JEREMI 25:9 - Boy Lonana

⁹ An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 25:9 ပူးပေါင်းရင်းမြစ်များ

2 MULINA 24:2

Yawe sun suu ɦurumba ay kay Joakim. Suu Babilonna, suu Arameemma, suu Moabma u suu Amonna, asi mba ɦurum mulla Yudara ki ko ndal boy ma Yawe dam ay ki fok jew fun saam ma jokom vunumma na.

2 DLAŊ MULINARA 29:8

Dla ndaɗta ɓeŋ huu Yawe ki coco eg mbassa Yudara u ɦoŋzi ŋgol ma Yerusalemma. Nam mbuɗusi a va ma tak pukka kaŋgara fok suuna, mbaa yoo mayra ŋgolla, mbuɗ ni a suu may suu suuna panasina. Agi lay ni ka wi dla ndaɗta ni u irigiya.

2 DLAŊ MULINARA 36:21

Gola boy ma Yawe dam ay fun sa ma jok vun Lona Jeremina li ki ni ko ndaɗta na, ma di ana, «Mbassa hin hin ki ɦawaa ta ta basara dok-kiɗisiya, ta ta basa mamba koɗ tara daɓ ki tuwa, kay a warak ki ni balam koɗ tara mbassa fi koɗ ta kaɗira ta asi li ka u gaɗtaɗi ndaɗta.»

VUN ŊGOLNA 21:1

Huu mulna hu duk ko Yawe ni ko ndal mbo ma ɓaɗna na, nam ndak a ɓaɗam aragelay u min mamba.

EZAYI 10:5

Hahawra kay suu Asirina, tokolo manda yara, tokolora koŋ ndaɗta ni hurum ma ɓeŋŋa.

EZAYI 13:3

An u tanda ɦal voɗta maŋ suu man suu li tasi ki teteɗna. U hurun ma ɓeŋ kina an yi suu duuna ay wa, ni suu ka furi a ŋgaanna.

EZAYI 39:7

Asi hin yowoŋ goryoŋ suu taa ha ki ɦiw suu hu njafaŋŋa, asi hin paɗasi huɗusi ki cukusi a li sunda vo taraŋ vi mul ma Babilonna.»

EZAYI 44:28

An di Sirus ana, «Aŋŋi saan ma taaran yoorina.» Dlara an miniɗta halaŋ aŋ hin laɗ kiyo. Hin di Yerusalem ana, nam min ki kolo balamamu kay ziŋ Lonara ni ko ndaɗ col ki kolo balamaɗu.

JEREMI 1:14

Yawe dan ana, «Ni ii ko ma mbayawna dla cora hin li saɓaki ŋgolla kay suu hu mbassana halaŋ.

JEREMI 1:15

An hin yi njaf muli suu ii ko ma mbayawna u deeresi halaŋ. Yawe di na. Asi mbaya, gegelay tin dlam mamba mulla vun grek ma vi Yerusalemma, irisi tini kay gulumun ma ŋguy kaɗna na ɗow, irisi tini kay ɦoŋzi ma Yudana na ɗow.

JEREMI 10:22

Asi hum vunna ka ɦuɗ aya, dla cora ŋgolla mbay hu mbassa mbayawra a mbuɗ ɦoŋzi ma Yudana ki hahawra, li ma bayakka mol huna.

JEREMI 12:14

Na ɗaŋŋi Yawe ɓak anaba, ndarayam suu zi suu co suu min a yow joon ma an ɦam maŋ suu man suu Israelna, an hin paɗasi ki u sariyasi ma duk ndaŋgarana. An hin paɗ suu Yudana ki dukusi u sariyasi may.

JEREMI 18:16

Na ni asi hin mbuɗ mbas masira ki a li ma hahawra, ma suuna hin tii tii ma hahawra hurum tew tewna. Suu tli voɗta hu li nammana viɗ ki na dawlaɗ, kisik yasi na gak gak.

JEREMI 2:15

Gor dlona ka ŋgoɓoɗu, asi ka tak delesiya. Asi mbuɗuɗ mbas maɗta ki hahawra, ŋgalaɗ ɦoŋziiɗna kiyo, casi suu hurusina kiyo.

JEREMI 20:4

Ko ndaɗta na Yawe ɓak anaba, «Ŋgoo dagan wanni an hin mbuɗuŋ ki ndaana, banayaŋŋa lay, asi hin puk kaŋga fun ŋgewna vi suu babali masisina aŋ hin wi dla ndaɗta u iriŋ lay. An hin ɦal suu Yudana ki maŋ mul ma Babilonna. Nam hin yowosi tuɗusi ki Babilon, nam hin casi ki u ŋgewna.

JEREMI 24:9

Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.

JEREMI 25:8

Na ɗaŋŋi Yawe, ma Saɓakŋa Kom Belna, ɓak anaba, ko ndaɗta na agi ka humungiɗi ni,

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 35:11

Ni hu li ma Nabukodonosor mul ma Babilonna tli mbassa kina ami di tami ana, jivira ni tuɗuygi Yerusalem njafaygi suu duu suu saɓak suu Kaldena u suu Arameena. Na ɗaŋŋi ami hin tuɗ kakami ha ki hu Yerusalemmi na gaw.»

JEREMI 36:2

«Ҥirik bakka ki ɓii boy ma an daŋŋa kay Yuda, kay suu Israelna kay njaf suuna halaŋ hu li ma an gijaŋŋa ɓakaŋ ay hu li ma Josiyas a mulna dayna ta ta karami.

JEREMI 36:29

Aŋ hin di Joakim mul ma Yudana ana, Yawe ɓak anaba, aŋ ŋgal magaa bakka jewra ki yalan ana an ɓii huruɗ ana mul ma Babilonna hin mbay ɓeŋ mbas ndaɗta kiyo, hin njay suu warna u mburi suu huruɗna ki lay.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 40:2

Sa ŋgol asgaana vam ki komu, hin dam ana, «Ni Yawe, Looŋŋa, li dla cora eg li namma ni namu.

JEREMI 43:10

Aŋ hin dasi olo ana, Yawe, ma Saɓakŋa Kom Belna, Lona vi Israel, ɓak ana, an hin sun hal saan ma sunda Nabukodonosor mul ma Babilonna. An hin kakam mulna kolo kay gogoyra aŋ tosoɗ kaŋgara. Nam hin pi mbutluɓ mamma ni hu li namma.

JEREMI 46:20

Mbutl mayra wayra jivira Egipte may ay mbayaw na dliɓma yow ay mba kaɗu.

JEREMI 49:19

Ko ndal dlona col ay duk cerew ma fun lumma Yurdanna na, tuɗ irim ha kay kaana tam ki minira na, na ɗaŋŋi ko ndal iira cemekka na ni an hin ɦuɗusi ha ki egeɗ na day, an hin mbaaɗ gorzoŋŋi suu duuna ay kaɗ na zak gaw. Kay ana sa ko an nana ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

JEREMI 6:1

Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.

JEREMI 8:16

Ay hu Dan day ni asi hum semeɗ ma u sem kulumi mamsinana. Bayra asi bayra ndaŋgara dlaka. Asi mbay ni a ɓeŋ ndaŋgara ki u tlesuu kaɗna, ɦoŋzina u suu hurumma.

EZEKIYEL 12:20

Ҥoŋzi ma suuna cuki huna hin ɓalak kiyo, mbassa hin mbuɗ ki ni ŋgoo bagira, agi hin wi ki ana anni Yawe.»

EZEKIYEL 16:40

Asi hin yowok suuna ay kolo kaku. Suu asina hin gikik u gogoyra. Asi hin cak ki u ŋgewi masisina lay.

EZEKIYEL 21:11

«Goŋ sanna hom taŋ kaŋgaa, zama, zam u deleŋga eŋga fok suuna halaŋ.

EZEKIYEL 26:7

«Bu Suuna, Yawe, di ana, An hin mbaa mul ma ay mbayawna Nabukodonosor, mul ma saɓak suu mulina halaŋŋa, ay kagiya. Nam hin mbay ni u kulumina u pupus ma kulumina lay. Suu duuna ay dlaɓi um bolow cocoo.

EZEKIYEL 36:5

Bu Suuna, Yawe, di ana, an suu tan kiyo, u hurun ma vaɗ kura guh guhna, an ɓak ki co eg njaf suu daŋŋa halaŋ. Eg njaf suu vi Edomma halaŋ, kay ana asi tlan mbas manda kiyo. Asi furi coco ɦay u pan ma asi panan hurusi kurufuna.

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

HABAKUK 1:12

Ka ni aŋ ma ay hu ura tin ayra day a Yawenaɗi su? Loonna, saan ma teteɗna? Ami ka miɗ kiɗi, Yawe, aŋ tinimmi a kaɓakŋa, hinira, aŋ ɦaɗ saɓakŋa a gi humba kay ɗegeera.

HABAKUK 1:17

Na ɗaŋŋi nam hin ko hu bay mamma ki a hin yow suu hiŋŋa, ka wasi hahawasiɗi lay.

GA 8ATAMBARA 28:37

Yawe njayagi ha ki kay yam mbassa daŋga, suu hu li nammana wi na ni li ndaa coco kay dlara li ay egegi wanda, asi mbaɗagiya, hin panagi may.