JEREMI 23:16 - Boy Lonana

¹⁶ Na ɗaŋŋi Yawe, ma Saɓakŋa Kom Belna, ɓak anaba, Tinigi saaragi kay boy ma suu jok vun Lona dagina naɗi. Asi ganagi ni yagiya. Dlara asi daɗta ni saa masira mbay kay yasira. Dla ndaɗta col ay ka fun Yaweɗi.

JEREMI 23:16 ပူးပေါင်းရင်းမြစ်များ

1 MULINA 22:11

Sana dew yam ana Sedekiya, goŋ Kenaana, yoo mek kawina. Nam di ana, «Gola ni boy ma Yawe damma. Mek namma takŋi saɓak ma aŋ hin su kay suu duu suu Sirina.»

2 MULINA 17:15

Asi noyom gaɗ mamba kiyo, noy galamba nam vaɗ ay u somoyosira ki lay. Gaɗta nam gasi humusi kaɗta, asi zaŋ irisi ni eg dlara uɗ kaɗira. Asi li ni ko njaf suu daŋ suu ŋguyusi wanna na. Doli ɗini Yawe neesi ki ana ka asi li ko suu asina naɗi.

2 DLAŊ MULINARA 18:5

Mul ma Israelna tok suu mam suu jok vun Lona suu kis kis fiɗina, joɓosi ana, «Ami ndak a tuɗ duu u Ramot ta Galaadta, tlaɗ ki ɗowba ami kak su?» Asi hoŋom dira ana, «Agi ndak a tuɗa. Lona hin ɦaŋ ɦoŋzi namma kiyo.»

VUN ŊGOLNA 19:27

Goonna, lini aŋ ka min a hum nera suuna neeŋga oloɗi ni wiiŋga aŋ waɗ ginda hin viɗ ki iriŋu.

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 2:5

Yawe ɓak anaba, dla cora somoyogi fanda egenda ni tarage a asi ɦuɗ tasi ki egen day nige? Asi liŋŋi u dlara uɗ kaɗira. Gola asi bulum ki cemmi ni ko va kaɗira na.

JEREMI 23:21

An sun suu jok vun Lona asina ha kaɗi. May asi ka liŋ haa. An ka ɓakasi boy haɗi lay. Asi tuɗ ɓak ha kiyo.

JEREMI 23:26

Hin tew ni ara na ga, tlena hin li kay suu jok vun Lona suu ɓak boy ma kaboyna ni ge? Asi ni suu jok vun Lona suu ganyamba u ŋgatara ɦawaa.

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

JEREMI 29:8

Gasi Yawe, ma Saɓakŋa Kom Belna, Lona vi suu Israelna, ɓak anaba, hinigi dlaagira mbuɗ bisna u suu jok vun Lona suu dukuginaɗi, ɗowba u suu joɓ suu dukuginaɗi. Gologi tagi jivi kay doy mayra dagiraɗi.

JEREMI 9:12

Yawe di ana, asi hinin haɗ manda an tinisira fokosira kiyo, hin dlara humun delen a tuɗ unda kiyo.

JEREMI 9:20

Kay ana maɗna ka ɗiŋ ay kolo ii zi maygira, nam ka kal ay hu ziiygi ma jivina, nam mbay ŋgaɗ gorkemba ki hu voɗta, gorzoŋŋina hu lina may.

YOORA 2:9

Vun grek ma vi Siyonna ŋgaa ki kaŋgaa duk ndaŋgara. Nam ɓeŋ tlena, to vun ziginina kiyo. Mul maɗna u goryom ki duk suuna, gaɗ ka kasi oloɗi. Suu may suu jok vun Lona lay ni ka fi dlara col ay ko Yaweraɗi.

EZEKIYEL 13:16

Suu jok vun Lona suu di dlara kay zi ma Yerusalemma ka oloɗi lay, suu may suu di ana heɓpa kaa na, doliɗi ni heɓpa kaɗi may. Di ni Bu Suuna, Yawe.

EZEKIYEL 13:23

Kay ndaɗta agi ka a fi wira ganyam ndaɗta oloɗi. Agi ka ndak a di dlara ha fokka oloɗi lay. An hin ɓaɗ suu mansina ay ki hu duk kogiya. Agi hin wi ki ana anni Yawe.»

EZEKIYEL 13:3

Bu Suuna, Yawe, di ana, Hahawra kagiya, agi suu jok vun Lona suu bay yalna, suu di dlara u min masira bay wi va ay tu layna.

EZEKIYEL 13:6

Asi wi ni wira kaboyna ɦawaa, asi di dlara ha fokka ni dlara mbaɗ tara ɦawa lay. Asi suu di ana Yawe di ay na, bay Yawe cukusi ay layna, asi ka juɓmi ana nam hin lasi dlaasira asi daɗta kiyo.

EZEKIYEL 22:28

Suu masi suu jok vun Lona dasi ana hoo ta gulumunna kiyo. Asi wi ni wira kaboyna ɦawaa, di dlara ha fokka ni ganyamba ɦawaa. Asi di ana Bu Suuna, Yawe, di na, doliɗi ni Yawe di ka naɗi.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

ROMMA 1:21

Asi wi Lona may ka ŋgaambi, ka gam deɓ ana nammi Lona naɗi lay. Ni na ɗow saa masira mbuɗ ki giniŋi yal ka irisi oloɗi, saa masira mbuɗ ndufunu.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.