JEREMI 22:15 - Boy Lonana

¹⁵ Aŋ saa ana aŋ hin ti mulla ni u takka aŋ tak taŋ ki ko gu ɦoyna nara su? Buŋ ti tlena kaɗi su? Ci kaɗi su? Doo ka kay jivira u ɗegeeraɗi su? Nam hin fi jivira ni na.

JEREMI 22:15 ပူးပေါင်းရင်းမြစ်များ

2 MULINA 23:25

Muli suu jewemma halaŋ ma hoŋ irim ay eg Yawe u hurum halaŋ, u saɓakam halaŋ, u ŋgusum halaŋ, ko ndal nam na kaɗi. Muli suu li ki u gaɗta vi Moizza ko ndaɗta na ka dewɗi, ka ŋgorom dagan lay ni mul ma li ko nam na kaɗi.

EZAYI 3:10

Di ana, Sa ma ɗegeena kak u furira. Nam fi jivira kay dlara nam ka laɗ u bik komba.

DI BOLLA 10:17

Furira ka kay mbassa mul ma kaɗna irim ki neeyra. Goryoŋ mulnana ti tiisina ni u voɗomu. Asi ni ka kay tina u cina hawaɗi.

VUN ŊGOLNA 25:5

Lini aŋ dik suu co suu ɓalak mulnana ki wa ni, nam hin ti mul mamba ni saɓak u ɗegeera may.

VUN ŊGOLNA 29:4

U dla mayra ɗegeera laɗ hu zinara ni mulna wul mbassa koloo. May sa ma tin taara kay suuna u saɓakŋana ɓalak mbassa ki may.

2 MULINA 22:2

Josiyas li dlara ɗegee ii Yawera tli kommi voɗta vi bum ŋgolo Davidta na ɗegee, ka tuɗ irim bik njufu bik guluɗi lay.

JEREMI 42:6

Li ni boy namma furyumi hurumi ɗowba ɓeŋemi hurumi lay ni, ami hin hummi del Yawe, Loomina, ma ami sunuŋ ha egemma. Dlara hin tuɗ jiviya, kay ana ami hin hummi vun Bu Suuna, Loomina.»

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

VUN ŊGOLNA 21:3

Sa ma li dlara ɗegeera u jivira ni jivi ii Yawe su ɓivunna.

1 MULINA 10:9

Gi deɓ maŋ Yawe Looŋŋa ma min a kakaŋ kay dlamba mulla vi suu Israelna, ni kay ana Yawe min suu Israelna ɦay. Nam kakaŋ a mulna ni a aŋ mba li jivira u ɗegeera.»

2 SAMUEL 8:15

David ti mulla kay suu Israelna halaŋ halaŋ. David li dlara jivira u ɗegeera maŋ suu mamsina halaŋ.

1 KORINTNA 10:31

Lini agi ti lay ci lay li megelay ni lagi tlena halaŋ u geleɗta eg Lona.

SUNDA 2:46

Hu buuna tew tew ni asi tok tasi hu Ziŋ Lonara, ti funa vo hu zira dewra halaŋ ko tasiya, hurusi eg tasi jiviya.

Boy Ma Ayra Ma LUK Ɓiirimma 11:41

Mariyaɗ ni agi ɦal tlegeyegi ki maŋ suu hawra, wanni asi hin mbuɗ jivi magiya.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

JEREMI 22:18

Na ɗaŋŋi Yawe, ma Saɓakŋa Kom Belna, ɓak Joakim, ma goŋ Josiyas ma mul ma Yudana, anaba, sa ka gi soolla hahaw kambi. «Ni dlara hahaw me nage, wayanna? Ni dlara hahaw me nage, wayanda?» Sa ka gi soolla hahaw kambi, «Ni dlara hahaw me nage, malanna? Ni dlara hahaw me nage, sa ŋgolna? Ni dlara hahaw me nage, ma jivi cocona?»

JEREMI 22:3

Yawe ɓak anaba, njunugi kay ma ɗegeena u ma jivina, buɗugi suu suu saɓakŋa lasasina kiyo, lasasiɗi, lasagi sa mbay ŋgayra varaginaɗi. Goo haw kuyuna u cara donoraɗi lay. Voogi busu suu li va kaɗina kaŋga hu li nammaɗi.

EZAYI 33:16

Sa namma hin kakŋi hu li ma ki kolo dayna, nam hin ŋgay ni duk ɦini mayra eŋ cocora. Nam hin fi funa ni tew tew, fi yona tew tew lay.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

DI BOLLA 2:24

Va ma daŋ ma jivi kay sana hu duliyara ni kaɗi. Ni kay a ti may, ci may, wi jiv sun mamba nam laɗta. An wi ana, halaŋ ca ni col ay ni hu duk ko Lona dew.

VUN ŊGOLNA 31:9

Aŋ mba ka ii ɓakŋa ni u ɗegeera. Kay suu hoŋ yasi gana u suu hawra.

VUN ŊGOLNA 20:28

Ɗegeera u jivira ka gol yam mulna ni asiya. Dlam mamba mulla tini eŋga ni u ɗegeera.

2 DLAŊ MULINARA 34:2

Nam li ni dlara ii Yawe jivira. Nam li dlara ni ko bum ŋgolo David lira na, tli vunum ka ki eg dlara daŋgi.

1 DLAŊ MULINARA 3:15

Goryoŋ Josiyasna ma vuɗ jewna ni Yohanan ma a mbarana ni Joakim, ma hindina ni Sedesiyas ma fiɗina ni Sallum.

GA 8ATAMBARA 4:40

Ŋgomogi gaɗ mamba u yal mamma an haɗagina cemi wanna jiviya, ni a lagi jivira ni magi agi u goryogi suu hin hin ka ŋgoorogi daganna, kay ana buu magi ma kay ndaŋgarana ɦuɗ foko, ko Yawe cukugi buuna ha fun magina na tew tew. Yurdaŋŋa

JEREMI 7:5

Na may ni minigi tuɗ magira ki jivi na ɗow. Dlaagira agi laɗta a njun kay sa ɗegeena duk ndaryamma.

2 DLAŊ MULINARA 35:22

Na may Josiyas min a duu u Neko ndaa, nam min ka a hum boy ma nam damma aynaɗi. Doli ɗini boy namma col ay ni ko Lona tamba. Nam mbuɗ tam ki zeɗ tuɗ ha ki hu fulla Megidonda a duuna.

2 DLAŊ MULINARA 35:26

U dlara vi Josiyas u sun mamba jivi ta nam laɗ u gaɗtara.