JEREMI 25:29 - Boy Lonana

²⁹ An sun dla cora ha kay ɦoŋzi ma humun sen kina jew tuwa, agi may ni dla hin ka li kagiɗi su? Ҥawaa, agi hin ka li ki bay dla kagiɗi, kay ana an ka sun ŋgewiina ay kay suu kay ndaŋgarana halaŋ, Yawe, ma Saɓakŋa Kom Belna, di na.»

JEREMI 25:29 ပူးပေါင်းရင်းမြစ်များ

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?

EZEKIYEL 38:21

Ay kolo kay ɦini manda an hin tin dlara mbuɗ mbuɗta kay Gog. Di ni Bu Suuna, Yawe. Suu mam suu duuna hin pereɗ irisi kay tasi ci tasi ki u ŋgewina ni asi tok.

VUN ŊGOLNA 11:31

Sa ma ɗegeena fi warak mamma ha ni ga kay ndaŋgara tani gaw. Sa ma dlam cona u ma li sulukŋa hin di kammi ana mege?

1 MULINA 8:43

aŋ hum ay kolo huulona day ziiŋ ma aŋ ka huna. Li dlara koy namma joɓoŋ kaɗta kay ana suu warna kay yam ndaŋgara halaŋ waŋ seŋ kiyo, a asi laŋ ndaraŋ ko suu maŋ suu Israelna na may. Asi wi ki ana seŋ ka yi hu zira an miniɗ ndaɗta.

ABDIYAS 1:16

Ҥaa, ko agi cagi va ma cira ay kay ɦini manda teteɗta, na may njaf suuna halaŋ hin ci na tew tew. Asi ciya, asi hin guruɗ kiyo. Asi mbuɗ ko asi vuɗ ay ka ginɗira na.

EZEKIYEL 9:6

Suu maana, gorozoŋina, njufiina u gorɓiina, gorkemba u boyogina, agi casiya ta ta daɓasi kiyo, na may suu lomorora ki tini vogosina agi ŋgenesiɗi. Agi gijaŋŋa ha ni hu Ziŋ ma Teteɗna.» Asi gijaŋŋa ha ni u suu ŋgolo suu laki fun zirana.

JEREMI 49:12

Gasi, Yawe ɓak anaba, Goloygiya, suu gin ka a ci gin hu va ma ci ma gasinaɗina, vasi daŋgayna a asi ci huwa, ndak may ni dla hin ka li kak oloɗi su? Ҥawaa, ndak ka li ki bay dla kakgi. Ndak hin ci hu va ma ci ma gasi namma may.

Boy Ma Ayra Ma LUK Ɓiirimma 23:31

Lini asi ka gu ma ŋgolomma kiyo ni, ma sooyna hin lini nanage?»

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

EZEKIYEL 14:17

«Ɗowba an di ana suu duuna cuk kay mbas ndaɗta, an di ana ŋgewna kal hu mbas ndaɗta ci suu warna u yoorina kiyo.

JEREMI 46:28

Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

JEREMI 30:11

An ka u aŋ a buɗuŋ kira. Di na ni Yawe. An hin ci njaf suu an njayagi ha ki dukusina ki halaŋ. Na may aŋ wani an ka caŋ kiɗi. An haɗaŋŋi a aŋ hum u gaɗta ka hin ta jak kiɗi.

JEREMI 13:13

aŋ hin hoŋosi dira anaba, «Yawe ɓak ana, Suu hu mbas ndaɗtana halaŋ, muli suu hu njaf Davidna suu ka kay mul mambana, muli suu li ɓivunna suu jok vun Lona u suu hu Yerusalemma halaŋ, an hin guruɗusi ki halaŋ halaŋ.

EZAYI 10:12

Bu Suuna di ana, «Lini an daɓ sun manda ay kolo kay ɦinira Siyonda u Yerusalemba ki wa ni, an hin kaɓakŋa kay mul ma Asirina, kay ŋga taamba u tlira nam tli yam kolora.»

VUN ŊGOLNA 17:5

Sa ma pan sa ma hawra panammi malam ma lamma. Sa ma furi kay wihawra vi suunana ka suɗ ki fun ɓakŋaɗi.

VUN ŊGOLNA 11:21

Yam boyna a daɓpa ni suu dlasi cona ka hin bay kaasi ɓakŋa kasiɗi. May ni suu ɗegeena hin suɗ kiyo.

JEREMI 19:3

Aŋ dasi ana, humugi boy ma vi Yawena haa, muli suu Yudana u suu Yerusalemma. Yawe, ma Saɓakŋa Kom Belna, Lona vi Israel, di anaba, «An hin mbaa dla cora ay hu li namma, gegelay ma hum dla ndaɗta na humma hin viɗ kiyo.