JEREMI 29:8 - Boy Lonana

⁸ Gasi Yawe, ma Saɓakŋa Kom Belna, Lona vi suu Israelna, ɓak anaba, hinigi dlaagira mbuɗ bisna u suu jok vun Lona suu dukuginaɗi, ɗowba u suu joɓ suu dukuginaɗi. Gologi tagi jivi kay doy mayra dagiraɗi.

JEREMI 29:8 ပူးပေါင်းရင်းမြစ်များ

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 23:16

Na ɗaŋŋi Yawe, ma Saɓakŋa Kom Belna, ɓak anaba, Tinigi saaragi kay boy ma suu jok vun Lona dagina naɗi. Asi ganagi ni yagiya. Dlara asi daɗta ni saa masira mbay kay yasira. Dla ndaɗta col ay ka fun Yaweɗi.

JEREMI 23:21

An sun suu jok vun Lona asina ha kaɗi. May asi ka liŋ haa. An ka ɓakasi boy haɗi lay. Asi tuɗ ɓak ha kiyo.

JEREMI 23:25

An hum vun suu jok vun Lona suu ɓak boy ma kaboyna u senna di ana, «Tlena tak tasi irinu, tlena tak tasi irinu.»

JEREMI 23:27

U doy masira asi njaɗaɗ vunuɗ duk tasira, asi saa ana suu mansina hin maaran sen ki ko somoyosi u Baal masina maaran sen kira na.

JEREMI 27:9

Agi may ni humugi vun suu jok vun Lo magisinaɗi, suu magi suu dandaɗi lay, suu magi suu joɓpaɗi lay, suu magi suu tin gariraɗi lay, suu magi suu li kumuna suu dagi ana agi hin ka hom yagi kaŋga fok mul ma Babilonnaɗina.

JEREMI 28:15

Sa jok vun Lona, Jeremi, di sa jok vun Lona, Hananiya, ana, «Hum haa, Hananiya, Yawe sunuŋ ay kaɗi. Aŋ mbuɗ ana suuna jok saarasiya ni aŋu.

JEREMI 29:1

Gola ni boy ma sa jok vun Lona, Jeremi, ɓiirim ay hu magaara sunuɗ ay Yerusalem maŋ suu basina halaŋ duk suu yowosi mbaɓurana, muli suu li ɓivunna lay, maŋ suu jok vun Lona u suuna halaŋ halaŋ, suu Nabukodonosor yowosi hu Yerusalem tuɗusi mbaɓura Babilonna.

JEREMI 29:15

Lini agi di ana, Yawe ɦami suu jok vun Lona ay hu Babilon...

JEREMI 29:21

...Gola ni dlara Yawe, ma Saɓakŋa Kom Belna, Lona vi suu Israelna, daɗ maŋ Ahab ma goŋ Kolayana, maŋ Sedesiyas ma goŋ Maaseyana suu ɓakagi boy ma kaboyna u senna. An hin ɦasi ki ko Nabukodonosor mul ma Babilonna, nam hin casi ki irigiya.

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

JEREMI 37:9

Na daŋŋi Yawe ɓak anaba, agi jokogi saaragi ki a saa ana suu Kaldena sel ay ki varagi ni a fafaɗta naɗi. Asi tuɗ kaɗi.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

EZEKIYEL 13:6

Asi wi ni wira kaboyna ɦawaa, asi di dlara ha fokka ni dlara mbaɗ tara ɦawa lay. Asi suu di ana Yawe di ay na, bay Yawe cukusi ay layna, asi ka juɓmi ana nam hin lasi dlaasira asi daɗta kiyo.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

ZAKARI 13:4

Hu buu namma ni gegelay ma jok vun Lona hin mbuɗ ki zolona kay sun mamba hu li ma nam jok vun Lona tuna, nam hin ka cuk barawra taɗ tlimiɗta a mbaɗ suuna oloɗi.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

Boy Ma Ayra Ma LUK Ɓiirimma 21:8

Yesu di ana, «Gologi tagi jiviya, viɗigi ii tagiɗi. Kayme suuna hin mba u sen ŋgolo. Gegelay hin di ana nammi Sa Suɗta, lina ndak wa, ni agi tuɗugi usiɗi.

Boy Ma Ayra Ma LUK Ɓiirimma 6:26

«Hahawra ka kagi agi suu suuna dagi dlaagi jivina, somoyosi li ay jew u suu jok vun Lona ki cona ni na daŋ may.»

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

EFESNA 4:14

Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.

EFESNA 5:6

Hin sa a ganagi yagi u boy ma ɦay ɦaynaɗi, yara vi Lonara hin mba kay suu ka hum umbina ni kay cora ko ndaɗta nara.

2 TESALONIKŊA 2:3

Hin tagi a sa ganagi yagiɗi. Kay buu namma ka mba ki jew bay sa ma cona tak tam ki jew duu ma daɓ dagannaɗi. Ɓakŋa ay ki kaay kam paŋ.

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

WIRA ŊGAYRA 13:14

Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.