JEREMI 26:9 - Boy Lonana

⁹ Aŋ hal doli a ɓakŋi ana u sem Yawe, Zi ndaɗta hin mbuɗ ki ko Silo na, ɦoŋzi namma hin paliyam kiyo, hin cam suu hurumma kiyo.» Suuna halaŋ hu Ziŋ Yawera tok tasi eg Jeremi.

JEREMI 26:9 ပူးပေါင်းရင်းမြစ်များ

SUNDA 22:22

Suu molina hum boy ma Pol damma hummi, hurusi ɓeŋ kay boy ma nam dam namma. Asi gijaŋ sawalla ana, «Hin sa namma dukumi tani na wanɗi, cami ciya! Nam ka a kak iiri oloɗi!»

SUNDA 21:30

Vun ma ɦayam ɦayamma njay ha ki ɦoŋzina na wet wet, suuna mbay liŋŋa tani may, tani may. Asi vi Pol vini taɗam ha ki ŋgoo Ziŋ Lonara, dug vun zira kolo na gaw.

SUNDA 13:50

Ni suu Juifna kal boy ma cona duk ɦoŋ boyogi suu fok suuna suu vi hu boyna vi Lonna. U suu kaɓakŋa suu ɦoŋzina lay, asi gijaŋ gi Pol u Barnabas dikisi ki hu ndaŋga masira.

SUNDA 6:14

Ami fam nam di ana Yesu ma Nazaretna hin ɓeŋ Ziŋ Lonara kiyo, hin mbuɗ dlara Moiz haɗaygira ki zeɗ lay.»

SUNDA 5:28

Nam dasi ana, «Ami doorogi ana agi haɗ sa kay sem sa namma oloɗi naɗi su? Agi hin haɗ ndaa ndaa njay boy magina ki hu ɦoŋzi ma Yerusalemma na halaŋ halaŋ. Agi min a mbaa maɗ sa namma ki kami su?»

Boy Ma Ayra Ma JAŊ Ɓiirimma 8:59

Asi yow gogoyra a gikimba. Yesu ŋgay tam kal ay ki hu Ziŋ Lonara.

Boy Ma Ayra Ma JAŊ Ɓiirimma 8:20

Yesu ɓak boy namma na ni hu li ma nam ka haɗ hu Ziŋ Lonara ni hu li ma asi tok tlesuu ɦasi maŋ Lona huna. Sa ndak a vam kaɗi kayme buu mamma bay ndak tuwa.

MARK 15:11

Muli suu li ɓivunna cak suu molina ana gi Barabbas kina ɗow.

MATIYE 27:20

Muli suu li ɓivunna u suu ŋgolona cak vun suu molina ana, Gi Barabbas ki sini, ci Yesu kiyo.

MATIYE 21:23

Yesu kal hu Ziŋ Lonara, gijaŋ haɗ suuna. Muli suu li ɓivunna u suu ŋgolo suu Juifna, ɦuɗ tasi egem, joɓom ana, «Aŋ li tlegeyeŋ ni u saɓak gege? Sa ɦaŋ voɗta a li tlege suu asina ni gege?»

MISE 2:6

«Ɓakagi boy nammaɗi, asi ɓakam su? Asi ka ndak a ɓak ko wanda naɗi, boy ma cona hin ka a ɦuɗ ki keŋ dayɗi.

AMOS 5:10

Asi ka min sa kaɓakŋa u voɗommaɗi, sa ɓak boyna u jivimmaɗi.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

EZAYI 29:21

Suu may suu kaɓakŋa kay suuna u boy masi ma njaɗtana, suu gun dawna fok ndaryasina u njaɗ masira a vasi u ɓakŋana, cuk suu li va kaɗina ga hu zullusiyana, asi ka oloɗi.

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

SUNDA 3:11

Hu li ma sana ka eg gi Piyer u Jaŋ tu na ni, suuna halaŋ golom na ni lakira ɦawana jim tok ay egesi u mbutluɓma asi yam ana mbutluɓma vi Salomonna.

SUNDA 5:12

Suu vovoɗta li dlara mbuɗta u takka duk suuna zeɗ zeɗ ŋgolo. Suu vina tok tasi halaŋ u mbutluɓma vi Salomon.

JOSUWE 18:1

Suu Israelna halaŋ tok tasi hu ɦoŋzina Silo, suu muli suu li ɓivunna u suu njun usina pi Mbutluɓ ma Tokka huwa, mbassa halaŋ hin ki ni masira.

JEREMI 32:3

Sedesiyas mul ma Yudana dukum kalafi hu zira, joɓom ana, «Aŋ ɓak dla ndaɗta na ni kay mege? Gola ni dlara Yawe daɗta. An hin ɦal ɦoŋzi namma ki ko mul ma Babilonna. Nam hin tlam kiyo.

JEREMI 33:10

Na ɗaŋŋi Yawe ɓak anaba, hu li ma agi ɓak kam ana ni didiŋga jona suuna ka huɗi lay, mburina ka huɗi layra, hu ɦoŋzi ma Yudana, hu voɗta hahawra Yerusalem ta suuna ka tuɗ huruɗ oloɗi lay, suu kaki huna u mburina lay, asi hin hum olo,

JEREMI 36:29

Aŋ hin di Joakim mul ma Yudana ana, Yawe ɓak anaba, aŋ ŋgal magaa bakka jewra ki yalan ana an ɓii huruɗ ana mul ma Babilonna hin mbay ɓeŋ mbas ndaɗta kiyo, hin njay suu warna u mburi suu huruɗna ki lay.

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.