JEREMI 27:14 - Boy Lonana

¹⁴ Humugi boy ma suu jok vun Lona dagina ana, agi hin ka sun mul ma Babilonnaɗi naɗi. Boy ma asi dagina namma ki ni coo.

JEREMI 27:14 ပူးပေါင်းရင်းမြစ်များ

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 23:21

An sun suu jok vun Lona asina ha kaɗi. May asi ka liŋ haa. An ka ɓakasi boy haɗi lay. Asi tuɗ ɓak ha kiyo.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

FILIPINA 3:2

Gologi tagi jivi ko suu li dla cora, digini asina, ni suu caw ɗiwra bay gasira.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

JEREMI 28:15

Sa jok vun Lona, Jeremi, di sa jok vun Lona, Hananiya, ana, «Hum haa, Hananiya, Yawe sunuŋ ay kaɗi. Aŋ mbuɗ ana suuna jok saarasiya ni aŋu.

JEREMI 23:25

An hum vun suu jok vun Lona suu ɓak boy ma kaboyna u senna di ana, «Tlena tak tasi irinu, tlena tak tasi irinu.»

JEREMI 37:19

Suu jok vun Lona suu ɓakagi ana agi tagira lay, mbas ndaɗta lay ka a li ndaa lassa vi mul ma Babilonna ɗina ni arage?

JEREMI 38:22

Boyogi suu hu taraŋgana halaŋ halaŋ mbay fok ŋgol asgaa ma vi mul ma Babilonna, asi dam ana, Asi ganaŋ yaŋu, asi tew ki fun daɓ masira wa suu miniŋ ɦayna. Gayaŋ ka ŋgaa kaŋga duk luɓuna, asi may ni ka ŋgay tasiya.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

ZAKARI 10:2

Gasi daŋ may fulina hoŋ dira ni dlara uɗ kaɗira. Suu joɓpa dlara tak taɗ irisira ni kaboyna. Asi gijaŋŋa ni u dlara kaboyna, heɓ huu suuna u ganyamba. Ni kay ndaɗta suuna tuɗ ha ki ko ndal mbutlina hu katlaŋgara na, hahaw coco lay kay sa golosi kaɗi.