JEREMI 16:19 - Boy Lonana

¹⁹ Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 16:19 ပူးပေါင်းရင်းမြစ်များ

1 MULINA 20:23

Suu ŋgolo suu vi mul ma Sirina dam ana, «Loosina ni Lo ma kolo kay ɦinirana. Kay ndaɗta asi li ay saɓak suuygi ni na. May tuɗuygi duuruygisina hu li ma gana tuwa, ni aygi hin li ni saɓak suusiya.

SOOLLA 18:3

Yawe, aŋŋi ɦini manna, ɦoŋziin ma saɓakŋa, aŋŋi sa ma buɗun kina. Loonna, aŋŋi ɦini man ma coli fokonna ni ziin ma an ŋgay hurumma. Aŋŋi mbarina u ɓagi man ma duuna, aŋŋi sa ma suɗunna.

SOOLLA 19:14

Gol saaŋ ma sunda, hin a suu ŋga tasina ganan yanɗi. Hinisi a kak mulla kanɗi, ni an hinni a sa ma pasiyakŋa kay dla cora ŋgol ka hurunɗi.

SOOLLA 27:5

Nam ka njun kan hu li ma lassa fanna, nam ŋgayan hu ziimba, nam colon ki kolo kay yam ɦinira.

SOOLLA 46:1

Soolla vi sa ma fok suu gi soollana, soolla vi goryoŋ Korena, kay gorɓiina.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.

SOOLLA 46:7

Njaf suuna ka yal cocoo, mulla halaŋ mbuɗ ki ndaana, nam ɦal gaɗta na ni, ndaŋgara wak kiyo.

SOOLLA 62:2

Na daŋ may musukun cemi tin wa fok Lona, suɗ manda col ay ni komu.

SOOLLA 62:7

Na daŋ may, nammi ɦini manna, ni suɗ manda, nammi ɦoŋziin ma saɓakŋa lay. Cemi va ma ŋgenen kaɗi.

SOOLLA 65:3

Aŋŋi sa ma hum cenda vi suuna, tlesuu iirina halaŋ tuɗ ha egeŋu.

SOOLLA 68:31

Gaɗ suu Egiptena, vabakgi suu cona, u suu masi suu goɓ gor mbutlinana, suu ŋguf lina ŋguf ŋguf u gursu masirana. Njay suu may suu furi kay dla duuna ɦayna kiyo,

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

VUN ŊGOLNA 18:10

Sem Yawe ni zi mayra mini eŋ coco ta ŋgayra. Suu ɗegeena ŋgay tasi huwa ni suɗ kiyo.

EZAYI 25:4

Kay aŋŋi mbari ma vi suu maŋinana mbari ma vi suu hawra suu ka hu yoorana. Aŋŋi li ma ŋgay ko babaana, ni ŋgus ma koɗ tara, kay ana boy ma vi suu las suuna ni ko babaa ma bow gulumuna ki gana na.

EZAYI 32:2

Gegelay dukusi ni ko ndal ŋgusu ma kay suunana na, ni ko gi ma doo babaana na. Asi ni ko ndal mbo ma ɓaɗ kay ndaŋgara haw yona na. Ni ko ŋgus ɦini mayra kuluɓ ay kay ɦoŋzi ma faɗta ti hu cocona na.

EZAYI 44:10

Yoo looŋŋa kay taŋu, min zina maŋ fulina ni laɓa me nage?

EZAYI 44:20

Asi ni suu giniŋŋa, hurusi tini ni kay va ma ti ki buɗnana. Saa masira ka wi vaɗira, viɗisi ki wa. Asi ka buɗ kiɗi lay. Sa ma di ana, «Tlesuu kon wanna ni ganyamba ɦawaa,» kaɗi lay.

EZAYI 45:14

Yawe di suu Israelna ana, sunda suu Egiptena laɗta, u warak ma vi suu Etiyopina u suu may suu ay hu ɦoŋzi ma Sebana, suu wuli fiyeki cocona, halaŋ ca ni hin mba ki varagiya. Asi hin cuɗugi ugi ni u galina cuki sesiya, asi hin goɓ ga fokogiya, cenegi di ana, Lo ma daŋ ma ko magina na kaɗi, aragelay kaɗi.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 62:2

Njaf suuna halaŋ hin waŋ ɗegee maŋga, mulina halaŋ hin waŋ bibiŋil maŋga. Asi hin yaŋŋi u sem ma wilina, sem namma Yawe hin tiniŋŋa kaŋŋi namu.

JEREMI 10:3

Na may gaɗ masira uɗ kaɗi. Gu ma kaam ay ki duk gurana, sa li sun guna ceɗem tam ki jivina.

JEREMI 10:5

Fuli asina ni ko ndal tlesuu mbaɗ tara hu sene kuusira na, asi ka ɓakgi, yowosi ɗow, asi ka ndak a tuɗɗi. Lagi ndaa kosiɗi, asi ka li va co eg saɗi, asi ka ndak a sunugi ha hu fokkaɗi.

JEREMI 12:16

Lini asi haɗ tuɗta jivira wa ko suu mansina na, suu tasi u sen ana, «Bu Suuna ka iiriya,» ko asi haɗan suu mansina a suu tasi u Baalla na may ni, asi hin cuk ziisi duk suu mansina.

JEREMI 14:8

Israel saa ni kaŋu, aŋ sa suɗ suuna ki hu li ma hahawrana. Aŋ hin mbuɗ taŋ ki hu mbassa ko koyna na, ko ndal sa tuɗ koyra hal lina kam a buu njeŋgena na ni nanage?

JEREMI 17:17

Mbuɗ yara egenɗi aŋ liin ma an ŋgay tan hurum hu buu ma dla cora mbana.

JEREMI 2:11

Njaf suuna ndak a jok ki u lo ma daŋŋa su? Doli ɗaŋŋi ka ni looginaɗi. Suu mansina may ni mbuɗ jivi masira ki u va sunum kaɗina.

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

JEREMI 3:23

Gasi daŋ may tlesuu col ay kolo kay ɦinirana ki coo. Asi li kolo kay ɦinira ni vunna ɦawaa. Gasi daŋ may ni u Yawe, Loomina, Israel fi suɗta.

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

EZEKIYEL 11:16

Aŋ tuɗ dasi ana, Bu Suuna, Yawe, di ana, lini an njayasi ha ki na day duk njaf suu daŋŋa lay, dikisi ki hu mbassa daŋga lay, hu mbassa asi tuɗ ha ki hura an ay ni a ziisira gaw.

AMOS 2:4

Yawe ɓak anaba, Ni kay dla cora laɗ yamba hindira, kay dla cora suu Yuda suu yara laɗ yasi fiɗira, an ka col dukgi, kay ana asi noy gaɗta vi Yawera kiyo, li ka u gaɗ mambaɗi, kay ana kaboy masina viɗisi ki wa, suu may suu tli dlaŋ somoyosirana.

NAHUM 1:7

Yawe jiviya, nammi ŋgus ma kay suuna hu buu ma wi hawrana. Nammi sa gol suu ŋgay tasi egemma.

HABAKUK 3:19

Yawe ni malanna. Nammi saɓak manna. Nam mbuɗun sen ki ko sem dukka na, hin tuɗun ki hu li ma dayna. Soolla vi sa ma fok suu gi soollana, gaɗ u diŋŋa.

ZAKARI 2:11

Tuɗuygiya, Siyon, pii kiyo, ndak mayra ha ki kaki hu Babilonda.

MALASI 1:11

Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

ROMMA 1:25

Asi mbuɗ gasira vi Lona ki kaboyna, asi cen tlesuu Lona lasina, sunusi lay, hin Lona ma li tlena halaŋŋa kiyo, a geleɗem ginni nam gak gak hu daɓ kira. Amin.

1 PIYER 1:18

Agi wi ana nam warak kagi ni ka u tlesuu ba kina ko gursura u lorra naɗi, kay buɗugi ki hu dla cora somoyogi haɗagirara.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»