19 Ko ndaɗta na Yawe, ma Saɓakŋa Kom Belna, ɓak kay mbal walakka fun Ziŋ Lonara u mbo lumma ŋgolna, kay doroŋ ma lagaɗam lagaɗina, kay tlesuu sun suu daŋ suu hin ka hu ɦoŋzi nammana halaŋ halaŋ.
Hiram yoo tassa ma ŋgol ma mbus zozoɗta kina. Hurummi meter vadl, wulum ma kolona ni meter mba' u nus, ŋguyumba ŋguf ki nara ni meter doogo yam vadl may.
Suu Kaldena kus mbal ma duk hu Ziŋ Yawera ma mini u kawi ma tlawna kiyo u tassa ma ŋgol ma bus zozoɗta ma yoori u kawi ma tlawna tini kurufu huu taraŋga hu Ziŋ Lonara. Asi toom ki lay. Asi yow kawi ma tlawna halaŋ, tuɗum ki hu Babilon.
Mbal namma ma dewna fiyekemmi meter dleeŋe, yamba kolora ay ki kuluɓi u jum kawi ma tlawna wuluɗ kolo ni meter dew u nus, keŋeɗ ki ŋguy ndalla ko ndal vuɗ grenadinna na. Halaŋŋi u kawi ma tlawna. Mbal ma duk mba namma ay ni na, u bayna ni na lay.
Nam yow tlesuu hu Ziŋ Lonarana ki halaŋ halaŋ. Suu ŋgolona u suu gorina lay u begera ka hu Ziŋ Lonara lay ta vi mulnara lay, begera vi suu ŋgolo suu sunda lay. Nam tuɗ tle asina ki hu Babilon bel bel.
Bu Suuna ɦam Joakim, mul ma Yudana hu duk komu, tlesuu sunda hu zira vi Lona nde lay. Nam tuɗ tle asina ha ki hu mbassa Siniara, hu zira vi loogi suu ɦawana, nam hin cuk tle asina hu zira ŋgayra vi loommara.