JEREMI 23:36 - Boy Lonana

³⁶ Na ɗaŋŋi kay nekka vi Yawera ni agi yagi sem dla ndaɗta oloɗi. Nekka hin li ni kay gegelay u boy mamma, kay ana agi ɓeŋ boyna vi Yawe, ma Saɓakŋa Kom Belna, Looygina, kiyo.

JEREMI 23:36 ပူးပေါင်းရင်းမြစ်များ

2 MULINA 19:4

Kala Yawe, Looŋŋa, hum boy ma sa ma ŋgol kaŋ ma vi suu Asirina sunum ay mba dam a ŋgul Lo ma Iirina, hin a gaɗasi kay boy ma Yawe, Looŋŋa, humum wanna, aŋ cenem ha kay u suu hin ka nde wanna.»

SOOLLA 12:3

Suuna kaboyna eg tasi cocoo, gegelay halni dlara ŋga tamba, suuna halaŋ hurusi ki ɓorowi na mbamba.

SOOLLA 120:3

Agi suu kaboyna, Lona a lini me u agi nige? Nam kaagi ɓak magina ni ana mege?

SOOLLA 149:9

Asi kaasi ɓakŋa kasi ko ɓiiri hu magaarara na, ni na suu li ndaa Lonana su kay suuna wa. Halleluya!

SOOLLA 64:8

Na may Lona munusi wa, mbuuru mamba vasi wa.

VUN ŊGOLNA 17:20

Sa ma hurum co ɦayna ka fi jiviraɗi. Sa ma di dlara ganyamba kal ni hu yoora.

EZAYI 28:22

Cemi ni agi lagi dlara pan suuna oloɗi, kay ana u zew magina tereɗ eŋ suɗi. Kay an hum ay fun Bu Suuna Yawe, ma Saɓakŋa Kom Belna, ana, dla mayra a ɓalak duliyara ki halaŋga di ki wa.

EZAYI 3:8

Na daŋ may Yerusalem daɓ sem wa, Yuda bow ki ga wa. Dlara asi daɗta u sunda asi laɗ fok bibiŋilla vi Yawe ni ciwayra.

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

JEREMI 23:37

Gola ni dlara aŋ hin daɗ maŋ sa jok vun Lona na, «Yawe hoŋoŋ dira ni ana mege? Yawe ɓakaŋŋi ana mege?»

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

MATIYE 12:36

An dagi anaba, Hu buu ma kaɓakŋa Lona hin joɓ suuna kay dlara dawira asi njaɗaɗta halaŋ.

Boy Ma Ayra Ma LUK Ɓiirimma 19:22

Mulna hin dam ana, Aŋ sa ma li sunda cona, an kaaŋ ɓakŋa kaŋŋi u boy maŋŋa aŋ damma. Aŋ wi kaŋ ana an ni sa irin eŋŋa, vana li ka mannaɗi lay ni, an tlam lay, an feɗ wa ma an zaaram kaɗina ki lay ni,

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

GALATENA 6:5

Gegelay tlini nek mamba kay tamu.

GA 8ATAMBARA 5:26

Sa war ma hoy hum del Lona ko ami humuɗ wanda na, ɓak ay duk kura sa namma hin kak iiri may ni kaɗi.

1 TESALONIKŊA 1:9

Asi ɓak kagi kay vira agi vami ami ay varagira, agi hin ɓivunna maŋ fulina, pereɗ irigi eg Lona ma iiri ma gasina a sunumba.

2 PIYER 3:16

Hu magaara nam ɓiiriɗta ɓak kay boy namma hu magaara ndaɗta halaŋŋi, boy ma hum loɓma kaa, suu ka wiɗina u suu ka eŋgina ka dam u voɗombi ko asi di hu magaara vi Lonara daŋga na, ni asi lini dlara ba tasi ki kay tasi tokka.

1 SAMUEL 17:26

David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»