JEREMI 30:10 - Boy Lonana

¹⁰ Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

JEREMI 30:10 ပူးပေါင်းရင်းမြစ်များ

URA TIN AYRA 15:1

Ŋgoo dla mayra li ay ndaɗta, Yawe di Abram hu doyra ana, «Li ndaaɗi anni mbari maŋŋa, warak maŋŋa hin li ŋgol cocoo.»

EZAYI 14:3

Agi suu Israelna, hu buu ma Yawe hin ɦagi koɗ tara ŋgoo lassa agi las ay cocora, u sunda mbaɓura agi laɗta.

EZAYI 35:9

Li namma ni dlona ka huɗi, vabak ma co ka li ha hu li nammaɗi, sa ka fi va ma na huɗi. Suu vi Bu Suunana tli voɗ ndaɗta ni asiya.

EZAYI 43:5

Li ndaaɗi kay an ka u aŋu. Col ay u maɗiina day an hoŋoŋ njaf suu maŋsina aya. Ay u fiɗigina day an tokogi yagiya.

EZAYI 44:1

Cemi ni humugi haa agi suu man suu Israelna, njaf Yakob, suu man suu an manasi kina.

EZAYI 44:2

An Yawe, an laŋŋi anu. Ay huu suŋ day ni an laŋŋi anu. Anni sa ma njunuŋŋa. Li ndaaɗi, zoŋ manna Yakob aŋ Israel ni sa ma an manaŋŋa.

EZAYI 46:11

Ay u faɗta maɗiira day An yi bakŋa ay kay ɦaana. Ni sa ma hin lan dlaanda an min a laɗta kina. An yam ay ni hu mbassa dayra. Dlara an daɗta na zak gaw ni ndaɗ li may.

EZAYI 46:13

Dlaanda an a laɗ kira hin ka day oloɗi, hinni na tok daŋ. Buɗta kira ka day oloɗi, an mba buɗ mbassa Siyonda ki ni u tanda. Na daŋ may suu Israelna an hin ɦasi bibiŋil manda.

EZAYI 49:12

Ay day lay ni suu mansina ka tuɗ ay huwa, suu daŋŋa col ay mbayawi, suu hiŋŋa ay u fiɗigina, suu daŋŋa col ay hu mbassa Sinimba may.

EZAYI 49:25

Na daŋ may Yawe di ana, Suu saɓak suu suuna yowosi ha fun duunana hin cukusi ay kiyo. Muli suu asi vasi ha fun duunana hin cukusi ay ki lay. Suu li honira u aŋŋa an hin li u asi ni anu. An hin suɗuŋ goryoŋ ki ni an lay.

EZAYI 54:4

Li ndaaɗi, kay dlara zolo ka faŋ oloɗi. Li zoloɗi kay sa ma ndak a panaŋ ka oloɗi. Aŋ hin maa zolo ma laŋ ay u goo taŋŋa kiyo, humuŋ hin maa dono maŋga ay jewra ki lay.

JEREMI 23:3

«An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

JEREMI 23:4

An hin tinisi suu taara kasiya. Asi hin taarasiya. Asi hin ka li ndaa oloɗi. Asi hin ka miɗ ki oloɗi. Sa dukusi dew lay hin ka hin bay hum sembi.» Di na ni Yawe.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

JEREMI 23:8

May ɗaŋŋi asi hin di ni na ɗow ana, «Yawe ka iiriya, ma cuk suu Israelna ay kina, ma mbaa goryoŋ suu Israelna ay ki hu mbassa mbayawra, hu mbassa an njayasi ki kaɗta halaŋ a asi mba kak kay ndaŋga masira.»

JEREMI 29:11

An wi dla mayra an vi vunun kaɗ a lagira egegira. Di na ni Yawe. Ni vi vun ma ɦagi begera, ka vi vun ma mbuɗugi hahawɗi. An hin ɦagi jivira, agi hin saa kan may.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 3:18

Hu li namma ni suu vi Yudana hin taɓ ki u suu Israelna. Asi col ay hu mbassa mbayawra hin mbay ko tasi dew hu mbassa an ɦaɗ ki maŋ somoyosi a jonara.

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

JEREMI 30:7

Ni dla co me ɗaŋge? Gasi buu namma ŋgol cocoo, buu ma tli tam u nam kaɗi. Ni buu ma hahawra kay Yakob. Na may nam hin buɗ kiyo.

JEREMI 33:16

Hu buu namma ni Yuda hin suɗ ki may, Yerusalem hin kak u heɓpa may. Gola ni seɗ ma suuna hin yaɗ u namma, «Yawe ni jivi maygira».

EZEKIYEL 16:52

Ndak may ni zii zolo makŋa. Ndak cara dla cookka su ki kay masirara. Asi keŋekŋi mbuɗ ni ɗegee suuku. Ndak may ni vi zolo makŋa, zii zolo makŋa may, kay ana dlaakka mbuɗ ki co sura vi gorsekŋara.

EZEKIYEL 38:11

Aŋ hin ɓak taŋ huruŋ ana, an hin tuɗ duu u mbassa sa ma njun kaɗ kaɗira u suu may suu ka laki en u heɓpana. Suu ka cuki hu ɦoŋzi ma gulumun ka gii kambi lay, vun grekŋa ka dugi u cokorombi layna.

DANYEL 12:1

Hu li namma mul ma ŋgol ma vi suu sunda vi Lona, Michel, hin col kolo yara, nam sa ma ka coli eg goryoŋ suu maŋsinana, li namma hin li ni li ma yoo tara, dla ndaɗta hin a lira ka bay li kay yam mbassa dew tuwa ta ta hu li namma. Hu li namma suu maŋsina hin suɗ kiyo, gegelay ma sem ka ɓiiri kaŋga hu magaarana.

Magaara Vi Sa Jok Vun Lona OZE 2:18

Va hin li hu buu nammana ni, Yawe di ana ndak hin yan ana, «Njufunu». Ndak hin ka yan ana, «Baal manna, malanna,» oloɗi.

Magaara Vi Sa Jok Vun Lona OZE 2:20

An hin vi galamba u asi hu buu namma, u mbuuri suu hu senenana lay, u laygi suu huulonana lay, u tlesuu ɦaram u vun dikisi kay ndaŋgarana lay. Gu mbuurura, ŋgewra lay, duuna lay, an hin bulumusi kiyo, tle asina hin ka li hu mbassa oloɗi. An hin ɦal voɗta maŋ suuna asi buu senna u heɓpa.

Magaara Vi Sa Jok Vun Lona OZE 6:11

Mak ndak Yuda may ni, an ka min tan a feɗta hu li ma an hin mbuɗ dlara vi suu mansina kira.

JOEL 2:21

Ndaŋgara li ndaanaɗi, li furira kay Yawe li tlesuu ŋgolona ni namu.

MISE 4:9

Cecem wan daŋga ndak yi kolo u delek eŋga ni kay me tuge? Mul ha ka vo varakgi su? Sa ma gaɗakŋa viɗ ki wa su, ti tara fak cecem wanda ko ndal cara a vuɗta na ɗaŋgi su?

ZAKARI 3:10

Yawe, ma Saɓakŋa Kom Belna, di ana, hu buu namma ni agi hin yagi tagi ay na zeɗ zeɗ u ŋgusu gugutlura, u ŋgusu tulumma.

Boy Ma Ayra Ma JAŊ Ɓiirimma 12:15

«Zi ma ŋgol ma Siyonna, Li ndaaɗi, gol mul maŋŋa ka mbaya nam kak kay goo korona.»