JEREMI 14:21 - Boy Lonana

²¹ U seŋ ma saɓakŋa ɦayna, aŋ noyomi kiɗi. Mbuɗ saɓak mul maŋga ki maŋiɗi. Hin galamba li dukuygiya. Aŋ ɓeŋeɗ kiɗi.

JEREMI 14:21 ပူးပေါင်းရင်းမြစ်များ

SOOLLA 106:40

Huu Yawe ɓeŋ eg suu mamsina, nam ba suu gin a suu mamsinana kiyo.

SOOLLA 106:45

Humum gam kay galamba nam vaɗ u asira u ɗegee mamba nam wasi hahawasiya.

SOOLLA 145:11

Asi ka ŋgaaŋ ŋgol maŋga bibiŋilla, asi mba njaɗ ki kay saɓak maŋŋa.

SOOLLA 25:11

Yawe aŋŋi sa ma ndakina, bulumun coonda ŋgol cocora kiyo.

SOOLLA 51:11

Pereɗ iriŋ kiyo, golon coondaɗi, coonda halaŋ aŋ bulumunda kiyo.

KALKIRA 32:13

Humuŋ gaŋ kay Abraham, Isaak u Israel suu sun maŋsina, ni suu aŋ suu taŋ ki u taŋga di ana, an hin zulugi njafagi ko ciciwra huulonara na, mbassa an di kaɗta an hin ɦaɗ ka maŋ goryogiya. Ndaɗ hin mbuɗ ki ni mbas masira a fafaɗta.»

EZAYI 62:6

Aŋ zi ma Yerusalemma, an hin kak sa ma juɓuŋ uŋŋa kay yam gulumuna, sa namma juɓmi faali lay, njeŋge lay, ka koɗ tambi. Agi suu humugi gagi kay boy ma vi Yawena, nam di ana, koɗ tara kaɗi.

JEREMI 14:19

Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.

JEREMI 14:7

Lini suluk mamina ka kaami ɓakŋa kamiya, kay seŋ aŋ Yawe a fi ŋgara ni aŋ li ko aŋ minda na. Gasi ami ka bay hin tinda tin vunumi kaŋga ki tuwa, ami ki suluk fokoŋu.

JEREMI 17:12

Mulla saɓakŋa ka kolo hu ura tin ayra day, otel mami ma li ɓivunna ni na.

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

YOORA 1:10

Babali manna maɗ kom ki kay bege manda bel. Gasi hu voɗ maɗta ndaɗ wi njaf suu daŋŋa mbaya. Ni suu aŋ ka min a asi mbay duk suu maɗsinaɗina.

YOORA 2:20

Gola, Yawe, sa ma aŋ lam dla cora egem ko wanda nana ni gege? Lini boyogina kom goryosi, suu ndi ki jivina wa may. Lini suu jok vun Lona casi kiwa hu givin ma togolla vi Bu Suunana wa may ni.

EZEKIYEL 20:22

Na may an hin li ka naɗi ni kay sen anu, kay ana asi ka mbuɗ ki lalas duk njaf suu ɦawanaɗi, ii suu may suu an cukusi ay ki dukusinaɗi lay.

EZEKIYEL 24:21

Di suu Israelna ana, Bu Suuna, Yawe, di ana, an min ɓalak Ziinda kiyo, ŋga taagira kay saɓak maginara, furi magira agi laɗ wanda, hurugi ma tini kay iiri magirana. Goryogi suu njufiina u gorɓiina suu agi hinisi hu Yerusalem wanna ŋgewna hin casi kiyo.

EZEKIYEL 39:25

Bu Suuna, Yawe, hin di ana, cemi ni an mbuɗ dlara vi Yakobpa ki zeɗ. An hin li oora kay suu Israelna, wasi hahawasiya. An hin tak yaanda ki kay sen ma teteɗna.

EZEKIYEL 43:7

Vana dan ana, «Goŋ sanna, ni li ma dlam manda mulla ka huna, u li ma an cuk sen huna. An hin kak duk suu Israelna hu li namma ni a fafaɗta. Suu Israelna ka mbuɗun sen ma teteɗna ki njenje oloɗi. Asi tasiraɗi lay, muli masisina u dlaasira coraɗi lay, u maɗ muli masisinaɗi lay, u ususiɗi lay.

DANYEL 9:7

Ɗegeera ni maŋ aŋ Bu Suunara, zolona ka kami hu buu namma, kay suu hu Yudana, suu hu Yerusalemma, kay suu Israelna halaŋ, suu tokŋa u suu ha ki dayna lay, kay yam mbassa halaŋ hu li ma aŋ dikisi ha ki kay cora asi laɗ egeŋga.

DLAŊ LEVIRA 26:11

An hin kakŋi dukugiya, an ka hinigi ki kay tagiɗi.

AMOS 6:8

Yawe, Lona ma Saɓakŋa, suu tam di ana, anni ma a Yakob ŋga tam u namma, an noyom hu ziimu an hin hinim ɦoŋ ziimma ki u ŋgolom halaŋ. Yawe di na.

Boy Ma Ayra Ma LUK Ɓiirimma 1:72

Nam tak min mamba maŋ somoyoy suu jewna. Humum gam kay bana mamba nam vaɗ u aygira.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

EFESNA 2:7

Nam li dla ndaɗta na ni kay a tak saɓakŋa vi oo mamba mbuɗ mbuɗta hin mbayra, ni u jivi mamba nam takaɗ ki hu Yesu Kristura.

GA 8ATAMBARA 32:19

Yawe wi dla ndaɗta na ni irim co ɦay. Nam noy goryom suu njufiina u suu tamagina kiyo.

WIRA ŊGAYRA 11:2

Hin ŋgoo zira bay ŋgaa, hin li namma ki ni maŋ suu bay vi boy ma vi Lonna, asi hin to ɦoŋzi ma teteɗna ki kaŋga ni asiya, li tilna dok fiɗi yam mba'.

1 SAMUEL 12:22

Na daŋ may Yawe ka hin suu mamsina kiɗi kay sem ma ŋgolna. Yawe may ni min a mbuɗugi ki suu mamsina.