JEREMI 28:6 - Boy Lonana

⁶ Sa jok vun Lona, Jeremi, di ana, «Amin, Yawe li ko ndaɗta na. Ko Yawe tak dlara aŋ ɓakaɗta kiyo. Ko nam hoŋ tlesuu sun suu ay Babilonna ay hu zira vi Lonara, suu yowosi ay ki mbaɓurana halaŋ halaŋ.

JEREMI 28:6 ပူးပေါင်းရင်းမြစ်များ

1 MULINA 1:36

Benaya ma goŋ Yoyadana hoŋ dira maŋ mulna ana, «Amin, Yawe, Lona, vi sa ŋgol manna mulna.

1 DLAŊ MULINARA 16:36

Gi deɓpa maŋ Yawe, Lona vi suu Israelna, ay jew day a fafaɗta, ni a fafaɗta.» Suu halaŋŋa di ana, «Amin,» hin, «Gagi deɓpa maŋ Yawe.»

SOOLLA 106:48

Gi deɓpa maŋ Yawe, Lona vi suu Israelna, ay hu gijaŋŋa ha fok na gak gak. Suu halaŋŋa di ana, «Amin.» Amen. Halleluya.

SOOLLA 41:13

Aŋ njun unu van kon kolo wa, aŋ ka u an hu buuna halaŋ a fafaɗta.

SOOLLA 72:19

Geleɗem sem ma bibiŋilna ni a fafaɗta. Ko duliyara halaŋ oy ki u bibiŋil mamba. Amin. Amin.

SOOLLA 89:52

Yawe, suu babali maŋsina ka lasaŋ suu maŋsina, asi tof yoyona kay saaŋ ma Lona Fuurumma.

JEREMI 11:5

Na ɗaŋŋi an hin li u vi vun ma an vam u somoyogi ana an hin ɦasi mbas mayra mbiira u mbul yumma ɓaɗ huruɗta may. Agi ka karammi huruɗ daŋ may.» An hoŋom dira ana, «Amin, Yawe.»

JEREMI 17:16

An ka sa min ana dla cora mbay zakinaɗi, buu ma cona an yam ay ka ni anɗi, aŋ wi layɗi su? Dlara kal ay ki fununda an ɓakaɗ ni fokoŋɗi su?

JEREMI 18:20

Na ni sana ndak hoŋ jivira ndaramma lambara ki u dla cora su? Asi may ni ŋguyun ki u dawna. Humuŋ gaŋ ko an ka coli fokoŋ a ɓakaŋ kay dlasira na, hin yaaŋga lasiɗi.

JEREMI 28:3

Tew basara mba ni an hin hoŋ tlesuu sun suu hu zira vi Yawera suu mul ma Babilonna yowosi tuɗusi ha ki Babilonna ay ki hu li namma.

ZAKARI 6:10

«Vi tlesuu ugi Helday, Tobia, Yedaya, koyogina ɦasina koŋu. Aŋ taŋga tuɗ karami, tuɗ hu ziŋ Yosiyara, goŋ Sefaniyana, hu li ma asi mbay Babilon hurumma.

NDUMBA 5:22

Yo ma givun ma kon wanna hin kal huruku hin gisik hayak ki ni namu, sook pook ki may. Cara hoŋ dira ana, Amin, amin, ni na daŋ may.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

1 KORINTNA 14:16

lini aŋ gi deɓ Lona u ŋgus maŋga huruŋ ɦawa na, sa ma kaki a humba ɦawa duk suu tokina hin di ana, «Amin,» u gi deɓ maŋga ni nanage? Nam ka ndak a wi va ma aŋ dammaɗi.

2 KORINTNA 1:20

Kay a li u va ma Lona damma halaŋŋi ana ɦaa. Aygi tagi «Amin» maygira ni u Yesu Kristu kay a ɦal ŋgolla maŋ Lona.

WIRA ŊGAYRA 1:18

An ni ma iirina, an ay jew miɗiya, cecemi an ka iiri a fafatɗa. Vun zira vi miɗna u huu lina vi suu miɗina ki ni konu.

WIRA ŊGAYRA 19:4

Suu ŋgolo suu dok mba' yam fiɗina u tlesuu iiri suu fiɗina goɓ kaŋga u vun givisi cen Lona, ma kaki kay dlamba mullana, asi di ana, «Amin, geleɗegi Lona.»

WIRA ŊGAYRA 3:14

Ɓii magaara maŋ sa sunda huulona vi suu vi Kristuna hu Laodise. Gola ni boyna vi sa ma diki ma ɗegeena, ma gasina sem ana, Amin. Sa ma u tlesuu Lona lasi halaŋŋa ay komma.

WIRA ŊGAYRA 5:14

Tlesuu iiri suu fiɗina hoŋ dira ana, «Ni na daŋ may.» Suu ŋgolona goɓ kaŋga u vun givisi cenemu.