JEREMI 14:19 - Boy Lonana

¹⁹ Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.

JEREMI 14:19 ပူးပေါင်းရင်းမြစ်များ

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

JOB 30:26

Hu li ma an saa kay jivira ni cora hin fanni ndaɗu. An li saa kay kiɗikka ni ndufunda hin mba ni ndaɗ na ɗow.

SOOLLA 78:59

Lona wi na ni, hurum ɓeŋa, nam cuk suu Israelna ki halaŋ.

SOOLLA 89:38

ko tilna ka tew tew coli eŋga na, ni va ma ka diki kay ɗegeera hu ɗugullana.»

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

JEREMI 12:7

An noy ziinda kiyo. An yow kon ki kay tlesuu varanna wa. Ndaɗ ta an miniɗ ɦayra an ɦaɗ ki maŋ suu babali maɗsina.

JEREMI 12:8

Joona mbuɗ ki kanni ko ndal dlona duk buburara na. Nam ŋgoɓonu, an ka minim oloɗi may.

JEREMI 15:1

Yawe dan ana, lini gi Moiz u Samuel col fokon lay, an hin ka mbuɗ hurun kay suu asinaɗi. Dikisi ki fokonu, asi tuɗ kiyo.

JEREMI 15:18

Ni kay me tiita manda hin mbuɗ ki a fafaɗta nige? Mbil manna ka cilɗi lay, yara u ndarayanna lay nige? Gasi aŋ mbuɗ ki irinni ko goloŋga ganyamba mbo ka huɗira na.

JEREMI 30:12

Yawe ɓak anaba, dlara aŋ daɗta sa ka mbuɗuɗ ki zeɗɗi. Mbil ma aŋ kaamma ka cilɗi.

JEREMI 30:13

Sa ka njun kaŋgi, mbil ma aŋ kaamma kumu ma kam kaɗi.

JEREMI 51:5

Kay ana mbas masira ki oyra u dla cora eg ma Teteɗ ma vi suu Israelna. Doli ɗaŋŋi sa Israel ɗowba ma Yuda ka ki hini dono ko Loosina Yawe, ma Saɓakŋa Kom Belnaɗi.

JEREMI 6:30

Asi yasi ana, «kawi ma suuna ka minimbina,» kay ana Bu Suuna ka minisiɗi.

JEREMI 7:29

Ŋgaɗagi tlimiɗ yagira ɓivunna, cukuɗ kiyo, gagi soolla hahawra hu voɗta kay ana Yawe noy njaf suu loɓom tam ki cocona kiyo.

JEREMI 8:15

Ami juɓummi ni tara fanira, may va jivi kaɗi. Aygi juɓuygi li ma aygi garaɗ ki wa ni, ndaana hin mbay ni namu.

JEREMI 8:22

Kumu ma saɗam kay tuguɗira ay ka hu Galaadɗi su? Doktor ay ka huɗi lay su? Ni kay me asi wi mbil ma vi suu mansinana ay ka a cilim kiɗi ge?

YOORA 2:13

Dlara hin a ɓakaɗ kakka ni tarage? Sa an hin ŋgaam u ndakŋa ni ge ɗaŋge Yerusalem ta jivira? Sa an hin ŋgaam u ndak a heɓek hurukŋa ni ge goo wayra, Siyon ta jivira? Kay ana tora took kira ŋgolla ni ko lum ma ŋgolna na. Sa hin suɗuk kina ni gege?

YOORA 2:22

Aŋ hin yi suuna ko ndal hu buu ma luuna na. Suu ŋguy kan mbuɗun ndaanana, hu buu ma yara vi Yawena sa hin ka hin iiriɗi, ka suɗɗi lay. Suu an haɗasina, wulusina, sa babali manna daɓasi kiyo.

YOORA 4:17

Ami may ni irimi ka tinira a juɓ njunda may ndaɗ ka mbaɗi. Ami juɓ ta ta ana suuna mbay njunumiya may. Asi ni ka suu ndak a suɗuminaɗi.

YOORA 5:22

Na ni aŋ hin noyomi ki ni a fafaɗta su? Huruŋ mbuɗ yara ki egemi ŋgol coco ɦay.

MISE 1:12

Ndaɗ ki tuguɗira ni a fafaɗta. Ndaɗ mayra ka hu Morota. Gasi hahaw ndaɗta col ay ni kolo ko Yawe day mba eg vun zi ma Yerusalemma.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.