23 Yawe aŋ wasi saa masira maŋira egenda. Aŋ bulumusi dla coosira ci maɗna kiɗi, hin a coosira bulum taɗ ki fokoŋgi. Ko asi casi ki kaŋga fokoŋgi liiŋ ma yara mba wa ni aŋ lasiya.
Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?
Aŋu, aŋ wiya, Yawe, maa ki kanɗi. Aŋ njununu. Aŋ saan sugulun u suu lasanna. Ko an mbuɗ ki cora u juɓpa aŋ juɓpaɗi. Ni kaŋ aŋu, aŋ wi ana an ka vi ŋgulla kanni na.
Aŋ hin hoŋ mbassa kiyo. Aŋ u dew taŋga hin col ha ki eg jo ma an ɦaŋŋana na day. An hin cukuŋ suu maŋ suu babalira kaŋu. Suu asina mbay ni hu mbassa aŋ ka waɗɗira, kay ana agi cukungi ku yaanda kagi wa, ndaɗ ka ŋgal na gak gak.
Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»
Muli suu li ɓivunna u suu jok vun Lona di maliyaŋ ndaŋgara u suuna halaŋ ana, «Sa namma vi a aygi lam egemmi dla ŋgolo, kay nam di dla cora kay ɦoŋzi namma agi tagira humuɗ ki u humugi lay.»
Hu li ma Jeremi daɓ boy ma Yawe sunum ay kam a dam maŋ suuna halaŋŋa ki may ni, muli suu li ɓivunna u suu jok vun Lona u suuna halaŋ vi Jeremi dam ana, «Aŋ ɓak ki ni dla maɗaŋu.
Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»
Asi ki viɗiya kay ana asi li dla cora. Na may asi ka min wi dla coosiraɗi. Asi ka saa kay dlara mbuɗusi ki zolonaraɗi. Na ɗaŋŋi asi hin puk ki kaŋga ko suu hiŋŋa na. Asi hin daɓ pukka kaŋga hu li ma an hin kaasi ɓakŋa kasina. Yawe di na.
Na may ɗaŋŋi Yawe ɓak anaba, an tin dlara vi yamba fok suu asina. Asi hin puk kaŋga u dla ndaɗta. Gorra u somoyosi lay halaŋ. Suu vok zina u asina, suu ndaryasina lay hin miɗ kiyo.
Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.
Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.