JEREMI 22:20 - Boy Lonana

²⁰ Ɗiŋ kolo kay ɦinira Libanda, yi ha kolo u deleŋga eŋga hu Basan. Hu lina bel bel aŋ yi huwa, banayaŋŋa halaŋ, asi casi ki wa.

JEREMI 22:20 ပူးပေါင်းရင်းမြစ်များ

NDUMBA 27:12

Yawe di Moiz ana, «Ɗiŋ ay kolo kay ɦinira Abarimba, gol mbassa an min a ɦaɗ maŋ suu Israelnara ki halaŋ halaŋ.

EZEKIYEL 23:22

Kay ndaɗta ndak, Oholiba, hum haa, Bu Suuna, Yawe, di ana, an hin cukuk banayak suu ndak noyosi kina ay kaku. Asi hin mbay ni hu keŋ lina zeɗ zeɗ halaŋ, hin lasaku.

YOORA 1:2

Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.

EZEKIYEL 23:9

Kay ndaɗta an hiniɗ ha ki ko banayaɗ suu Asiri asina suu minisi ɦayna.

YOORA 1:19

An yi suu banayanna, asi may ni ganan yanu. Muli man suu li ɓivunna u suu man suu basina miɗ ki hu ɦoŋzina, doli ɗini asi hal ni tiisina a fi saɓakŋa.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 22:22

Suu goloŋŋa halaŋ semeɗna sunusi a taa suuna, banayaŋŋa tuɗ ki mbeera wa. Gasi, zolona u hahawra hin mba kaŋu kay ci wayra aŋ caɗ kay dla cooŋgara.

JEREMI 4:30

Ndak may ni li ni mege? Ndak cuk baraw ma gus loɓma egeku, kal walak lorra humuku. Ndak saɗ tlena kay irik mbuɗuɗ warra lay. Ndak jiv tak ki na lay ni ɦawaa. Banayakŋa ka minik oloɗi. Asi hal a cak ki ni ciya.

JEREMI 2:36

Ndak tuɗ ni hu li ma cona u zulla zul ii dla cookka. Ndak hin fi dla cora ŋgolla ko ay hu Egipte u Asirira na may.

2 MULINA 24:7

Mul ma Egiptena ka kal ay ki kiɗik oloɗi kay mul ma Babilonna ɦurum tlesuu vi mul ma Egiptena ki ni bel bel. Col ay fun mbo lum ma Egiptena day ta ta tew ha ki fun mbo lum ma Efratna.

GA 8ATAMBARA 32:49

«Ɗiŋ kolo kay ɦinira Abiramba kay ɦinira Nebo ta ka hu mbassa Moabpa vok taɗ u zi ma Yerikona gol ndaŋga mayra Kanaan ta an ɦaɗ maŋ suu Israelnara.

EZAYI 57:13

Lini agi tii lay ni, fuli magi suu agi goɓosina njunugiya, fuli asina semeɗna hin yowosi ki halaŋ halaŋ. Babaana hin tinisi yasi ki na day. Na may sa ma ŋgay tam egenna ndaŋgara hin ki ni mamba. Ҥini manda teteɗta hin ki ni varamu.

JEREMI 2:25

Cola. Li ka naɗi ni ndak hin mbuɗ ki lalasi, fefegek hin co kiyo. Na may ndak di ana, «Ҥawaa va ka lanɗi. An min suu koyogina an hin liŋ usiya.»

JEREMI 3:1

Lini sana dik caamba kiyo, ndaɗ hinim ki tuɗ a kak ki u sa daŋŋa ni, nam ndak a hoŋ egeɗ olo su? Ndaŋga ndaɗta ka ki ni mbuɗi njenje gawɗi su? Ndak may ni li gawlaŋŋa u suuna bolowra ndak hin mbay egenu. Yawe di na.

EZEKIYEL 27:6

Asi ka gu ma fiyeki ma pi gana ay ni duk ɦooy ma hu Basanna. Asi njaa gu ma beɗi namma pira fun tamu. Asi paŋ giiŋŋa ni u sii tlokka, tlumi ni u gu sedre ma ay kay daara Kittimma.

JEREMI 2:37

Hu li namma ndak hin kal ay ki ni kok kay yak hewiya. Gasi Yawe ka minik dlaakka a hal heɓparaɗi. A ndak li jivira ni ka naɗi.