JEREMI 18:15 - Boy Lonana

¹⁵ Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 18:15 ပူးပေါင်းရင်းမြစ်များ

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

Magaara Vi Sa Jok Vun Lona OZE 11:2

Suu may suu yasina, asi ɦuɗ tasi ki egesi na day. Asi li ɓivunna ni maŋ Baal, ni maŋ fuli suu ceɗesi u kosina asi lasi ɓivun ma ŋgalam ki ŋgalina.

JEREMI 2:32

Go tamara ndak maa tlesuu humuɗna ki su? Goora ki ɗumira ndak maa baraw maɗna ki su? Na may asi suu mansina maaran ki day day buuna bolow cocoo.

EZAYI 57:14

Sa di ana, minigi voɗta kiyo, miniɗ kiyo. Tlesuu daɓ semma hu voɗtana yowosi ki fok suu mansina.

MALASI 2:8

Agi may ɗaŋŋi viɗigi ki wa. Agi viɗ suuna u haɗ magira cocoo. Agi ɓeŋegi banara vi Levira ki wa. Yawe, ma saɓakŋa kom belna, di na.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 17:13

Saara vi Israella ana Yawe, suu noyoŋ kina halaŋ zolona casiya. Suu ɦuɗ tasi ki egenna dlara vasi wa, kay ana asi noy ki ni voɗ mbo ma iirina ni Yawe.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

EZAYI 41:29

Gola asi halaŋ ki ni ɦawaa, sun masira ki ni ɦawa lay. Tlegeyesi suu asi goɓosina ki ni semeɗna ɦawaa.

MATIYE 15:6

Ni agi doo ki ni ana sa tli yam bum u sum koloɗi ni naɗi su? Agi mbuɗ boy ma vi Lonna ki lalas, u dlaagira agi haɗ suuna u ndaɗta.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 13:25

Gola ni dla cookka. Ni ta an ŋgaakka kakka. Yawe di na. Ndak mayra maaran ki hin li dlara bay uɗta.

JEREMI 3:21

Tiina hin col kolo ŋgolla hu voɗta halaŋ halaŋ. Yira hahawra vi suu Israelna kay asi tli voɗta cora kosi, maa Yawe, Loosina kiyo.

ROMMA 14:21

Va ma jivina ni aŋ kom tliwnaɗi, ci summaɗi noy tlesuu puk wayaŋŋa kaŋgana ki halaŋ.

JEREMI 44:25

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, u agi boyogina ki dii lay, ki lii lay, agi di ana ami min takki ni dlara ami min a laɗta. Ami ŋgal ɓivunna maŋ mul cara huulonara, vooɗ mbul ma his jivina ay may. Lagi dlaagira agi min a laɗta, lagi ɓivun magina.

JEREMI 19:5

Asi mbu lina kolo maŋ Baal a ŋgal goryosi ki a ɓivunna maŋ Baal u kura huwa. Dla ndaɗta an ɓiiriɗ kaɗi, an ɓakaɗ kaɗi lay, saa ndaɗta mba ka kanɗi lay.

EZAYI 62:10

Agi suu Yerusalemma, cukugi ki bunsuwa, minigi voɗta ki maŋ suu hoŋ ay vona, tos zulla kiyo, yowogi gogoyra hu voɗtara kiyo. Pagi va ma tak voɗta ha ki maŋ suuna halaŋŋa ki koloo.

EZAYI 9:16

Kay ndaɗta Bu Suuna ka wasi hahaw gorzoŋi masisinaɗi. Nam ka wi hahaw gor suu kuyuna u boyogi suu donoraɗi lay, kay asi halaŋ ka wi Lonɗi, ka li dla jiviɗi lay, vunusi halaŋ njaɗ ni dlara giniŋga. Na lay ni Bu Suuna hurum heɓ ka eg suu Israelna tuɗi, kom ka ki maɗii a lasasira tuwa.

EZAYI 3:12

Ҥii, suu mansina kemba ka gologi ni asiya, boyogina ti mulla kagi ni asiya. Agi suu mansina ŋgara agi ŋga tagira baagi ki wa. Ndaɗ ɓalakagi voɗta agi a tuɗ huruɗta ki wa.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

EZAYI 65:7

Coogira agi laɗta ura vi somoyogira lay di na ni Bu Suuna u tamba, suu may suu ŋgal mbul ma hisna ay kolo kay hinirana, suu mbuɗun sen ki zolona fok suunana, An hin vasi u sun masira asi laɗ ndaɗta ki halaŋ.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

JEREMI 18:14

Na ni aygi ndak a noy tlesuu col ay duk mborɦoyra Libanda u mborɦoy mayra gi kay ɦinira ki su? Na ni aygi ndak noyoygi yo ma col ay dayna ki su? Ma ɓaɗ heɓpa na cetl cetlna.

JEREMI 51:18

Ni dlara ganyamba, dlara sanda, hu li ma hin a ɓak dlara kina asi hin bulum kiyo.

EZEKIYEL 21:15

Ki guuri jivi a ci suuna, tam ki jivira a weleɗ cocora may.

EZEKIYEL 36:15

An ka hin a njaf suu ɦawana mbaarak dlara zolona kak oloɗi. Suu taa ka ndak a ŋguluk oloɗi lay. Ndak ka li dlara daɓ sem suu maksina oloɗi lay. Di ni Bu Suuna, Yawe.»

Magaara Vi Sa Jok Vun Lona OZE 2:6

An hin ka miniɗ goryoɗɗi, kay ana ni gor suu mboymona.

GA 8ATAMBARA 32:21

Asi ɓalakan hurun ki u fuli masisina wa, asi mbuɗun ki yara u goɓ masira goɓ fulinara. An may ni hin ɓalakasi hurusi ni u suu ɦawana suu ka suu mansinaɗina may, suu asina hin ɓeŋesi hursi ki may.

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 11:12

Ҥoŋzi ma Yudana u suu Yerusalemma hin tuɗ joɓ njunda ay eg loogi suu asi lasi ɓivun ma ŋgalam kina. Na may asi ka ndak a suɗusi ki hu li ma dla cora mba kasinaɗi.

JEREMI 11:13

«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.