JEREMI 29:14 - Boy Lonana

¹⁴ Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 29:14 ပူးပေါင်းရင်းမြစ်များ

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

ROMMA 10:20

Ezayi di olo ana, «Lona di ana, An ɦal tan ki maŋ suu halan kaɗina, suu joɓon va kaɗina an tak tan irisiya.»

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

SOOLLA 126:4

Yawe hoŋomi ami suu may suu ay ki ŋgayra ay voo, ko mbona mbasa hoŋ ga hu lummara na.

SOOLLA 126:1

Soolla suu tuɗ luu ma vi Lonna gaɗta. Hu buu ma Yawe hoŋoygi ay hu Siyonna, boy namma mbuɗ ko doyra daŋ njeŋgera na.

SOOLLA 46:1

Soolla vi sa ma fok suu gi soollana, soolla vi goryoŋ Korena, kay gorɓiina.

SOOLLA 32:6

Ni na suu ɗegeena halaŋ ka ceneŋu, hu li ma nam ŋgaf u aŋŋa. Lini mbona tli coco lay, nam ka lam vaɗi.

GA 8ATAMBARA 30:3

Yawe Loogina hin mbuɗugi dlaagira ha fokka nam hin takagi ɗili mamba nam hin hoŋ tokogi yagi ay ki duk suuna halaŋ hu li ma Yawe njayagi ha ki huna.

GA 8ATAMBARA 4:7

Suu may suu bolow ko aygi na suu loogi masisina hum usi ko ndal Yawe Looygina humuygi hu dlara aygi yamba halaŋga nana ni suu taarage?

SOFONI 3:20

Hu buu namma an hin hoŋogi ay voo, hin li ni hu buu ma an hin tokogi kay tagina. Segi hin tii ki kay yam mbassa, an hin mbuɗugi suu ŋgolona duk suu kay ndaŋgarana, Yawe di ana an hin mbuɗugi dlaagira jewra ki jivira ni irigi gaw.

MISE 4:12

Ni kay ana asi ka wi tlesuu Yawe min a lasinaɗi, asi ka wam saarambi lay. Nam tokosi ki kay tasi ni ko ndal semeɗna tok usuna ay dukumba na.

JEREMI 51:10

Yawe takaygi suɗ maygira iriygiya, mbagi aya, ɓakaygi dlara vi Yawe, Looyginara, hu Siyon.

EZAYI 55:6

Halagi Yawe kay nam tak tam irigi wa. Yagina kay nam ka ni na tok daŋ.

AMOS 9:14

An hin mbuɗ ɦalla vi suu man suu Israelna kiyo, asi hin hoŋ ɦoŋzi ma ɓeŋem kina minda, kak huwa. Asi hin pi ŋgusu gugutlura a hin caɗ sumuɗta, asi hin horok senena, tam vuɗum may.

GA 8ATAMBARA 30:1

Lini tlesuu an dagisina wanna mba kagi wa halaŋ, paɗ vunna u gi vunna ni, agi saa dla ndaɗta hurugi duk njaf suu ɦawana halaŋ suu Yawe Loogina tuɗugi ha ki dukusina.

GA 8ATAMBARA 30:5

Yawe Loogina hin mbaaragi ki hu mbassa vi somoyogira, agi hin mba lak ki huwa. Nam hin mbuɗugi furiya, zuli coco a su somoyogi lay.

EZAYI 43:5

Li ndaaɗi kay an ka u aŋu. Col ay u maɗiina day an hoŋoŋ njaf suu maŋsina aya. Ay u fiɗigina day an tokogi yagiya.

EZAYI 43:6

An di mbayawra ana, «Ҥansina aya,» di dalira ana, «Vasi haɗi.» Goryon suu ay ki hu mbassa dayra hoŋonsina aya, u goryon suu tamagina suu ay hu vun ndaŋgara dodora bel bel.

JEREMI 3:14

Hoŋogi aya, goryon suu noyon kina. Yawe di na. Kay an ka a malagina ni anu, an tli dew hu ɦoŋzina, yow mba' hu njafagiya, hoŋogi hu Siyon.

JEREMI 8:3

Suu hinna halaŋ, suu hin iiri hu njaf suu co asina, hin min maɗna ŋgolla su iirira, suu hin hin iiri hu li ma an njayasi ki huna halaŋ. Yawe, ma Saɓakŋa Kom Belna, di na.

JEREMI 12:15

Na may, hu li ma an paɗasi ki u sariyasi wa ni, an hin wasi hahawasi, yowosi hurun olo, an hin hoŋosi gegelay tinda kay joomma, gegelay hu mbas mamba.

EZEKIYEL 37:21

Aŋ dasi ana, Bu Suuna, Yawe, di ana, an min tok suu Israelna ay ki hu mbassa asi ay ki njay hura halaŋ hu duk kon dew. An hin mbaarasi ay ki kay yam ndaŋga masira.

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.

JEREMI 31:16

Yawe ɓak anaba, Na ga della tii ka oloɗi. Ka simi li ii sa oloɗi. Sun makka ndak laɗta fi ni warak maɗna. Yawe di na. Asi mbay ni hu mbassa vi suu babalina.

JEREMI 31:17

Dlaakka vinda saara ka tini kaɗ ŋgolla. Yawe di na. Goryok hoŋ ay ni hu mbas masira.

JEREMI 31:23

Yawe, ma Saɓakŋa Kom Belna, Lona vi suu Israelna, ɓak anaba, hu li ma an hoŋosi ay wa ni asi hin ɓak boy namma hu mbassa Yudara u ɦoŋziimma halaŋ, «Ko Yawe paɗ vunum ki kaku, li ma jivina, ɦinira teteɗta.»

EZEKIYEL 39:25

Bu Suuna, Yawe, hin di ana, cemi ni an mbuɗ dlara vi Yakobpa ki zeɗ. An hin li oora kay suu Israelna, wasi hahawasiya. An hin tak yaanda ki kay sen ma teteɗna.