JEREMI 14:13 - Boy Lonana

¹³ An dam ana, «Aa, Bu Suuna Yawe na may suu jok vun Lona dasi ana, ŋgewra hin ka cagiɗi. Baktara hin ka mba kagiɗi. An hin ɦagi jivira ka daɓbira hu li namma.»

JEREMI 14:13 ပူးပေါင်းရင်းမြစ်များ

EZAYI 56:10

Suu ŋgolo suu fok suu Israelna ni suu dugina, asi ka wi yal dla na ndeɗi, asi ni digini suu ndumuna. Asi ka wi yal buraɗi lay, asi buuri ni na doyra dasiya.

JEREMI 1:6

An di ana, «Aa, Bu Suuna Yawe, an hin ka wi ɓakŋaɗi. An goo cocoo.»

JEREMI 20:6

Aŋ taŋga, Pasehur, u suu maŋsina halaŋ, aŋ hin tuɗ ki mbaɓura, aŋ hin tew ki hu Babilon aŋ hin miɗ ki ni huwa. Asi hin tosoŋŋi huwa. Gasi aŋ u banayaŋ suu aŋ ɓakasi boy ma kaboynana halaŋ halaŋ.»

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 37:19

Suu jok vun Lona suu ɓakagi ana agi tagira lay, mbas ndaɗta lay ka a li ndaa lassa vi mul ma Babilonna ɗina ni arage?

JEREMI 4:10

An di ana, «Ҥii, aŋ, Bu Suuna Yawe, ɓeŋ suu asina ki ŋgol gasi daŋ may. Aŋ di suu Yerusalemma ana asi hin fi heɓpa.» May ŋgewra ka caygi kiyo.

JEREMI 5:12

Asi tin vunusi kay Yawe di ana, «Nam ka iiriɗi. Dla cora ka mba kaygiɗi. Ŋgewra hin ka caygiɗi lay. Mayra hin ka caygiɗi lay.

JEREMI 5:13

Suu jok vun Lona hin mbuɗ ki ko semeɗna na. Lona ka ɓakasi dlaambaɗi ko dla coosira li ni kasiya.»

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 6:14

Asi li jivi toŋgo zak a doo kay dla cora vi suu mannara di ana, «Dlara ka jiviya, dlara ka jiviya.» Doli wanna va ka li dewɗi.

JEREMI 8:11

Asi li jivi zak a gi ii dla cora kay suu mansinara di ana, «Dla kaɗi, dla kaɗi.» Na may ni dlara jivi kaɗi.

EZEKIYEL 12:24

Kay dlara waɗ ndaɗta halaŋ ta mbaɗ mbaɗi ka huɗi, dlara ganyam ka huɗi lay, dukugi agi suu Israelna.

EZEKIYEL 13:22

Agi ka viɗ suu ɗegeena ki u boy ma kaboyna, suu an min ka a lasi dla co egesiɗi na. Kay agi so u suu cona ha hu dlasira cora ka min a asi hoŋ ay hin poy masira cora ki lak iiriyaraɗi lay.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

2 PIYER 2:1

Buu ma dew ni suu haɗ haɗta cora mba duk suuna, suu haɗ haɗta co ndaɗta hin mba dukugi na may. Asi hin mba tin gaɗta cora ɓeŋ suuna kira, sa ma suɗusi kina asi hin noyom kiyo, asi cuk tasi hu bara ba kira zak ni kay tasiya.