JEREMI 14:18 - Boy Lonana

¹⁸ Lini an tuɗ hu senena lay, an fi suu casi ki u ŋgewrana. Lini an tuɗ ni ɦoŋzina lay, an fi suu mayra casi kina lay. Suu jok vun Lona u muli suu li ɓivunna ŋguy hu mbassa lay ka wi u boy kosiɗi.

JEREMI 14:18 ပူးပေါင်းရင်းမြစ်များ

EZAYI 22:2

Ҥoŋzi ma jivina, vun ma dam damma oy hurum cocoo. Suu maŋ suu miɗina casi ka u ŋgewɗi, asi miɗ ka ni vun duuɗi lay.

EZAYI 28:7

Muli suu li ɓivunna u suu jok vun Lona viɗ ki u sum ma cira ni na lay. Asi daw kolo ni ka wi li ma asi tuɗ hunaɗi. Sum ma cira viɗisi ki wa, asi mbuɗ ki ni mborɓi summana. Wiisira ha fokka viɗ ki irisi lay. Hu li ma asi a di dlara ni ka di jivi oloɗi daɓ sesi wa.

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

JEREMI 23:21

An sun suu jok vun Lona asina ha kaɗi. May asi ka liŋ haa. An ka ɓakasi boy haɗi lay. Asi tuɗ ɓak ha kiyo.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 6:25

Kal ki ŋgoo bagiɗi. Kal ki hu voɗtaɗi, kay ana ŋgew ma vi sa babalinana ka ki hu lina bel a ci suuna.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

YOORA 1:20

Gola, Yawe, an ki ni hu li ma hahawra. Hurun haɗ hurun ɦay. Hurun ki kurufu hurun ɓeŋŋiya kay a suu vunna an suu vunna. Ŋgewna ki kiɗik wanni njafan hin ka li oloɗi, kurufu ni ko ndal vo vi maɗna na.

YOORA 2:19

Col koloo tii duk njeŋgera, hu li ma ndak col kolo a gol u tlena halaŋ, tin huruk ki fok Bu Suuna ko ndal yona na. Yow kok kolo fokom kay iirira vi goryok suu gori suu miɗ ki ko mayra keŋ lina halaŋ hu voɗtana.

YOORA 4:9

Suu casi ki u ŋgewnana jivi su suu mayra casi kina, suu puk kaŋga saɓakasi kaɗi ko va ka li hu senena oloɗira.

EZEKIYEL 7:15

«Ha ki kiɗikŋi ŋgewna kaa. Vo hu zina ni tuguɗira u mayra ka may. Sa ma tuɗ ha ki ŋgoo fun duunana ŋgewna camu. Sa ma ka vo hu zinana mayra u tuguɗira cam ki may.

AMOS 4:6

Ni an daŋ may, ɦagi va ka agi gi kay siigi hu ɦoŋziiginaɗi halaŋ halaŋŋi anu, mayra cagi agi ka fi fu ma tiraɗi hu ziigi halaŋ halaŋ, na may agi hoŋogi ay ka egenɗi, Yawe di na.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

GA 8ATAMBARA 28:36

«Yawe sunugi u mul magi ma agi tlam fokogina ha ki maŋ njaf suu somoyogi lay agi tagira lay ka wasiɗina. Ha hu li namma agi sunni loogi suu hawana, gugunina u ɦinira.

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.