JEREMI 29:11 - Boy Lonana

¹¹ An wi dla mayra an vi vunun kaɗ a lagira egegira. Di na ni Yawe. Ni vi vun ma ɦagi begera, ka vi vun ma mbuɗugi hahawɗi. An hin ɦagi jivira, agi hin saa kan may.

JEREMI 29:11 ပူးပေါင်းရင်းမြစ်များ

JOB 23:13

Na may lini nam di dlara wa ni sa ma ci wayra funumma ni gege? Dlara nam min a laɗta nam laɗ ni u min mamba.

SOOLLA 33:11

Dlara Yawe ŋgaaɗ na ŋgara ndaɗ kak na gak gak, saa mamba kak na din din, ka daɓ kiɗi.

SOOLLA 40:5

Furira ka kay sa ma tin saa mamba kay Yawena, ka hoŋ irim eg dla coraɗi, ka hoŋ irim eg suu kaboynaɗina lay.

SOOLLA 85:9

An hummi va ma Yawe, Lona, damma, nam di ana, «Heɓpa» maŋ suu mamsina, maŋ suu ɗegeena. Mariyaɗ asi hoŋ hu dlaasira dawira oloɗi.

EZAYI 27:4

Hurun ka u ya oloɗi, lini an fi gi wayara ugi meera fokon lay ni an tuɗ ha kolo kasiya. An hin ŋgalasi ki ko tasi halaŋ.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

JEREMI 24:5

Yawe, Lona vi Israel, ɓak anaba, ko aygi gol tulum ma jivi cocona na aygi hin gol yowra yow suuna Yuda an dikisi ki hu li namma hu mbassa vi suu Kaldenara.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

JEREMI 30:9

Asi hin sunni Yawe, Loosina u David mul ma an hin tinim kasina.

JEREMI 33:6

Na may an golom tuguɗii mamba, hin cilim mbilim ki lay. An hin cilisi mbilisi kiyo. An hin takasi begera ki irisi bel bel u heɓpa, asi hin kak u heɓpa may.

YOORA 3:26

Ni jivi a tin huruŋ seŋi selewen kay suɗta vi Yawera.

EZEKIYEL 11:16

Aŋ tuɗ dasi ana, Bu Suuna, Yawe, di ana, lini an njayasi ha ki na day duk njaf suu daŋŋa lay, dikisi ki hu mbassa daŋga lay, hu mbassa asi tuɗ ha ki hura an ay ni a ziisira gaw.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

MISE 4:12

Ni kay ana asi ka wi tlesuu Yawe min a lasinaɗi, asi ka wam saarambi lay. Nam tokosi ki kay tasi ni ko ndal semeɗna tok usuna ay dukumba na.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»