JEREMI 14:15 - Boy Lonana

¹⁵ Ni kay ndaɗta, Yawe ɓak anaba, «Kay suu jok vun Lona suu ɓak ki u senna ni, an sunusi ha ka ni anɗi, ko asi saa ana ŋgewra u baktara hin ka mba kay mbas ndaɗtaɗi. Gasi an hin ci suu jok vun Lona suu asina ki ni u ŋgewra u baktara.

JEREMI 14:15 ပူးပေါင်းရင်းမြစ်များ

EZEKIYEL 14:10

Suu asina jakŋi hin zii nek dla coosi ndaɗta. Sa ma jok vun Lona u sa ma ganam yamma may.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

AMOS 7:17

Ni kay ndaɗta Yawe ɓak anaba, Caaŋga hin ndi ki gawlaŋga hu ɦoŋzina, goryoŋ suu njufiina u suu gorɓiina hin casi ki u ŋgewra, ndaŋga maŋga hin ɓorowoɗ ki u zewna. Aŋ may ni hin miɗ ki ni kay ndaŋgara cora, suu Israelna hin yowosi tuɗusi ha ki eg ndaŋga masira na day.»

JEREMI 20:6

Aŋ taŋga, Pasehur, u suu maŋsina halaŋ, aŋ hin tuɗ ki mbaɓura, aŋ hin tew ki hu Babilon aŋ hin miɗ ki ni huwa. Asi hin tosoŋŋi huwa. Gasi aŋ u banayaŋ suu aŋ ɓakasi boy ma kaboynana halaŋ halaŋ.»

JEREMI 8:12

Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.

JEREMI 6:15

Asi ki viɗiya kay ana asi li dla cora. Na may asi ka min wi dla coosiraɗi. Asi ka saa kay dlara mbuɗusi ki zolonaraɗi. Na ɗaŋŋi asi hin puk ki kaŋga ko suu hiŋŋa na. Asi hin daɓ pukka kaŋga hu li ma an hin kaasi ɓakŋa kasina. Yawe di na.

1 MULINA 22:25

Mise hin dam ana, «Jiviya aŋ hin wi tuwa ni hu buu ma aŋ hin ŋguf huu ziginina huruŋ ŋguf ŋguf a ŋgayrana.»

JEREMI 23:30

Na ɗaŋŋi an hin li dla cora eg suu jok vun Lona, Yawe, di na. Suu ɓorowon boy manna ki kosina.

JEREMI 27:15

An sunusi ay ka anɗi. Yawe di na. Boy ma asi ɓakagina u senna ki ni coo. Na ɗaŋŋi an hin njayagi ki may, cagi ki may. Agi u suu jok vun Lona suu dagi boy nammana.

YOORA 1:19

An yi suu banayanna, asi may ni ganan yanu. Muli man suu li ɓivunna u suu man suu basina miɗ ki hu ɦoŋzina, doli ɗini asi hal ni tiisina a fi saɓakŋa.

YOORA 2:20

Gola, Yawe, sa ma aŋ lam dla cora egem ko wanda nana ni gege? Lini boyogina kom goryosi, suu ndi ki jivina wa may. Lini suu jok vun Lona casi kiwa hu givin ma togolla vi Bu Suunana wa may ni.

EZEKIYEL 13:14

An hin to gulumun ma agi hoorom tam kina kiyo, an hin cukum ki gaa, um mayra ay ki gara hin hin ki kiɗiki. Nam hin bow kiyo, agi hin njay ki may. Ni agi hin wi ki ana anni Yawe.

EZEKIYEL 14:9

«Ɗowba lini sa ma jok vun Lona ganyam tam a di dla mayra ka u voɗoɗira, ni an Yawe hinim li ko ndaɗta na. Sa ma jok vun Lona namma an hin lammi u tanda. An hin paɗam ki duk suu man suu Israelna.

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

GA 8ATAMBARA 18:20

Na may lini sa ma jok vun Lona ŋga tam u senu, gijaŋ di boy ma an dam ka ana nam damuɗina, ɗowba nam gijaŋ ɓak u sem loogi suu daŋŋa ni, sa ma jok vun Lona namma hin miɗa.»

JEREMI 8:13

An hurun ki tinira a daɓasi ki cira. Yawe di na. Gugutlura ka vuɗ oloɗi, tulumma ka vuɗ oloɗi, humum yak kiyo. An ɦasi ki maŋ suu hin tli voɗta ay kasina.

EZEKIYEL 13:9

An hin tak saɓakan ki eg suu jok vun Lona suu kaboyna u suu wi wira mbaɗ vun tara. Asi ka hin li duk tokka vi suu mansinaɗi, sesi ka ɓii hu magaara vi suu Israelnaɗi lay, ka cuk kay ndaŋgara vi suu Israelnaɗi lay. Agi hin wi ki ana an ni Bu Suuna, Yawe.

EZEKIYEL 13:15

Yaanda tuɗ ta ta eg gulumunna u suu may suu hoorom tamma. An hin dagi ana gulumunna ka oloɗi, suu hoorom tamma ka oloɗi lay.

EZEKIYEL 33:6

Na may hu li ma sa juɓ u lina wi suu duuna tuɗ aya, hin bu tokolomma kaɗi, suuna vo ca ni sa neesi kaɗi. Lini suu duuna mba wa ci sa dukusi wa ni ci sa namma ki ni sa ma juɓ u lina, an hin joɓ busu sa namma ni fun sa ma juɓ u lina may.