JEREMI 15:15 - Boy Lonana

¹⁵ Aŋu, aŋ wiya, Yawe, maa ki kanɗi. Aŋ njununu. Aŋ saan sugulun u suu lasanna. Ko an mbuɗ ki cora u juɓpa aŋ juɓpaɗi. Ni kaŋ aŋu, aŋ wi ana an ka vi ŋgulla kanni na.

JEREMI 15:15 ပူးပေါင်းရင်းမြစ်များ

NEHEMI 13:22

An di suu Levina olo ana asi mbuɗ tasi ki teteɗ a mbay gol vun grekŋa a li u buu ma Sabatna may. Kay dla ndaɗta may ni humuŋ gaŋ kanu, Loonna, wan hahawan u ɗegee maŋga ŋgolla.

NEHEMI 13:31

An hin hoŋ sun gu ma ɦam ɦawana balamam hu liim ma ŋgaayna, u vuɗ tlesuu jewna lay. Humuŋ gaŋ kan u jivi maŋga, Loonna.

NEHEMI 5:19

Loonna, humuŋ gaŋ ay kay jivira an laɗ kay suu asinara. Ko aŋ lan jivira na may.

NEHEMI 6:14

Loonna humuŋ gaŋ kay Tobiya u Sanbalat kay dlara asi laɗta, kay Noadiya, cara jok vun Lona u suu jok vun Lona suu daŋ suu hal a mbuɗun ndaanana.

JOB 10:7

Aŋ lay wi ki ana an li dla co kaɗi. Sa ma ndak a ɓaɗan ki hu duɓuk koŋ kaɗi lay.

SOOLLA 102:24

Nam hoŋon saɓak manna ki dagani, nam dagaran buu man ma kay ndaŋgarana ki lay.

SOOLLA 106:4

Hu li ma humuŋ gaŋ ay kay suu maŋsina wa ni aŋ saa ay kan may Yawe. Aŋ a suɗusi kira ni gol iriŋ ay kan may.

SOOLLA 119:84

Buu ma vi saaŋ ma sundana hin kay ndaŋgara ni gage? Aŋ hin kaɓakŋa kay suu lasanna ni saɓa tuge?

SOOLLA 17:3

Aŋ golon hurunu, njeŋge lay aŋ ka wanu, aŋ golon hurunu, fi co ka huɗi. Vunun ka di dlara coɗi lay.

SOOLLA 39:13

Yawe humun tii manna u cen manda haa, ŋgel humuŋ kiɗi, wan simi manna. Kay an iriŋŋi ko koyna ɦawa na, ni ko somoyon na may.

SOOLLA 44:22

Lona aŋ ndak a wi lay. Aŋŋi sa ma wi saara huu suu warnara.

EZAYI 38:3

Nam di ana, «Ҥii, Yawe, humuŋ gaŋu kay an poy uŋŋi u ɗegeera u huu ma dewna an li ni dlara iriŋ jivira halaŋ.» Ezekiyas tii u simina.

JEREMI 12:3

Aŋ, Yawe, aŋ wanu. Aŋ ka wan lay, golon saa manda lay. Ndaɗ halaŋŋi koŋu. Suu dlasi cona cukusi ki keŋ ko ndal timigii suu tuɗusi hu li ma ŋgaɗtana na. Hinisi cukira a juɓ buu ma ŋgaɗta.

JEREMI 15:10

Ni hahaw me nage? Sunu, ndak vuɗun ki dukuɗ ge? An sa duk suuna hu mbassa halaŋ. Suuna ka mininɗi lay, ka dan dlan jiviɗi layna. An joɓ va kaɗi lay, tli va kaɗi lay. Asi halaŋ gan vunna.

JEREMI 15:20

A col fok suu asinara ni an mbuɗuŋ ki ko gulumun kawi ma toɗina na. Asi hin duuruŋ lay, hin ka tew egeŋgi kay ana an ka u aŋu a suɗuŋ ki lay, buɗuŋ ki lay. Di na ni Yawe.

JEREMI 17:16

An ka sa min ana dla cora mbay zakinaɗi, buu ma cona an yam ay ka ni anɗi, aŋ wi layɗi su? Dlara kal ay ki fununda an ɓakaɗ ni fokoŋɗi su?

JEREMI 18:23

Yawe aŋ wasi saa masira maŋira egenda. Aŋ bulumusi dla coosira ci maɗna kiɗi, hin a coosira bulum taɗ ki fokoŋgi. Ko asi casi ki kaŋga fokoŋgi liiŋ ma yara mba wa ni aŋ lasiya.

JEREMI 20:11

Na may Yawe ka u an ko ndal sa duu ma saɓak cocona na. Suu lasanna hin puk kaŋgaa, hin ka ndak ki fun dlaasiraɗi. Zolona hin casiya. Asi hin ka ndak a li vaɗi. Asi hin mbuɗ ki zolona a fafaɗta, hum sa hin ka maa dla ndaɗta kiɗi.

JEREMI 20:12

Yawe ma Saɓakŋa Kom Belna, aŋ sa wi saara vi sa ɗegeena, sa wi dlara huu suunara u saara, an hin waŋ aŋ sa sukuluŋ u asiya, kay ana an hin dlaanda halaŋŋi koŋu.

JEREMI 20:8

Tew tew hu li ma an min a ɓak boyna wanni, an yi kolo u delen eŋga ana, mbay njununu. «Yara egen lay, lassa kan lay,» Kay boy ma vi Yawena an mbuɗ ki va lassa hu buuna tew tew lay, ŋgulun lay, panan lay.

YOORA 3:64

Aŋ hin hoŋosi dla cora asi laɗta kasiya, Yawe.

YOORA 3:66

U huruŋ ma ɓeŋina aŋ hin lasasiya, hin daɓasi cira ki kay ndaŋgara vi Yawera.

MATIYE 10:22

Suuna halaŋ hin tinigi ira ki kanu. Sa ma tin hurum kanna din din na, faɗ ha ki na faɗ na, nam hin suɗ kiyo.

MATIYE 19:29

Suu ana asi hin ziisi kiyo, ɗowba gorsesina, busiya, susiya, goryosiya, sene masina kan anu ni, asi fi ŋgol suwa sem kis olo, hin fi iirira ka daɓ kiɗira hu jona lay.

Boy Ma Ayra Ma LUK Ɓiirimma 21:17

Suuna halaŋ hin tinigi ira ki kanu.

ROMMA 12:19

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

ROMMA 8:35

Sa ma ndak ɓorowoygi ki u minda vi Kristura ni gege? Ni wihawra ɗowba laara su, lassa ɗowba, mayra ɗowba, hawra ɗowba, dlara sana fi maɗna funda ɗowba, miɗna tamba su?

2 KORINTNA 5:11

Aygi waygi dla mayra di ana li ndaa Bu Suunara, ni ay hal a vi suuna. Lona waygi ki ɗal ɗal an saa ana u hurugi lay, agi tagira wanni na lay.

2 TIMOTE 4:14

Aleksandre ma dli caffa lan boy cona egen ŋgolo, Bu Suuna hin warakam kay dlaamba nam laɗta ni namu.

WIRA ŊGAYRA 18:20

«Huulona furi kay ɓalak mamba, suu njafna vi Lonna halaŋ lagi furira, suu vovoɗta u suu jok vun Lona, Lona kaɓakŋa kay zi namma ni kay cora nam lakira egegira.»

WIRA ŊGAYRA 6:10

Asi sawalla ay kolo u delesira eŋga ana, «Bu Suuna ma jivi teteɗ gasina, aŋ juɓ na gak gak, hin kaɓakŋa kay suu hu ndaŋgara a cukusi daŋgayna kay cira asi cami kira ni saɓage?»

SUU KAƁAKŊA 16:28

Samson cen Yawe di ana, «An ceneŋu, Bu Suuna Yawe, humuŋ gaŋ ay kanu, mbuɗ balaman saɓaki kay an a sa sukulun u suu Filistinna karam dew ni a fafaɗta Loonna. An sa sukulun ni kay irinda mbara.»