JEREMI 23:20 - Boy Lonana

²⁰ Yara vi Yawera hin ka heɓ kaŋga bay nam li dlara nam di kaɗta kiɗi. Dlara nam gaɗ iriɗ ay ki komba. Tuɗ fok na nde ni agi hin fagi yalna su olo.

JEREMI 23:20 ပူးပေါင်းရင်းမြစ်များ

URA TIN AYRA 49:1

Yakob yi goryom ay egem dasi ana, «Tokogi aya. An min dagi dlara hin li ha egegi fokka kiyo.

1 MULINA 8:47

lini hu mbassa asi ha ki vii balna hura asi gijaŋ saara, hom kay dla coosira, gijaŋ a ceneŋ ay hu mbassa vi suu babali masisinara ana, ami ni suu cona, ami li ni coo, ɓakŋa vami wa daŋ may.

2 MULINA 23:26

Vam na lay ni hu Yawe ka heɓ kay mulla Yudara kay dla cora Manase laɗ eg Yaweraɗi.

2 MULINA 23:27

Yawe dam ki ana, «Mbassa Yudara an hin ɦuɗuk ha ki egen day ko ndal an ɦuɗ mbassa Israella ha ki dayra na may. Ҥoŋzi ma Yerusalem ma an manamma an hin hinim kiyo, zi may ma an di kam ana sen hin yi huwana.»

VUN ŊGOLNA 21:30

Yal ma vi sa warnana, neemba u mbeleŋ mamma halaŋ ka ndak a col fok Yaweɗi.

EZAYI 14:24

Yawe, ma Saɓakŋa Kom Belna, suu tam ki di ana, «Dlara an saa a laɗta hin mbaa. Dlara an min a laɗta hin li kiyo.

EZAYI 55:11

Boy manna ni ko ndaɗta na may, hu li ma nam kal ay ki fununna. Nam ka hoŋ ay egen bay li vaɗi, ka hin bay li dlara an miniɗta kiɗi. Kay ndaɗta an dammi na.

JEREMI 30:24

Saɓak yara vi Yawera hin ka heɓbi. Nam hin li dlara nam min a laɗta ki li gi. Agi hin fagi yalna ha fok tuwa.

JEREMI 4:28

Ni kay ndaɗta ndaŋgara ka ni hu hahawra. Kolo wanni huulona mbuɗ ki ndufunda kay ana an kaɓakŋa ki kay dla ndaɗta, an vi ki kan a li dla ndaɗta. An hin ka hoŋ vunun ki daganɗi.

JEREMI 51:12

Vagi vun ma tuɗ duuna kay gulumun ma vi Babilonna. Ҥagi saɓakŋa maŋ suu gol u suuna, tinigi suu gol u ziina. Yowogi suuna asi buu guɓura ki kaŋga voɗo. Gasi dlara Yawe daɗ kay suu Babilonnara, nam saa ay ki kaɗu, nam laɗ ki wa.

EZEKIYEL 21:10

Suuna halaŋ hin wi ki ana an Yawe paɗ ŋgew manna ki kiɗik wa. Nam ka hoŋ hu ziim oloɗi.

EZEKIYEL 21:5

An sa ma jok vun Lona may ni hin di ana, «Ҥii, Bu Suuna Yawe, suuna tew tew ka ɓak ana sa namma na tew tew ka di dlara ni u ndal boyna sa ka humum umbi lay.»

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

GA 8ATAMBARA 4:30

Hu li ma agi ka hu yoora, lini dlara yoora fagi wa hu buu ma ha fokŋa, agi hoŋogi ay eg Yawe, Looŋŋa, agi mba humum delemu.