JEREMI 23:14 - Boy Lonana

¹⁴ Na may vo vi suu jok vun Lona suu Yerusalemma, an wi dlara ŋgolora ɦay. Asi hin tasi ki kay boy zoŋga, asi kakŋi duk dla cora. Asi njun ŋgolla ni u suu li dla cora hu li ma asi wi ana sa dew lay ka min a hin dla coomba kiɗi layna. Asi halaŋ mbuɗ ki irinni ko suu Sodomma na. Suu asina tli tasi ni ko suu Gomorna na.

JEREMI 23:14 ပူးပေါင်းရင်းမြစ်များ

URA TIN AYRA 13:13

Suu hu ɦoŋzi ma Sodomma ni suu ci maɗna, asi li dlara cora eg Yawe ɦay.

URA TIN AYRA 18:20

Yawe di Abraham ana, «Tii ma suuna tii ko dla cora vi Sodomma u Gomorna tewen ha wa, coosira mbuɗ ŋgol cocoo.

URA TIN AYRA 19:24

Yawe hin suufra u kura si ay kay zi ma Sodom u Gomorna ko yona na. Col ay ni kolo huulona eg Yawe.

URA TIN AYRA 19:25

Nam ɓalak ɦoŋzina ki halaŋ, li ɦawana u suu cuki huna halaŋ u tlesuu day kay ndaŋgarana halaŋ lay.

EZAYI 9:15

Suu may suu tuɗ fok suu Israelna viɗisi ki wa. Suu asi tuɗ fokosina tli ni voɗta cora may.

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 18:13

Na ɗaŋŋi Yawe ɓak anaba, halagi u boyna duk suuna, na ni agi hum boy ma ko namma nana kaɗi su? Goo wayra Israel li dla cora ŋgol ɦay.

JEREMI 20:16

Ko sa namma mbuɗ ki ni ko ndal ɦoŋzi ma Yawe toom ki kaŋga, saa ka kambina na. Ko nam hum suuna yi maɗii ana mbay njunusiya, faali njalak njalak asi yi kolo a duunara na.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 23:22

Lini asi humun gaɗ manda ni, asi hin ɓakan boy manna ki maŋ suu mansina, asi humum may. Asi hin hoŋosi ay ki hu voɗ masira cora asi tlaɗta ki duk dlaasira cora lay.

JEREMI 23:32

An hin li dla cora eg suu jok vun Lona suu doyra kaboyna dasina. Yawe di na. Suu njaɗaɗ ki u kaboyna u dlaasira ganyamba viɗin suu mansina kiyo. An sunusi ay kaɗi lay, joɓosi va kaɗi lay. Asi ka li va ma jivi eg suu asinaɗi. Di na ni Yawe.

JEREMI 29:21

...Gola ni dlara Yawe, ma Saɓakŋa Kom Belna, Lona vi suu Israelna, daɗ maŋ Ahab ma goŋ Kolayana, maŋ Sedesiyas ma goŋ Maaseyana suu ɓakagi boy ma kaboyna u senna. An hin ɦasi ki ko Nabukodonosor mul ma Babilonna, nam hin casi ki irigiya.

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

JEREMI 36:2

«Ҥirik bakka ki ɓii boy ma an daŋŋa kay Yuda, kay suu Israelna kay njaf suuna halaŋ hu li ma an gijaŋŋa ɓakaŋ ay hu li ma Josiyas a mulna dayna ta ta karami.

JEREMI 49:18

Ko ndal dla cora li eg Sodom, Gomor, u ɦoŋzi ma ŋguy kadna na, Yawe di na. Sa hin ka kak hu oloɗi, sa iiri hin ka buu hu li namma oloɗi.

YOORA 4:6

Dla cora vi suu man suu jivinara, ŋgolla ni sura vi Sodomba. Ndaɗ bulum ki kaŋga ni na gaw bay sa tin kom egeɗ lay.

EZEKIYEL 13:16

Suu jok vun Lona suu di dlara kay zi ma Yerusalemma ka oloɗi lay, suu may suu di ana heɓpa kaa na, doliɗi ni heɓpa kaɗi may. Di ni Bu Suuna, Yawe.

EZEKIYEL 13:19

Agi mbuɗungi sen ki njenjera fok suu mansina ni kay fu ma agi a fam funugi na ew daŋŋa, u komnjoɗi orge ma ewna may. Agi cagi suu maɗ ka kasi tuɗina kiyo, suu a miɗ ki ginna agi mbuɗusi iiri may. Agi ganan yam suu mansina u dlara kaboyna suu min a hum dla ndaɗtana.

EZEKIYEL 22:25

Suu ŋgolo maŋsina ni ko ndal dlo ma ci ŋgoɓpa kay tliw mam ma nam vamma na. Asi yow tlena ki vi suuna, yow begera vi suunara kiyo, ci njufiina ki hin boyogina ki donora coco hu ɦoŋzina.

Magaara Vi Sa Jok Vun Lona OZE 6:10

Hu ɦoŋzi ma Israelna, an wi tlesuu co ɦayna, ni dla cora vi Efrayimba, Israel mbuɗ taɗ njenjera ki um wa lay.

AMOS 4:11

An bulumugi ki ko ndal Lona bulum suu Sodom u Gomorna kira na lay. Agi ay ni ko ndal vun guna ɓaɗam ay ki duk ku zinana na, na may agi hoŋ ay ka egenɗi. Yawe di na.

MISE 1:5

Tle asina li halaŋŋi kay yara vi Yakobpa, ni kay suluk ma vi suu Israelna. Yara Yakob laɗta ni tarage? Ka ni Samariɗi su? Li ma vi Yuda ma kolo mbuyna ni manage? Ka ni Yerusalemɗi su?

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

SOFONI 3:4

Suu maɗ suu jok vun Lona ni suu ŋga tasina, suu kulla lay. Muli maɗ suu li ɓivunna mbuɗ tlesuu li ɓivunna ki njenje lay.

ZAKARI 13:2

Yawe, ma Saɓakŋa Kom Belna, di ana, hu buu namma ni dlara hin liya. An hin bulum sem fulina ki hu mbassa. Sa hin ka ɓak kasi oloɗi. An hin bulum suu jok vun Lona suu cona ki hu mbassa u ŋgus masira cora.

MALASI 1:1

Di boyna. Boyna vi Yawe dam maŋ Israel ay fun Malachie.

MATIYE 11:24

An dagiya hu buu ma kaɓakŋa ni, hahaw maŋga hin li ŋgol su zi ma Sodomma.»

GA 8ATAMBARA 32:32

«Suu duu masisina lay ni ka su kay suu Sodomma u Gomorraɗi, asi ni ko ndal gugutlu ma vuɗ vuɗta cora, mboom ci suuna kina na.

1 TIMOTE 4:2

Asi hin viɗ tasi ki u humba hum u suu hurusi mbambana u kaboyna, ni wiisira fokka ki miɗiya, ko sa ŋgalaɗ ki ko kawina gi ay ki tlawra kuŋgura na.

2 PIYER 2:6

Lona kaɓakŋa kay ɦoŋzi ma Sodomma u Gomorna ŋgalasi ki u kura, nam tak suu li cora ana hin li fok u asi ni na may.

Magaara JUD Ɓiiriɗta 1:7

Saaragi kay Sodom u Gomor u mbassa ŋguy kasira halaŋ, suu huna li dlara yowna, njufina mbuɗ buu u ndarayasi njufina ko suu sunda huulona asina naa. Lona hin ŋgalasi ki halaŋ u kura ka daɓ kiɗira, ɓak ma kaasina kasina ndak ne yam suuna halaŋ.

WIRA ŊGAYRA 11:8

Maɗasi hin li cuki kaŋga hu voɗta hu ɦoŋzi ma ŋgolna ni hu li ma Bu Suuna masina li ɓali kolo hu gu garakŋa huna. Ҥoŋzi ma ŋgol namma ni ko Sodomma u Egipte na.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.