JEREMI 14:22 - Boy Lonana

²² Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 14:22 ပူးပေါင်းရင်းမြစ်များ

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

1 MULINA 17:14

kay Yawe, Lona vi suu Israelna, di anaba, Gegel ma fuɗta ka daɓ kiɗi, vun gegel ma mbulna ka tuɗ kaŋgaɗi lay ta ta hu buu ma Yawe hin si mboom ay kay ndaŋgarana.»

1 MULINA 18:1

Ŋgoo dagan buuna ŋgolo, basara li ki na hindi lona ka siɗira, Yawe mba tak tam ii Eli dam ana, «Tuɗ tak taŋ ki ii Akab. An min a si mbona ay ga kay ndaŋgara.»

1 MULINA 8:36

aŋ ay kolo huulona day ni huma, bulum cora vi suu sun maŋsina u suu maŋ suu Israelna kiyo. Aŋ takasi voɗta jivi ta asi tlaɗta. Ҥal yooŋ ay kaŋga maŋ suu maŋsina kay mbassa aŋ ɦaɗ ki a jona maŋ suu maŋsinara.

JOB 28:26

Nam ŋga yo lona a si ni na gara may. Min voɗta ki fok ɗugulla a tuɗta lay.

JOB 5:10

Nammi sa ma si mbona ay a laɓ yam ndaŋgara, nam sun yoom ma kolo huulonana ay a si hu senena.

SOOLLA 130:5

An ka juɓmi Yawe, an ka juɓum u hurun halaŋ, an tin saaranni kay boy mamma.

SOOLLA 135:7

Ɗugulla tin ay hu vun ndaŋgara daɓ ayra day, ndaɗ li weleɗta ki jew hu li ma ndaɗ ka si mbonana, nam dug vun babaana ki hu li ma nam ay huna.

SOOLLA 147:8

Nam li ɗugulla kolo huulona ni namu, nam si yona ay kay ndaŋgara ni namu, nam day usuna kolo kay ɦinira ni namu,

SOOLLA 25:21

Ɗegee manda u jivi manda golonu, kay an tin saa manda ni kaŋ dew.

SOOLLA 25:3

Suu tin hurusi ka juɓuŋŋa halaŋ ka mbuɗ zoloɗi. May suu babali maŋsina halaŋ mbuɗ zolona, hoŋ u kosi ma vadlna.

SOOLLA 27:14

Juɓ Yawe, kak saɓagi, li ndaaɗi. Juɓ Yawe.

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

EZAYI 30:23

Nam hin sagi mbona a horokŋa. Agi hin zaa tlena kaŋgaa, tlesuu agi hin feɗesina ŋgol cocoo, jivi ɦay lay. Hu buu namma ni yoori magisina ndak fi li ma ti haɗna, li ma haɗna egesi ŋgol cocoo.

EZAYI 41:29

Gola asi halaŋ ki ni ɦawaa, sun masira ki ni ɦawa lay. Tlegeyesi suu asi goɓosina ki ni semeɗna ɦawaa.

JEREMI 10:12

Sa ma li ndaŋgara u saɓak mammana, ma min duliyara u yal mammana, ma u wiimba li huulona mayna,

JEREMI 10:13

kay ana nam tok mbo ma saɓak cocona ki kolo huulona, nam hin ɗugulla ŋgolora tin kolo kay ndaŋgara hu uɗ ma daɓ ayna, nam hin yona si kaŋga kaygi u welera lay. Nam sel semeɗ ma ay hu gurumma ki kaygiya.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

JEREMI 10:3

Na may gaɗ masira uɗ kaɗi. Gu ma kaam ay ki duk gurana, sa li sun guna ceɗem tam ki jivina.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 5:12

Asi tin vunusi kay Yawe di ana, «Nam ka iiriɗi. Dla cora ka mba kaygiɗi. Ŋgewra hin ka caygiɗi lay. Mayra hin ka caygiɗi lay.

JEREMI 5:24

Asi ka ɓak tasi kay tasi ana, «Ŋgaaygi Yawe Looyginaraɗi, nam saygi yona kaygi hu liim tew tew vun ɦoɗogolna lay, vun walla lay, goloygi njaf tlena tew eg liisi ma feɗta.»

JEREMI 51:16

U tokka nam tok mbo ma saɓak cocona kolo huulona, tin ɗugul mayra ŋgolora ay u vun daŋgara ma daɓ ayna, nam si mbona ay kaŋga duk welera, nam sel semeɗ ma ay kom hu zanduk mambana ay kiyo.

Magaara Vi Sa Jok Vun Lona OZE 2:7

Gasi, susi gi taɗ ki gawlaŋga ndaɗ mayra vasi wirisira, zolona mba kaɗ hu li ma ndaɗ di ana, «An hin hoŋ liŋŋa u banayanna, suu ɦan funa u yona, suu ɦan baraw ma cili u tlimiɗ timigiinana u baraw dlemba may. ɦan mbulna u summana.»

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

AMOS 4:7

Ni an daŋ may, doorogi yona ka si kagi ŋgolɗi ni anu, tilna hin fok hindi a gijaŋ tlena feɗtara, an si yona ka kay zi maa dew may, hin maa ki mayraɗi, sene maa ɦiw yona si hu may, maa ɦiw yona kaɗi, so ki mayraɗi.

MISE 5:6

Suu vi Yakob suu usi hinna hin li duk ɦoŋ suu bolow cocona, ko ndal mbaɗagira col ay eg Yawera na, ko ndal lo ma si hum usuna na, ta ka juɓ va ko saɗira na, ka saa kay va ko suu warna naɗi layra na.

MISE 7:7

An may ni ka saa ni kay Yawe, ka saa ni kay Lona saan ma suɗta, nam hin humunu Loonna.

MATIYE 5:45

Agi li li na ni, agi hin mbuɗ ki goryoŋ Lo kolona. Nam ti fat mamba kay suu cona lay, kay suu jivina lay. Nam si yoom ay kay suu cona ko suu jivina na lay.

GA 8ATAMBARA 28:12

Yawe hin sagi yoo lona varagi u tilim ma jivina tew tew hu mbassa agi cuki hura, paɗ vunum ki kay sun magira agi laɗta halaŋ halaŋ. «Agi hin ɦal tlena ki balna kay njaf suu daŋŋa cocoo, tagi agira may ni ka a tli va ay vi saɗi kama.

GA 8ATAMBARA 32:21

Asi ɓalakan hurun ki u fuli masisina wa, asi mbuɗun ki yara u goɓ masira goɓ fulinara. An may ni hin ɓalakasi hurusi ni u suu ɦawana suu ka suu mansinaɗina may, suu asina hin ɓeŋesi hursi ki may.