Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.
Ni kay ndaɗta Yawe, Lo ma Saɓakŋa, ɓak anaba, kay agi ɓak ko ndaɗta na kay dlaanda ka funuŋga an ŋgal kura. Suu asina ni guna gaw may kura hin ŋgalasi kiyo.
Kay suu ba kina ni his ma miɗna, ma ɦal miɗna lay. Kay suu ka hu voɗta suɗta, ni his ma iirina ma ɦal iirira lay. Sa ma ndak a li sunda ndaɗta ni gege?
Boy Lonana ka iiriya nam saɓaki. Nam sii su ŋgew ŋgol ma siim, mbana. Nam wak gak gak tew hu li ma musukŋa u ŋgussa ŋgaf tasi huna, tew gak gak hu li ma vun sokŋa ŋgaf huna u mbul ma duk sokŋa lay. Nam ka ɓakŋa kay minda vi sana u saara hurumba halaŋ.