JEREMI 14:14 - Boy Lonana

¹⁴ Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 14:14 ပူးပေါင်းရင်းမြစ်များ

EZAYI 56:10

Suu ŋgolo suu fok suu Israelna ni suu dugina, asi ka wi yal dla na ndeɗi, asi ni digini suu ndumuna. Asi ka wi yal buraɗi lay, asi buuri ni na doyra dasiya.

EZAYI 9:15

Suu may suu tuɗ fok suu Israelna viɗisi ki wa. Suu asi tuɗ fokosina tli ni voɗta cora may.

JEREMI 20:6

Aŋ taŋga, Pasehur, u suu maŋsina halaŋ, aŋ hin tuɗ ki mbaɓura, aŋ hin tew ki hu Babilon aŋ hin miɗ ki ni huwa. Asi hin tosoŋŋi huwa. Gasi aŋ u banayaŋ suu aŋ ɓakasi boy ma kaboynana halaŋ halaŋ.»

JEREMI 28:11

Sa jok vun Lona, Hananiya, di ki fok suuna halaŋ ana, «Yawe ɓak anaba, ni ko ndaɗta na tew basara mba' ni an hin kus mbal ma nek ma vi Nabukodonosor, mul ma Babilonna, kiyo. An hin tlam ki kay njaf suuna halaŋ.» Sa jok vun Lona, Jeremi, tuɗ ni na gaw.

JEREMI 28:13

«Tuɗ di Hananiya, Yawe ɓak anaba, mbal guna aŋ kusum ki wa, aŋ hin li mbal kawina balamamu.

JEREMI 28:15

Sa jok vun Lona, Jeremi, di sa jok vun Lona, Hananiya, ana, «Hum haa, Hananiya, Yawe sunuŋ ay kaɗi. Aŋ mbuɗ ana suuna jok saarasiya ni aŋu.

JEREMI 29:21

...Gola ni dlara Yawe, ma Saɓakŋa Kom Belna, Lona vi suu Israelna, daɗ maŋ Ahab ma goŋ Kolayana, maŋ Sedesiyas ma goŋ Maaseyana suu ɓakagi boy ma kaboyna u senna. An hin ɦasi ki ko Nabukodonosor mul ma Babilonna, nam hin casi ki irigiya.

JEREMI 29:31

Aŋ sun boy namma ha ki maŋ suu ha ki ŋgayrana halaŋ, «Na ɗaŋŋi Yawe ɓak kay Semaya ma Nehelamma kay ana Semaya ɓakagi dlara ni an sunum ha kaɗi, nam jokogi saaragi kiyo.

JEREMI 37:19

Suu jok vun Lona suu ɓakagi ana agi tagira lay, mbas ndaɗta lay ka a li ndaa lassa vi mul ma Babilonna ɗina ni arage?

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

JEREMI 8:11

Asi li jivi zak a gi ii dla cora kay suu mansinara di ana, «Dla kaɗi, dla kaɗi.» Na may ni dlara jivi kaɗi.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

YOORA 2:9

Vun grek ma vi Siyonna ŋgaa ki kaŋgaa duk ndaŋgara. Nam ɓeŋ tlena, to vun ziginina kiyo. Mul maɗna u goryom ki duk suuna, gaɗ ka kasi oloɗi. Suu may suu jok vun Lona lay ni ka fi dlara col ay ko Yaweraɗi.

EZEKIYEL 12:24

Kay dlara waɗ ndaɗta halaŋ ta mbaɗ mbaɗi ka huɗi, dlara ganyam ka huɗi lay, dukugi agi suu Israelna.

EZEKIYEL 13:2

«Aŋ goŋ sanna, di boyna maŋ suu jok vun Lona suu Israelna, suu yi tasi ana asi ni suu jok vun Lonana, di ni boy masi ma col ay hurusina, humugi boy ma vi Yawena haa.

EZEKIYEL 13:23

Kay ndaɗta agi ka a fi wira ganyam ndaɗta oloɗi. Agi ka ndak a di dlara ha fokka oloɗi lay. An hin ɓaɗ suu mansina ay ki hu duk kogiya. Agi hin wi ki ana anni Yawe.»

EZEKIYEL 21:29

Kay ndaɗta Bu Suuna, Yawe, di ana, cemi ni agi wi coogira ki wa. Gegelay ni wi suluk mam ma nam lamma. Agi ka tak dla coogira ki hu sunda agi laɗta halaŋ. Cemi ni ɓakŋa vagi wa. An ɦagi ki ko suu babali magisina wa.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

ZAKARI 10:2

Gasi daŋ may fulina hoŋ dira ni dlara uɗ kaɗira. Suu joɓpa dlara tak taɗ irisira ni kaboyna. Asi gijaŋŋa ni u dlara kaboyna, heɓ huu suuna u ganyamba. Ni kay ndaɗta suuna tuɗ ha ki ko ndal mbutlina hu katlaŋgara na, hahaw coco lay kay sa golosi kaɗi.

ZAKARI 13:3

Na ɗaŋŋi li ni sana tuɗ fok u boy ma dira, jokom ha ki may ni, bum u sum hin dam ana, «Aŋ kak iiri oloɗi. Aŋ njaɗ ni dlara kaboyna u sem Yawe.» Na ɗaŋŋi bum u sum hin cokomu hu li ma nam jok boyna ki tuna.

GA 8ATAMBARA 18:20

Na may lini sa ma jok vun Lona ŋga tam u senu, gijaŋ di boy ma an dam ka ana nam damuɗina, ɗowba nam gijaŋ ɓak u sem loogi suu daŋŋa ni, sa ma jok vun Lona namma hin miɗa.»

1 TIMOTE 4:2

Asi hin viɗ tasi ki u humba hum u suu hurusi mbambana u kaboyna, ni wiisira fokka ki miɗiya, ko sa ŋgalaɗ ki ko kawina gi ay ki tlawra kuŋgura na.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.