JEREMI 25:15 - Boy Lonana

¹⁵ Gola ni dlara Yawe, Lona vi suu Israelna dandara, «Tli va ma cira u sum veŋŋa hurumma kon wanni, ni sum veŋ ma yaanda. Aŋ ɦam maŋ njaf suu an sunuŋ ha egesina halaŋ halaŋ.

JEREMI 25:15 ပူးပေါင်းရင်းမြစ်များ

JOB 21:20

Sa ma cona hin wi ɓalak mamba ki ni u irimu. Nam hin jug yara vi ma Saɓakŋa ki u vun tamba.

SOOLLA 11:6

Nam si mbo kura u suufra kay suu li dla cora. Nam kaasi ɓak masina ni u babaa ma kuna.

SOOLLA 60:3

Ҥi, Lona, aŋ hinimi kiyo, aŋ njayami kiyo, aŋ mbuɗ ki yara egemiya, cemi aŋ hoŋomi ay wa.

SOOLLA 75:8

Lona hin kaɓakŋa ni nam dew, nam hoŋ maa ki ga dew, col maa kolo dew may.

SOOLLA 75:9

Yawe mba u kopma komu, nam vo sum ma dlay ma yara gaa, nam ɦam huu suu li dla cora, asi hin cam ki u duduɓpa halaŋ.

EZAYI 14:26

Ni saa manda an hin a kaɓakŋa kay suu hu duliyarna ni na bel. Kon ki maɗi kay suuna ni na halaŋ.

EZAYI 34:2

Kay Yawe hurum ɓeŋi eg njaf suuna halaŋ. Yaamba ni eg suu masi suu duuna halaŋ halaŋ. Nam casi ki bel bel, doorosi duu masina ki wa.

EZAYI 51:17

Col koloo, coli kolo u seŋu, Yerusalem. Aŋŋi sa ma Yawe lasaŋ u yaamba coco ɦayna, lassa vi Yawe guruɗuŋ yaŋ ki cocoo. Aŋ las cocoo, wi dla ndaɗta u iriŋ lay.

EZAYI 51:22

Gola Yawe, malagina di ana, an tlaŋ kop ma lassa ndaɗta ki wa, kop ma yaanda ay oy huna. Las ndaɗta ka a laŋ oloɗi a fafaɗta.

EZAYI 51:23

An ɦal kop namma duk ko suu may suu li lasagina wa, suu may suu li dagi ana, goɓogi kaŋga an ful kagiyana. Agi ɦasi ŋgorogi ko ndaŋgara sana kak kaɗta na, ko voɗta suuna tuɗ huruɗta na may.

JEREMI 1:5

«Bay an laŋ ay hu suŋ tura ni an waŋu. Bay aŋ kal ay ki huruɗ tura ni an manaŋu. An mbuɗuŋ ki sa jok vun Lona maŋ suuna halaŋ.»

JEREMI 36:2

«Ҥirik bakka ki ɓii boy ma an daŋŋa kay Yuda, kay suu Israelna kay njaf suuna halaŋ hu li ma an gijaŋŋa ɓakaŋ ay hu li ma Josiyas a mulna dayna ta ta karami.

JEREMI 43:11

Nam hin mbaya, nam hin waɗ mbassa Egiptera. Ci sa a cam kina kiyo. Sa a tuɗum ki mbaɓurana tuɗum kiyo. Sa a cam ki u ŋgewnana cam kiyo.

JEREMI 45:5

Aŋu, aŋ hal a li ni tlesuu ŋga Lona. Saa kasi oloɗi. An mba dla cora kay suuna halaŋ may kaŋ aŋ wanni an ɦaŋ voɗta a li iiri hu li ma aŋ tuɗ hurumma bel.»

JEREMI 46:1

Yawe ɓak boy mamma maŋ Jeremi kay njaf suuna ni arage.

JEREMI 48:26

Gurɗugina ki u summa kay nam mbuɗ tam ki ŋgolla su Yawe. Gola nam ka bulum tam kaŋga duk vinimu. Nam mbuɗ ki va sanda wa.

JEREMI 49:12

Gasi, Yawe ɓak anaba, Goloygiya, suu gin ka a ci gin hu va ma ci ma gasinaɗina, vasi daŋgayna a asi ci huwa, ndak may ni dla hin ka li kak oloɗi su? Ҥawaa, ndak ka li ki bay dla kakgi. Ndak hin ci hu va ma ci ma gasi namma may.

JEREMI 51:7

Va ma ci ma lorra duk ko Yawena ni Babilon. Ndaɗ guruɗ yam ndaŋgara ki halaŋ. Njaf suuna halaŋ caɗ sum veŋ maɗna, yasi jak ki wa.

EZEKIYEL 23:32

Bu Suuna, Yawe, di ana, Va ma hu ŋgal ma vi wayakka ndak hin cam may. Va namma um zuzulu. Hayam beɗi coco lay. Nam hin kakŋi a dlara sanda u panna kay ana hurum zul cocoo.

EZEKIYEL 23:33

Nam hin guruɗuk ki u lassa, ŋgal ma vi wayakka Samarina, ni ŋgal ma li tara ndaa cocona ma baaŋ kina.

EZEKIYEL 29:12

An li mbassa Egiptera ki ni a ŋgoo bagira ko ndal bagira daŋga na may. Ҥoŋzi ma ŋgolo ma huna hin ki ni ŋgoo bagira, ko ɦoŋzi ma daŋ ma ɓalak ki cana na may ta ta basara dok-fiɗi. An hin njay suu Egiptena ki duk njaf suu daŋŋa, njayasi ha ki hu mbassa zeɗ zeɗ duk suu daŋŋa.

EZEKIYEL 36:5

Bu Suuna, Yawe, di ana, an suu tan kiyo, u hurun ma vaɗ kura guh guhna, an ɓak ki co eg njaf suu daŋŋa halaŋ. Eg njaf suu vi Edomma halaŋ, kay ana asi tlan mbas manda kiyo. Asi furi coco ɦay u pan ma asi panan hurusi kurufuna.

ABDIYAS 1:16

Ҥaa, ko agi cagi va ma cira ay kay ɦini manda teteɗta, na may njaf suuna halaŋ hin ci na tew tew. Asi ciya, asi hin guruɗ kiyo. Asi mbuɗ ko asi vuɗ ay ka ginɗira na.

HABAKUK 2:16

Huruŋ oyra ni u zolona, ka u bibiŋillaɗi. Aŋ taŋga ci may kay bik ko Yawe ma njufna vo ki kaŋu, ŋgoo dagan jivira ni hin mba ni hahawra.

WIRA ŊGAYRA 14:10

nam hin ci sum yara vi Lona ma nam voom hu kop yarana. Suu li ko ndaɗta nana hin guruɗ duk kura ŋgolla ŋgal cocora, fok suu sunda huulona fok Goo Timiina.

WIRA ŊGAYRA 14:19

Sa sunda huulona kal maragam mamba kaŋga u ndaŋgara, zi vuɗ gugutlura ga hu va ma emba ma yara vi Lona ta ŋgolla.