JEREMI 20:2 - Boy Lonana

² Na ɗaŋŋi Pasehur vi sa jok vun Lona, Jeremi, njunum ki eg guna fun grek ma vi Benjamin ma ŋgolna, ma hu vun Zira vi Yawera.

JEREMI 20:2 ပူးပေါင်းရင်းမြစ်များ

JEREMI 37:13

Nam tew fun ziŋ Benjaminna may ni ŋgaf sa ŋgol ma asgaana yam ana Iriya, ma goŋ Selemiyana, goŋ Hananiyana. Sa namma vi Jeremi dam ana, «Aŋ tuɗ ndi ni duk suu Kaldena.»

ZAKARI 14:10

Mbassa halaŋ hin mbuɗ ki senena, col ha kay Gueba ta ta tew hu Rimmon keŋ Yerusalem mbayawna. Ndaɗ hin mbuɗ ki kolo ŋgolla, eg liiɗu, col ha vun grek ma vi Benjaminna ta ta tew ha ki hu li ma vun grek ma basina ta ta tew ha ki hu vun grek ma keŋŋa, col ay eg gulumun ma vi Hananeelna ta ta tew ha ki hu li ma em tlena vi mulna na.

JEREMI 1:19

Asi hin duu u aŋu, na may asi ka ndak a laŋ va egeŋgi.» Yawe di ana, «An ka u aŋ a buɗuŋ kira.»

2 DLAŊ MULINARA 16:10

Aza hurum ɓeŋ eg sa ma jok vun Lona cocoo. Nam vam gam daŋgayna. Boy mamma ɓalakam hurum ki cocoo. Hu coki ndaɗta gaw ni Aza gijaŋ las suu vo hu mbas mambana.

JEREMI 36:26

Nam ɦal voɗta maŋ Yerameel ŋgol asgaa ma ci suuna, maŋ Seraya ma goŋ Azriyelna, maŋ Selemiya, ma goŋ Abdeelna, ana asi vi sa ŋgol ma ɓii magaara, Baruk, u sa jok vun Lona, Jeremi, na may Yawe ŋgayasi kiyo.

JEREMI 29:26

«Yawe tiniŋŋi namu balam mul ma li ɓivunna, Yoyada, ko ndal mul ŋgol ma li ɓivunna hu zira vi Lonara kay suu tuɗ kolo duk ɦawana a aŋ njunusi u galiina kaŋgaa.

2 DLAŊ MULINARA 24:21

Asi vi vunusi ki kamu, gikim ki u gogoyra, cam ki ko mulna dasisra na ni fun biɗii Zira vi Yawera hu gaw.

1 MULINA 22:27

Agi tuɗ dasi ana, Mulna ɓak ay ana gagi sa namma daŋgayna. Ҥammi u fu ma hin kina u yona may ta ta juɓ buu ma an hoŋ ay ki vo ɦawa va lan kaɗina tuwa.»

WIRA ŊGAYRA 17:6

An wi ca ndaɗta ki guruɗira u busu suu may suu vi Lonna ni busu suu may suu asi casi kay ɗegee masira u Yesuna. An waɗ na ni u boyna viɗ ki irin na viɗ.

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.

SUNDA 7:52

Suu jok vun Lona suu somoyogi lasasi kaɗina ni suurage? Asi ci suu di ki kay mbara vi sa ma Ɗegeena kiyo, Cecemi nam ma agi di kolokŋa kam cam kina,

SUNDA 5:40

Asi yi suu vovoɗta ay yi ni poŋosi poŋ poŋŋi hinisi asi tuɗa, dasi ana tuɗ dagi boy kay sem Yesu oloɗi kama. Hinisi tani cuk tasi ni na gaw.

SUNDA 5:18

Asi yowosi yowni cukusi daŋgayna.

SUNDA 4:3

Asi yowosi cukusi daŋgayna a juɓ buu ma vinna tuwa, kay lina kal ki wa.

MATIYE 21:35

Suu li sunda hu senena yow suu asina, waɗ ma hiŋŋa, ci maa ki maɗ dew may, duu ma hiŋŋa gikka u gogoyra may.

JEREMI 26:8

Hu li ma Jeremi daɓ boy ma Yawe sunum ay kam a dam maŋ suuna halaŋŋa ki may ni, muli suu li ɓivunna u suu jok vun Lona u suuna halaŋ vi Jeremi dam ana, «Aŋ ɓak ki ni dla maɗaŋu.

JOB 13:27

Aŋ njunun ga ka hinin a poy oloɗi. Dlara an laɗta aŋ iriŋ ka cuki kaɗ halaŋ ta ta aŋ ndumun balam sen ma tin kaŋgana ki lay.

2 DLAŊ MULINARA 18:23

Na gaw ni Sedekiya ma goŋ Kenaanna ɦuɗ tam ay eg Mise cam irim na piŋ gaw dam ana, «Musukka vi Yawera kal ay ki hurun a tuɗ daŋ boy namma ha ki a aŋ ɓakamba su?»

JOB 33:11

Nam cukun keged kegedna senu. Nam cuɗun sen ma tuɗ kaŋgana ki halaŋ.»

1 MULINA 13:4

Hu li ma mulna Jeroboam hum boy ma sa jok vun Lona damma may ni, nam maɗ kom ha ki na ana, «Vagina aya.» Ay kolo hu givin ma togolla na wanna, kom so ha ki ni na gaw, ka hoŋ ay kaŋga um oloɗi.

JEREMI 26:10

Maliyaŋ ndaŋgara Yudara hum boy namma may ni yow ay vi mulna mba ki fun zira vi Lonara mol ki funuɗ hu vunuɗ ma wilina.

JEREMI 37:21

Na daŋŋi mulna Sedesiyas ɦal voɗta ana asi hin Jeremi ki hu taraŋga hin ɦam komnjoɗira dew dew hu buuna tew tew ay hu li ma li mappana ay huna ta ta hu li ma sa ka fi mappa hu ɦoŋzina oloɗina. Na daŋŋi Jeremi hin ki kiɗik hu taraŋga ni na gaw.