Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.
«Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.
A col fok suu asinara ni an mbuɗuŋ ki ko gulumun kawi ma toɗina na. Asi hin duuruŋ lay, hin ka tew egeŋgi kay ana an ka u aŋu a suɗuŋ ki lay, buɗuŋ ki lay. Di na ni Yawe.
An humma, gasi an humma, Efrayim ka yoo tamu, «Aŋ haɗanu an hin tan aŋ haɗanu ko ndal goo mbutl ma sa ka tin kom egembina na. Aŋ keŋen irin aya, an hin ndak hoŋ ay may. Kay ana aŋ Yawe aŋŋi Loonna.
Mbuɗ saa suu asina ki giniŋga, ŋgelesi humusi kiyo, dugusi irisi ki ka wiɗi may. A asi hum u humusiɗi, ka hurusi a saa dlaɗi lay, asi ka ndak a hom ki a garaɗ tasi kiɗi lay.»
Aŋ may ni an hin mbuɗuŋ ki mariyaɗ, an hin ciliŋ mbiliŋ kiyo. Di na ni Yawe. Kay asi yaŋ semma kaŋ ana, «Va ma jivi ka huɗi, Siyon mayra sa humum ka gam kaɗɗira.»
Na may an golom tuguɗii mamba, hin cilim mbilim ki lay. An hin cilisi mbilisi kiyo. An hin takasi begera ki irisi bel bel u heɓpa, asi hin kak u heɓpa may.