egiptena, ki wa. Sa ka jakamma oloɗi. Sa ka hoorom va kayambi lay. Sa ka njunummaɗi lay. Sa ka lamma doktor a kom fi saɓakŋa a vi ŋgew ma duuna oloɗi.
Asiri ka ndak a suɗumiɗi. Ami ka ful kolo kay kulumbi, ami hin ka di olo ana tlesuu ami minisina ni Loominaɗi, aŋ taŋga sa ma ka wi hahaw goo ma kuyuna.»
Dlaaŋga iriɗ ka a giɗi, ka a fi yal ma ciliŋ mbiliŋŋaɗi. Gegelay humuŋ dlaaŋga nam ko kom u cooŋga. Ni na, sa ma yaaŋga ŋgenem kaɗi may, tam tam kaɗi mayna ni gege?
Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.
