JEREMI 18:18 - Boy Lonana

¹⁸ Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 18:18 ပူးပေါင်းရင်းမြစ်များ

2 SAMUEL 15:31

Asi mbay di David ana, «Ahitofel ka duk suu vi vunusi ki u Absalomma.» David di ana, «An ceneŋu, Yawe bulum gaɗta vi Ahitofella kiyo.»

2 SAMUEL 17:14

Absalom u suu Israelna halaŋ di ana, «Gaɗta vi Husay ma Arkŋa jivi su gaɗta vi Ahitofella.» Gasi daŋ may, Yawe vi kam a bulum gaɗta vi Ahitofel ta jivi sura a mba dla cora ay kay Absalom.

1 MULINA 22:24

Sedekiya, ma goŋ Kenaana, ɦuɗ tam ay eg Mise mba cam kiriŋim di ana, «Musukka vi Yawera kal ay ki funun a daŋ boyna ni saɓage?»

2 DLAŊ MULINARA 24:21

Asi vi vunusi ki kamu, gikim ki u gogoyra, cam ki ko mulna dasisra na ni fun biɗii Zira vi Yawera hu gaw.

JOB 5:13

Nam vi suu wi dlara ni u daw masi ma asi gunumma tok. Gaɗ masira asi gaɗ suunara ka li va oloɗi.

SOOLLA 21:11

Aŋ hin gasi njafasi ki kay ndaŋgara halaŋ, aŋ hin bulumusi deeresi ki duk njaf suu hu duliyarana bel.

SOOLLA 52:2

Gaɗ ni hu li ma Doeg ma Edomma tuɗ di Sol ana David ka vi Ahimelekŋa.

SOOLLA 57:4

Lona ma kolo dayna ɦan suɗta ay wa, nam cuk suu lasanna gaa, nam wan hahawanu, golon u gasi mamba.

SOOLLA 64:3

Ŋgayan ki day ko suu dan ŋgeŋŋa kanna, ha ki day eg suu li dla cora suu ka gi gagara duk tasina.

VUN ŊGOLNA 18:21

Miɗna u kak ma kak iirina halaŋ col ay ni eg boy ma aŋ damma. Va ma aŋ lamma aŋ hin tammi vuɗum may.

EZAYI 32:7

Sa ma ganyamba suu sun mamsina ni suu ci matna halaŋ halaŋ. Nam ka hal ni mbeleŋ ma ba suu hahawra kina sasak, u kaboy ma nam kaamma. Lini boy ma vi sa ma wihawrana jivi lay, nam ka humumbi.

JEREMI 1:19

Asi hin duu u aŋu, na may asi ka ndak a laŋ va egeŋgi.» Yawe di ana, «An ka u aŋ a buɗuŋ kira.»

JEREMI 11:19

Anni ko goo timii ma lalamma na, tuɗum hu li ma ŋgaɗtara na. An ka wi ana dla cora asi laɗta ni kan layraɗi. «Kaaygi ŋgusna ki u mbiirim egemu, kaaygina ki hu mbassa vi suu iirinara. Ka sa yam sem oloɗi.»

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 18:19

Yawe ɦan yal maŋŋa halaŋ, hum dlara suu babali mansina ɓakaɗta.

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

JEREMI 26:11

Muli suu li ɓivunna u suu jok vun Lona di maliyaŋ ndaŋgara u suuna halaŋ ana, «Sa namma vi a aygi lam egemmi dla ŋgolo, kay nam di dla cora kay ɦoŋzi namma agi tagira humuɗ ki u humugi lay.»

JEREMI 37:13

Nam tew fun ziŋ Benjaminna may ni ŋgaf sa ŋgol ma asgaana yam ana Iriya, ma goŋ Selemiyana, goŋ Hananiyana. Sa namma vi Jeremi dam ana, «Aŋ tuɗ ndi ni duk suu Kaldena.»

JEREMI 43:2

Azariya, ma goŋ Hosayana, Yohanan ma goŋ Kareana u suu ŋgolo suu di boy ma cona halaŋ ɓak boyna maŋ Jeremi ana, «Kaboyna! Dlara aŋ daɗta ka jiviɗi. Yawe, Looygina, sunuŋ ay ka egemi ana aŋ dami ana ami ka tuɗ ŋgay tami Egipteɗiraɗi.

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

JEREMI 44:17

Ami min li ni dlara ami vi vunumi kaɗ a laɗta. Ŋgalami ɓivunna maŋ mul cara kolo huulonara. Ami hin ɦaɗ mbul ma his jivina ko ami li ay hu ɦoŋzi ma Yerusalemma u ma Yudana na. Ami tamira lay, somoyomi lay, muli mamisina lay, suu ŋgolo mami suu sunda lay. Ko ndaɗta na ami fami fu ma tira um hin ki komi lay. Ami kaki u heɓpa ka wami dla co egemiɗi lay.

JEREMI 8:8

Agi hin ndak di ana, «Ami yal cocoo kay ana gaɗta vi Bu Suunara ka ni duk komiya» nige? Gasi may ni ndaɗ mbuɗ ki ni gaɗta cora u dlara suu co suu ɓii magaara laɗta.

YOORA 3:62

Vun suu lan dla cora egenna u gurnira asi gurni unda daɓ buuna ki u ndaɗta.

EZEKIYEL 7:26

Dlara hahawra u yoora zul ha kay taɗ ni zuli na ɗow ɗow. Boy ma wanna mba na ni, ma hiniŋŋa ay dagan gaw. Asi hin joɓ dlara ha fokka ko sa ma jok vun Lona. Muli suu li ɓivunna gaɗta vi Lonara viɗ ki irisi lay. Sa ŋgol ma gaɗ kemba ka oloɗi lay.

DLAŊ LEVIRA 10:11

Haɗ suu Israelna ki halaŋ kay dla mayra Yawe daɗ ka maŋ Moizza.»

MISE 3:6

Magi agi may ɗaŋŋi tlena tak tasi ki irigi ni njeŋgee, magi agi may ni ndufunda, wira fokka hin li ŋgol suwa. Faɗta hin ɗik ki kay suu jok vun Lona, buuna hin kuluɓ ki kasi ndufunda.

MISE 3:7

Zolona kay suu wi u dlara, suu joɓpa hin viɗ ki lay. Asi hin kuluɓ irisi ki kaŋgaa kay ana Lona ka hoŋosi diraɗi.»

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

Boy Ma Ayra Ma LUK Ɓiirimma 11:45

Sa wi magaara gaɗta dew di ana, «Mala Haɗta ɓak maŋŋa aŋ ɓak wanna ni ŋgulumi ni amiya.»

Boy Ma Ayra Ma JAŊ Ɓiirimma 9:40

Suu Farisenna suu egem ɦiw hum boy namma na ni, joɓom ana, «Ami ni suu dugina lay su?»