JEREMI 29:32 - Boy Lonana

³² Na ɗaŋŋi an hin li dla cora eg Semaya ma Nehelamma, eg njafam lay. Sa dukusi dew lay hin ka fi liim duk suuna a hin li furira kay tlesuu jivi suu an hin ɦasi maŋ suu mansina naɗi. Di na ni Yawe. Na ni nam ɓak ka ni dla cora suuna yow duuna u Yaweraɗi su?»

JEREMI 29:32 ပူးပေါင်းရင်းမြစ်များ

1 MULINA 13:18

Sa ma jok vun Lona ma maana dam ana, «Anni sa ma jok vun Lona ko aŋ na may. Sa sunda huulona dan ay ni diya ni boy ma vi Yawena ana, tuɗ hoŋom aya uŋ vo hu ziiŋu, nam ti funa may, ci yona may.» Nam kaammi boyna.

2 MULINA 5:27

Kay ndaɗta busu ma vi Naamanna hin jokŋi kaŋu, ha kay njafaŋŋi na halaŋ halaŋ.» Hu li ma Gehazi gi tam hin Elize kana may ni, tam mbuɗ ki haɓpa ko fuɗ barawra na, busuna cukummi na gaw.

2 MULINA 7:2

Sa ma mulna tuɗ jik tam u namma di sa jok vun Lona ana, «Lini Yawe co ay ni huulona na gaw lay ni, dlara aŋ njaɗaɗ wanda ndak a li su?» Elize hin dam ana, «Jiviya aŋ hin wi dla ndaɗta u iriŋu may ni, aŋ ka hin ŋgen tle asina funuŋgi.»

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

EZAYI 14:20

Ka ndak a paŋ u asi hu zulla dewraɗi lay. Kay aŋ ɓalak mbas maŋga kiyo, ci suu maŋsina ki lay, njaf suu li dla cora sa ka yasi sesi oloɗi.

EZAYI 14:22

An hin col kolo duu u asiya, Yawe, ma Saɓakŋa Kom Belna, di na ni namu suu hu Babilonna halaŋ an casi kiyo, bulumusi sesi ki duk suu warna, gasi njafasi kiyo. Yawe di na.

JEREMI 17:6

Ni ko ndaɗta na lay kay ŋgusu ma hu fullana, nam ka wi jivira hin mbayraɗi, nam hin kakŋi hu sene ma gogoyra hu fulla, ni ndaŋgara galakka sa ka kak huɗira.

JEREMI 20:6

Aŋ taŋga, Pasehur, u suu maŋsina halaŋ, aŋ hin tuɗ ki mbaɓura, aŋ hin tew ki hu Babilon aŋ hin miɗ ki ni huwa. Asi hin tosoŋŋi huwa. Gasi aŋ u banayaŋ suu aŋ ɓakasi boy ma kaboynana halaŋ halaŋ.»

JEREMI 22:30

Yawe ɓak anaba, ɓiirigi kay sa namma, «Sa sunum kaɗina, goo ma li dlara jivi ka na ndeɗi layna.» Duk goryom halaŋŋi ma hin li dla jivi dew kaɗi, ma hin kak kay mulla vi Davidta, a gol u mulla vi Yudara kaɗi.

JEREMI 28:16

Na ɗaŋŋi, Yawe ɓak anaba, an hin dikiŋ ki kay ndaŋgara. Aŋ hin miɗ ki hu basa ndaɗta kay ana aŋ ɓak boy ma suuna yow duuna u Yawena.»

JEREMI 29:24

Aŋ di Semaya ma Nehelamma ko wanda na.

JEREMI 30:1

Yawe ɓak boy mamma maŋ Jeremi ko wanda na,

JEREMI 35:19

Na ɗaŋŋi Yawe, ma Saɓakŋa Kom Belna, Lona vi suu Israel, ɓak anaba, Yonadab ma goŋ Rekab ma suu hin a col fokon hu buuna tew tewna hin ka kaɗak kombi.»

JEREMI 36:31

An hin li yara u namu, u suu mam suu sunda lay, u njafam lay kay maɗ ma asi camma, an hin cukusi suu hu Yerusalemma ay kasi u suu Yudana, dla cora an di ana an lasira egesira halaŋ kay asi humun kadi.»

EZEKIYEL 20:38

Suu may suu duu u anu, halan a yara dukugina, an hin dikisi kiyo. An dikisi ki hu mbassa asi ka huruɗ cemi wandara, duk suu asina ni sa dew lay ka hoŋ ay hu mbassa vi suu Israelnaraɗi. Ni agi hin wi ki ana anni Yawe.

AMOS 7:17

Ni kay ndaɗta Yawe ɓak anaba, Caaŋga hin ndi ki gawlaŋga hu ɦoŋzina, goryoŋ suu njufiina u suu gorɓiina hin casi ki u ŋgewra, ndaŋga maŋga hin ɓorowoɗ ki u zewna. Aŋ may ni hin miɗ ki ni kay ndaŋgara cora, suu Israelna hin yowosi tuɗusi ha ki eg ndaŋga masira na day.»

AMOS 9:10

Suu man suu dlara vasina halaŋ hin miɗ ki ni maɗ ŋgewra, asi di ana, «Nam hin ka mbayɗi, dla cora hin ka mba kaygiɗi.»

GA 8ATAMBARA 13:5

Agi tuɗ ni u Yawe Loogina nam dew, agi lammi ndaaram na dew, agi li ni u gaɗ mamba na hol, agi humummi delem na dew, sunummi nam dew may, agi njun tagi ni egem na dew.