JEREMI 22:21 - Boy Lonana

²¹ An ɓak u aŋŋi hu li ma dla ka kaŋ tuɗi na, aŋ hoŋon dira ana, «Aŋ ka min a humbi.» Ni dlara aŋ laɗ ay u goo taŋ dayra, aŋ humun delen ay kaɗi a fafaɗta.

JEREMI 22:21 ပူးပေါင်းရင်းမြစ်များ

2 DLAŊ MULINARA 33:10

Yawe ɓak mulna Manase u suu mamsina lay ni sa ma caa yam kay boy mamma kaɗi.

SOOLLA 129:1

Soolla suu tuɗ luu ma vi Lonna gaɗta. Asi duurun ay ni u zoŋ tan day ta ta cemi, Suu Israelna di na.

VUN ŊGOLNA 30:9

Kay ana hu li ma an hoɓi hoɓmi, tin vunun kaŋgi, hin di ana Yawe Lona ni gege naɗi. Dowba hu li ma an ki haw cocona kal ki a kulla, Suuna hin ŋgulun sem Loonnaɗi may.

EZAYI 48:8

Gasi daŋ may agi humusi kaɗi. Gasi daŋ may agi ka wasiɗi. Gasi daŋ may ay jew day day humugi ay ka ki maliɗi. An wi ki gasi ana agi ni suu ŋgeŋŋa, ay hu sugi day suuna yagi ana suu ci maɗna.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

JEREMI 2:25

Cola. Li ka naɗi ni ndak hin mbuɗ ki lalasi, fefegek hin co kiyo. Na may ndak di ana, «Ҥawaa va ka lanɗi. An min suu koyogina an hin liŋ usiya.»

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

JEREMI 25:3

Ay hu basara doogo yam hindira vi Josiyas, goŋ Amonna, mul ma Yudana, ta ta hu buu ma tew ki basara dok-mba yam hindira, Yawe ɓakan boy mamma. An ɓakagi seŋ ka dukgi, may agi humun kaɗi.

JEREMI 25:4

Yawe sunugi suu mam suu jokom vunumma ki egegi halaŋ, asi ɓakagi ta ta lay agi hum kaɗi. Agi tin humugi ka a humbi.

JEREMI 25:7

Na may ni agi hum kaɗi. Yawe di na. Doli ɗaŋŋi agi lan dla cora egenni li na ɗow.

JEREMI 25:8

Na ɗaŋŋi Yawe, ma Saɓakŋa Kom Belna, ɓak anaba, ko ndaɗta na agi ka humungiɗi ni,

JEREMI 3:24

Na may zolo ma ay kaygi u goora day na taygi sunda vi somoyoygira kiyo, yoori masi suu gorina u suu ŋgolona lay, goryosi suu njufiina u gorɓiina lay.

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

JEREMI 32:30

«Gasi, ay hu gorosi day ni suu Israelna u suu Yudana li ni dlara an ka miniɗɗira. Suu Israelna ɓeŋen hurun ki u dlara asi laɗta.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 48:11

Moab ay kakira na en u goroɗ day. Ndaɗ koɗ taɗ ni hu zuluɗu. Day day ni sa jokoɗ uɗ kaki hu gegel ma daŋgi, a di gasira ni ndaɗ tuɗ ay ka ki mbaɓu buu dewɗi lay. Na wanni yulumum ka ni eg liiɗu, ndaɗ ka ni eg liiɗ a fafaɗta.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

EZEKIYEL 20:13

Na may suu Israelna hin mbuɗ ki yara u an ay ki ŋgoo bagi hu fulla. Asi ka tuɗ u gaɗ mandaɗi. Asi hinin neenda sana a kak iiri uɗta kiyo. Asi ɓalak Buu ma vi Lonna kiyo. An ɓak tan ana, an kuluɓ yaanda kasi ŋgoo bagi hu fulla daɓasi kiyo.

EZEKIYEL 20:21

Na may asi gorra hin mbuɗ yara u anu. Asi ka tuɗ u gaɗ mandaɗi, asi ka li u neendaɗi lay, ka saa kaɗɗi lay. Sa kak iirina ni sa ma li u neendana. Asi mbuɗ Buu ma vi Lonna ki lalasi. An ɓak tan ana, an kuluɓ yaanda kasiya, an min takasi yaanda ki ŋgoo bagi hu fulla.

EZEKIYEL 20:28

«An cukusi hu mbassa, an suu tan tli kon kolo ana an a ɦasirara. Asi hal ni ɦini mayra kolo dayra u ŋgus mayna ɗufi cocona, li ɓivun masina ni huwa. Asi li ni ɓivun ma ɓalak huuna na ɗow. Asi tin mbul ma his jivina ni huwa, vo sum veŋ masina ni hu may.

EZEKIYEL 20:8

Na may asi hin hoŋ li yara u an na ɗow, ka min a humun vununɗi. Sa min ka a cuk fuli mam suu ay kom asina kiɗi. Asi hin fuli vi suu Egiptena ka kiɗi. An hin di ana an mba kuluɓ yaanda kasiya. An hin takasi yaanda ay ki ni hu mbassa Egiptera gaw.

SOFONI 3:2

Ndaɗ hum yira kaɗi, ndaɗ vi haɗta ka kaɗɗi, ndaɗ hum vun Yawe kaɗi, ndaɗ ɦuɗ taɗ ay ka eg Looɗnaɗi.

ZAKARI 7:7

Ni boy ma Yawe ɓakam ki fun suu basi suu jok vun Lona hu li ma Yerusalem kaki u heɓpa enna, ɦoŋzi maɗna ŋguy kaɗ lay, lii dalina u mbas mayra kaŋga ura suuna ka hurusi bolow coco lay.»

GA 8ATAMBARA 31:27

Kay an wagi dlaagira cora u yagira eŋga. Cemi hu li ma an ka dukugi iiri tuna, agi li ɦonira u Yawe ɗow ɦakŋi, hu li ma an kaɗina hin li ka ŋgooron dagan ni nanage?

GA 8ATAMBARA 9:24

Agi ay gonokka u Yawe ni hu li ma an wagi ayna day.

GA 8ATAMBARA 9:7

Humugi maa kiɗi, humugi mba gagi ana, agi ɓeŋ huu Yawe Loogina ay ŋgoo bagi hu fulla, col ay hu buu ma agi cuk ay ki hu mbassa Egiptera day ta ta hu li ma agi mba tanina, agi ay ni suu gonokka u Yawena.