JEREMI 17:23 - Boy Lonana

²³ Asi may ni hum kaɗi, tin humusi kaɗi lay. Asi so delesi ki eŋga ka min a humbi lay, ka vi u gaɗtaɗi lay.

JEREMI 17:23 ပူးပေါင်းရင်းမြစ်များ

SOOLLA 50:17

Aŋ sa ma ka ŋgelen gaɗ mandana, aŋ sa ma cukun boy manna ki ŋgoroŋ daganna.

VUN ŊGOLNA 1:3

Kay a haɗ yal ma ki kiɗik na ɗal ɗalna, kaɓakŋa, lalamba u ɗegeera.

VUN ŊGOLNA 1:5

Ko suu wi dlara huma, zul u wiisira foko, sa ma neeyna haɗ yal ma tuɗ fok suuna may.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

VUN ŊGOLNA 5:12

Aŋ hin mbuɗ ɓak taŋ ana, «An hum ka u haɗtaɗi ni kay mege? Hurun vi dla mayra dandara kaɗi ni kay mege?

VUN ŊGOLNA 8:10

Hinigi dlara hal gursura tani, halangi ni haɗ manda. Wira ni jivi su lorra jivi ɦayra.»

EZAYI 48:4

An wi ana agi yagi eŋ cocoo, delegi ki sooyra ko ndal kawina na. Vogogi eŋga ko kawi ma tlawna na.

JEREMI 11:10

Asi hoŋ tasi ki hu suluk ma vi somoyosi ma ka min a humun boy mannaɗina. Asi may ɗaŋŋi liŋ tuɗ ki u loogi suu daŋŋa a goɓosiya. Suu Yudana u suu Yerusalemma may ni buɗ galamba an vaɗ u somoyosira kiyo.

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

JEREMI 32:33

Asi ɦan zagaɗasiya, ka ɦan hurusiɗi, an haɗasi na tew tew lay ni asi ka humunɗi, ka van haɗ manda kasiɗi lay.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

JEREMI 6:8

Vi gaɗta kaku, Yerusalem. Lini ka naɗi, an ho dugun ki u ndak wa, an mbuɗuk ki hahawra, mbuɗuk ki ni ko ndaŋgara sa ka kak kaɗɗira na.

JEREMI 7:28

Aŋ dasi ɗaŋ, gologiya, suu ka hum vun Yawe, Loosinaɗina, ka li u gaɗ mambaɗina, gasira viɗ ki wa, ndaɗ bulum ki funusi wa.

EZEKIYEL 20:13

Na may suu Israelna hin mbuɗ ki yara u an ay ki ŋgoo bagi hu fulla. Asi ka tuɗ u gaɗ mandaɗi. Asi hinin neenda sana a kak iiri uɗta kiyo. Asi ɓalak Buu ma vi Lonna kiyo. An ɓak tan ana, an kuluɓ yaanda kasi ŋgoo bagi hu fulla daɓasi kiyo.

EZEKIYEL 20:16

Kay asi li ka u neendaɗi, asi tuɗ ka ko gaɗ manda dira naɗi. Asi mbuɗ Buu ma vi Lonna ki lalassa, hurusi ki tini ni kay fuli masisina.

EZEKIYEL 20:21

Na may asi gorra hin mbuɗ yara u anu. Asi ka tuɗ u gaɗ mandaɗi, asi ka li u neendaɗi lay, ka saa kaɗɗi lay. Sa kak iirina ni sa ma li u neendana. Asi mbuɗ Buu ma vi Lonna ki lalasi. An ɓak tan ana, an kuluɓ yaanda kasiya, an min takasi yaanda ki ŋgoo bagi hu fulla.

SOFONI 3:7

An ɓak tan ana, Jivira ni ndak humun gin vununu, van gin haɗ manda kaku, ni ziik hin ka bulum kiɗi. Hu li ma an kal duk wa ni, suu maɗsina ɦal ni yal ma viɗ yam suuna ki viɗina na ɗow ɗow.

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

SUU KAƁAKŊA 6:10

An dagi anaba, Anni Yawe, Loogina, agi lagi ndaa loogi suu Amorna suu agi cuki dukusina ɗi. Agi may ni humungi vunun kaɗi.»