JEREMI 14:9 - Boy Lonana

⁹ Ni kay me aŋ mbuɗ taŋ ki ko sa ma mbuɗ ki ndaana na, ko ndal sa duuna ka ndak a suɗ sa oloɗira na ni nanage? Doliɗi ni aŋ Yawe ka dukumiya. Ami humuŋ seŋ ki lay. Aŋ hinimi kiɗi.

JEREMI 14:9 ပူးပေါင်းရင်းမြစ်များ

EZAYI 63:19

Day day ni ami mbuɗ ki ni ko suu aŋ ka ti kasiɗina na. Ami mbuɗ ki ko suu seŋ yi ka varasiɗina na. Ҥii, lini aŋ co huulona ay kiyo, lini aŋ cuk seŋ ay ga kay ndaŋgara, ɦinira halaŋŋi hin geŋeɗ fokoŋu.

EZAYI 59:1

Gola ko Yawe ka geɗeŋ kay a suɗugiraɗi, humumba humugi cen magira ka ŋgeliɗi lay.

JEREMI 15:16

Hu li ma an humuŋ boy maŋŋa wa gaw ni, an vam hurunu. Boy maŋŋa heɓen hurunu, mbuɗun hurun furi coco lay. Asi ɓakan ki u seŋ lay, Yawe Lo ma Saɓakŋa.

SOOLLA 46:5

Mbo lum ma namma vun kom furi suu hu ɦoŋzi ma vi Lonna cocoo, ni zi ma ki teteɗ ma vi Lonna.

NDUMBA 11:23

Yawe di Moiz ana, «Bikin an Yawe geɗeŋ su? Aŋ hin wi tuwa dlara an daɗta li hin li ɗowba ka liɗi.»

HEBRENA 13:5

Hin saara vi begera a su kagiɗi, furiyugi u va ma ka kogina, kay Lona di ana «An ka hiniŋ kiɗi, ka noyoŋ kiɗi lay.»

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.

ZAKARI 2:5

An tli irin kolo na ni, an wi tlena. Sana u zew ma ŋgara kom viiya.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

EZAYI 51:9

Dliɗ kiyo, Yawe, dliɗ ki zak. Dliɗ ki u saɓak maŋŋa. Dliɗ ki ko fok jewra na, hu li ma vi somoyomi suu jak ki jewna, aŋ ci suu Egiptena ki ni ka aŋgi su? Aŋ ci vabak ma hu njaf Rahabma ay ki ni ka aŋgi su?

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

SOOLLA 27:9

Ŋgay taŋ ki irinɗi, dikin ki u huruŋ ma yaraɗi. Aŋŋi sa ma njununna, hinin kiɗi, Lo manna, saan ma suɗta.

1 SAMUEL 12:22

Na daŋ may Yawe ka hin suu mamsina kiɗi kay sem ma ŋgolna. Yawe may ni min a mbuɗugi ki suu mamsina.

GA 8ATAMBARA 23:14

Sa ma asgaana gegelay ni li va ma vek zulla komu, hu li ma nam kal ki doŋ kaana wa ni nam vek zulla hin tos soɗom ki ga huwa.

SUNDA 15:17

Kay suu daŋŋa halaŋ mba hal Bu Suuna, u njaf suuna halaŋ suu an yasi a mansina na.

EZEKIYEL 48:35

Fiyek gulumun ma ŋguy kay ɦoŋzinana li halaŋŋi meter buɓ buɓ dleeŋe. «Sem ɦoŋzi namma asi yam ana Yawe Samma ni ana Yawe ka tani.»

HABAKUK 1:2

Yira an yaŋ ana Yawe mbay njununura tew kaɗi ni hu li manage? Aŋ ka humbi. An yaŋ ha kolo u delen eŋga ana aŋ mbay u saɓak maŋŋa, aŋ ka suɗunɗi.

GA 8ATAMBARA 28:10

Suu kay yam mbassa halaŋŋa hin wi ki ana Yawe managi ki ni namu, agi ni suu yam semma. Ni asi hin lagi ndaaragi may.

2 DLAŊ MULINARA 7:14

lini suu mansina mba yan sen hu li ma sen ka yii huna, lini asi hoŋ yasi kaŋgaa, lini asi cena, halan a wanu hin dla coosira kiyo ni an ay kolo huulona day ni hin humusi cen masira, an hin bulumusi coosi ndaɗta kiyo, hin suɗusi mbas masira ki may.

SOOLLA 10:1

Ҥi, Yawe, aŋ col ha ki na day ni kay mege? Aŋ ŋgay taŋ ki irin hu li ma an ka lasna ni kay mege?

EZAYI 43:7

Suu may suu yan u senna halaŋ, an lasi ni kay a asi ŋgaan senda.

JEREMI 51:5

Kay ana mbas masira ki oyra u dla cora eg ma Teteɗ ma vi suu Israelna. Doli ɗaŋŋi sa Israel ɗowba ma Yuda ka ki hini dono ko Loosina Yawe, ma Saɓakŋa Kom Belnaɗi.

YOORA 5:20

Ni kay me aŋ hin maarami ki a fafaɗta ni ge, aŋ hin noyomi ki na ta ta daɓ buuna ki u ndaɗta su?

ZAKARI 8:3

Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.