JEREMI 2:31 - Boy Lonana

³¹ Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

JEREMI 2:31 ပူးပေါင်းရင်းမြစ်များ

GA 8ATAMBARA 32:15

Suu mamsina ɦis ki wa, mbuɗ ki suu gonokka, asi ɗoo ki wa, ndi ki mbala cocoo, noy Lona ma lasina kiyo, mbuɗ sa ma njun kasi ma suɗusi kina ki zolona.

1 KORINTNA 4:8

Agi fagi tlesuu agi minisina wa halaŋ, ɦizigi wa halaŋ, agi mbuɗugi ki mulina, ami ka na koɗi, an min ana agi mbuɗugi ki a muli suu gasina, kay ami mba taɓ u agi mbuɗ na may.

MISE 6:9

Del Yawe ka yi ay ɦoŋzina, nam hin suɗ ki ni suu li ndaana u semma. Humugi haa, njaf suuna u suu ka hu ɦoŋzinana.

AMOS 1:1

Boy ma vi Amosna, sa gol timigiina duk suu Tekoana, ma wi tlena ɓakam kay Israel, hu buu ma Oziyas mulna hu Yudana, hu buu ma Jeroboam goŋ Joasna, mul ma Israelna, basara mba' ki fok jew ndaŋgara wiira.

Magaara Vi Sa Jok Vun Lona OZE 13:6

Tew ha ki hu li ma ti haɗna may, ni asi hoɓ kiyo. Asi hoɓ ki wa ni hurusi mbuɗ va daŋŋa, ni kay ndaɗta asi noyon ki ni na.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

VUN ŊGOLNA 30:9

Kay ana hu li ma an hoɓi hoɓmi, tin vunun kaŋgi, hin di ana Yawe Lona ni gege naɗi. Dowba hu li ma an ki haw cocona kal ki a kulla, Suuna hin ŋgulun sem Loonnaɗi may.

SOOLLA 12:4

Ko Yawe bulum suu njaɗ njaɗta kaboyna kiyo, dug vun suu ganyamba ki may.

SOOLLA 10:4

Hu ŋga taamba nam di ana, Lona ka a kaam ɓak kambi, kay «Lona kaɗi». Nam ɓii tam na.

2 DLAŊ MULINARA 31:10

Mul ŋgol ma li ɓivunna, Azariya, ma hu deera vi Sadokŋa, hoŋom dira ana, «Hu li ma suuna gijaŋŋa a taa tlena ayra day ni, ami ka ti ki jivi u mayami lay, ami fi tlesuu daŋŋa su ki kami coco lay. Kay Yawe paɗ vunum ki kay suu mamsina, tlesuu moli cana ni suu hin ki komina.»

GA 8ATAMBARA 31:20

Cemi ni an min cuk suu asina hu mbas mayra law ki mbiira u mbul yumma ta an vi vunun suu tan ay ki fok somoyosi kaɗta. Asi hin ti ki u mayasiya, ɗoo coco lay. Hin hoŋ irisi eg loogi suu daŋŋa a sunusira lay, asi hin noyon kiyo, bulum galam manda an vaɗ u asira ki lay.

JEREMI 2:20

Ay day day lay ni ndak kus gu ma kelekŋa kiyo, ja duk ɦoŋok ki u an di ana, An ka min a li mbaɓu oloɗi. Kolo kay ɦinira fiyekka, kaŋga u ŋgusu ma ɗufina ndak buu kaŋga li gawlaŋŋa.

JEREMI 2:25

Cola. Li ka naɗi ni ndak hin mbuɗ ki lalasi, fefegek hin co kiyo. Na may ndak di ana, «Ҥawaa va ka lanɗi. An min suu koyogina an hin liŋ usiya.»

GA 8ATAMBARA 32:18

Ҥini may ma vuɗugina agi ka golom jiviɗi. Agi maa ki kay Lona ma cukugi ga kay ndaŋgarana.

1 MULINA 11:22

Faraw joɓom ana, «Aŋ vo varan tani ni va ma kaɗak kaŋŋa ni mege? Aŋ hal a hoŋ hu mbas maŋga mbee ni kay mege?» Nam hoŋom dira ana, «Va ma kaɗak kan kaɗi, may ni aŋ hin an hoŋ hu mbas manda.»

JOB 21:14

Doli ɗini asi di Lona ana, «Ҥuɗ taŋ ha ki egemiya, a hum u gaɗ maŋgara ni ka irimi jiviɗi.

JEREMI 5:5

An hin tuɗ ni eg suu ŋgolona na ɗow a ci wayra u asiya. Asi ɗow kala wi voɗta vi Yawera, gaɗta vi Loosinara. Na may ni suu daŋŋa ko suu hiŋŋana ni kus jug ma gii kelesina kiyo, bulum banara dukusira kiyo.

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

EZEKIYEL 14:5

Hoŋ diinda hin vi suu Israelna cocoo kay asi ɦuɗun ha ki egesi day ni u goɓpa asi goɓ fulinara.