JEREMI 23:25 - Boy Lonana

²⁵ An hum vun suu jok vun Lona suu ɓak boy ma kaboyna u senna di ana, «Tlena tak tasi irinu, tlena tak tasi irinu.»

JEREMI 23:25 ပူးပေါင်းရင်းမြစ်များ

URA TIN AYRA 37:5

Yosef doyra damu, nam cuɗuɗ vunuɗ maŋ gorsemma, asi tlam honira su olo.

URA TIN AYRA 37:9

Doyra daŋga hin dam olo, nam cuɗuɗ vunuɗ maŋ gorsemma ana, «Faɗta u tilna u ciciwra doogo yam dew goɓ kaŋga fokonu.»

SOOLLA 139:2

lini an buuri gaa, kaki koloo, halaŋ aŋ ka wanu. Ay ki day ni aŋ wi dlara an laɗta ki dew dew halaŋ,

SOOLLA 139:4

Boy ma vunun dam ka tuɗina lay, Yawe, aŋ wam ki wa ɗow.

JEREMI 13:27

Dla zoŋ makka, yira ndak yi suuna a li zoŋgara, gawlaŋ mak ma bay zolona kolo kay ɦinira, hu senena, an wak dla cookka. Ҥii, Yerusalem, ndak ka ndak a mbuɗ tak ki jivi teteɗ a tuɗ unɗira ni buuna ga ologe?

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 16:17

Irin ka tinira kasi hu liisi ma tuɗtana ta, va ka viɗ irinɗi. Dla coosira ka ndak a ŋgay irinɗi.

JEREMI 23:28

Sa ma jok vun Lona ma doyra damma njaɗ ni vun doy mamba. Na may sa boy manna komma ɓakam ki eg liim na ɗegee. Va ma duk ɦoŋ barra u ii wana na ni mege? Di na ni Yawe.

JEREMI 23:32

An hin li dla cora eg suu jok vun Lona suu doyra kaboyna dasina. Yawe di na. Suu njaɗaɗ ki u kaboyna u dlaasira ganyamba viɗin suu mansina kiyo. An sunusi ay kaɗi lay, joɓosi va kaɗi lay. Asi ka li va ma jivi eg suu asinaɗi. Di na ni Yawe.

JEREMI 27:10

Dlara asi dagirara ki ni coo, asi min a ɦuɗugi ki eg ndaŋga magira day lay. Gasi an hin njayagi kiyo, agi hin miɗ kiyo.

JEREMI 27:15

An sunusi ay ka anɗi. Yawe di na. Boy ma asi ɓakagina u senna ki ni coo. Na ɗaŋŋi an hin njayagi ki may, cagi ki may. Agi u suu jok vun Lona suu dagi boy nammana.

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

JEREMI 29:8

Gasi Yawe, ma Saɓakŋa Kom Belna, Lona vi suu Israelna, ɓak anaba, hinigi dlaagira mbuɗ bisna u suu jok vun Lona suu dukuginaɗi, ɗowba u suu joɓ suu dukuginaɗi. Gologi tagi jivi kay doy mayra dagiraɗi.

JEREMI 8:6

An humusi dlasira ki jiviya, dlara asi laɗta uɗ kaɗi. Sa dew lay ka hin coomba kiɗi, di ana, «An li ni me ɗowge?» Gegelay tin irim ki ni hu li ma nam minimma, ko ndal kulumina fun duunara na.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

EZEKIYEL 22:28

Suu masi suu jok vun Lona dasi ana hoo ta gulumunna kiyo. Asi wi ni wira kaboyna ɦawaa, di dlara ha fokka ni ganyamba ɦawaa. Asi di ana Bu Suuna, Yawe, di na, doliɗi ni Yawe di ka naɗi.

ZAKARI 13:3

Na ɗaŋŋi li ni sana tuɗ fok u boy ma dira, jokom ha ki may ni, bum u sum hin dam ana, «Aŋ kak iiri oloɗi. Aŋ njaɗ ni dlara kaboyna u sem Yawe.» Na ɗaŋŋi bum u sum hin cokomu hu li ma nam jok boyna ki tuna.

NDUMBA 12:6

Nam di ana, «Humun ki boy manna ha daŋ, lini sa ma jok vun Lona ka dukugiya ni an Yawe tak tan irimmi hu doyra ɦawaa. An njaɗ u nammi hu doyra.

MATIYE 1:20

Nam ka saa kay boy namma may ni, sa sunda huulona mba dam doyra ana, «Yosef, goŋ Davidna, li ndaa a vi caaŋga Mari varaŋgaɗi, vaɗ wiina huruɗ ni Musuk Lonara.

Boy Ma Ayra Ma LUK Ɓiirimma 12:3

Dlara agi daɗ duk njeŋgerara hin hum ki faaliya. Va ma agi hosok kam kalafna hin hum ki kay yam zira.»

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.