JEREMI 25:35 - Boy Lonana

³⁵ Li ma ŋgayra ka kay suu taa suuna oloɗi. Li ma koɗ tara ka kay suu malayaŋ yoorina oloɗi.

JEREMI 25:35 ပူးပေါင်းရင်းမြစ်များ

JOB 11:20

Na may suu dlasi cona irisi hin coora. Asi ka fi li ma ŋgay tasi hunaɗi. Va ma asi hin a saaramma ni miɗna doy hol.

SOOLLA 142:4

Hu li ma musukun hin tok a kal kira, aŋŋi sa ma wi li ma an tuɗ huna. Aŋ wi voɗta an tuɗ hura, asi gunun dawna ki fokonu.

JEREMI 11:11

Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.

JEREMI 25:36

Aygi hum tii ma vi suu taa suunana, gurnira vi suu malayaŋ yoorinara. Yawe ɓeŋesi liisi ma ti haɗna ki wa.

JEREMI 32:4

Sedesiyas mul ma Yudana hin ka suɗ ki ko saɓak suu Kaldenaɗi. Na may mul ma Babilonna hin vamu, nam hin ɓakŋi sa ka kal dukgi. Nam hin wi dla ndaɗta ni u irimu.

JEREMI 34:3

Aŋ lay ni hin ka suɗ ki kombi, nam hin vaŋu, aŋ hin li lassa. Aŋ lay mul ma Babilonna lay hin cologi fun tagiya nam hin ɓakaŋŋi sa ka jokom dukgi. Aŋ hin tuɗ ki Babilon.

JEREMI 37:17

Mulna Sedesiyas sun kam halam aya. Mulna joɓom ki ŋgay hu ziim ana, «Na ni boy ma Yawe ɓakamma ka su?» Jeremi hoŋom dira ana, «Haa.» Nam hin dam olo ana, «Mul ma Babilonna hin vaŋ lasaŋu.»

JEREMI 38:18

Lini aŋ ka tuɗ ŋgaf ŋgol asgaa ma vi mul ma Babilonnaɗi ni ɦoŋzi namma hin ɦam ki maŋ suu Kaldena, asi hin ŋgalam kiyo, aŋ taŋga may ni hin ka suɗ kosiɗi.»

JEREMI 38:23

Boyogoŋ u goryoŋ halaŋ asi tuɗusi ki maŋ suu Kaldena. Aŋ taŋga lay ni hin ka suɗ ki kosiɗi. Mul ma Babilonna hin vaŋu, ŋgal ɦoŋzina ki may.»

JEREMI 48:44

Sa liŋ ŋgay tam ki ko ndaanana hin ndi kaŋga hu zulla ŋgolla. Sa ma ɗiŋ ay ki kolo hu zul ŋgollana bayna hin vamu. Gasi, an mbaaɗ dlara ay kaɗu, kay Moab hu basara ndaɗ hin ɓak dlaaɗta ki maŋ Bu Suunara, Yawe di na.

EZEKIYEL 17:15

Na may mul ma kak wili namma hin mbuɗ yara u namu, sun sa sunda hu mbassa Egiptera ana asi ɦam kulumina u asgaa suu duuna aya. Na ni nam ndak a fasi gasi may su? Sa ma li dla ndaɗta nana hin ndak gasi funuɗ may su? Nam bulum galamba vaɗ duk tasi ndaɗta kiyo.

EZEKIYEL 17:18

Nam suu tam ay kiyo, vi galamba kiyo, vi kom ki u nam lay, hin bulum galam ndaɗta kiyo ni nam ka ndakgi, kay nam li ni coo.

DANYEL 5:30

Hu njeŋge ndaɗta gaw ni Baltazar mul ma Kaldeenna asi cam kiyo.

AMOS 2:14

Lii ŋgayra hin viɗ ki ii suu tasi feɗna, sa ɦiŋŋa hin ka li u saɓakam hurumbi, sa wi yal duuna ɦayna hin ka suɗ kiɗi lay.