JEREMI 14:12 - Boy Lonana

¹² Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

JEREMI 14:12 ပူးပေါင်းရင်းမြစ်များ

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

JEREMI 11:11

Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.

JEREMI 6:20

Va an a lam u mbul ma his jivi ma yowom ay Sabana ni mege, u cerew ma gol jivi ma yowom ay hu mbassa dayrana ge? An ka minigi ɓivun magi ma agi ŋgalangina kinaɗi, ɓivun ma agi langinana ka irin jiviɗi.

VUN ŊGOLNA 1:28

Asi hin yan lay ni an ka humusiɗi, asi hin halan lay ni, ka fanɗi lay.

ZAKARI 7:13

Ni na may Yawe, ma Saɓakŋa Kom Belna, di ana, «An yasiya, asi humun kaɗi. Ni na may asi yan wanni an humusi kaɗi may.

MISE 3:4

Hu li ma asi hin tii ha eg Yawena nam hin ka hoŋosi diraɗi, nam hin ŋgay tam ki irisi hu li namma, kay suluk ma asi lamma.»

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

JEREMI 24:10

An cukusi ŋgewiina, baktarra u tuguɗi bora kasi ta ta asi bulum ki kay ndaŋgara an ɦasira ki u somoyosira.

JEREMI 16:4

Mayra hin casi ki ni ndaɗu. Sa hin ka tiirisi maɗasiɗi lay, ka wasi ususiɗi lay. Asi hin li ni ko tlesuu cim ndaŋgarana na. Asi hin miɗ ki ko ŋgewra u mayra. Maɗasi hin li ni tlesuu layagi suu pii huulonana u mburi suu kay ndaŋgarana Komosina.

JEREMI 9:16

Na ɗaŋŋi Yawe, ma Saɓakŋa Kom Belna, ɓak anaba, jokogi tagiya, mbaagi boyogi suu tiina aya. Yagi boyogi suu wi yal tiina ɦayna asi mbaya.

EZAYI 58:3

Asi dan ana, ami li laara aŋ ka wamiɗi ni, jivira ni arage? Lini ami hoŋ yami gaa, aŋ ka wamiɗi lay ni, nanage? An hoŋosi dira ana, hu li ma agi li laara ni agi ka li paa magira may, agi ka las suu li sunda fokogina lay.

VUN ŊGOLNA 28:9

Sa ma ŋgel humum ki ka min a hum gaɗta vi Lonaraɗina, cen mamba lay ka ii Lona jiviɗi.

VUN ŊGOLNA 21:27

Ɓivun ma vi suu dlasi cona ka jiviɗi. Kay asi li ɓivun masina ni u mbambara.

VUN ŊGOLNA 15:8

Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.

WIRA ŊGAYRA 6:8

An gola ni wi kulumma tam buf bufu, sa ma fuli kamma sem ana Miɗna, sa ma tuɗ umma ni hu lina vi suu miɗina. Ndaŋgara ɓorowi duk fiɗira ɦasi eŋga kay keŋ maa dew asi tuɗ ci suuna ki u ŋgew ŋgolna huwa, u mayra ŋgolla, u tuguɗira, u vabaki suu co suu kay ndaŋgarana.

JOB 27:9

Lona hin humum tii mamma may su? Hu li ma hahawra famma ni nam hum su?

JEREMI 8:13

An hurun ki tinira a daɓasi ki cira. Yawe di na. Gugutlura ka vuɗ oloɗi, tulumma ka vuɗ oloɗi, humum yak kiyo. An ɦasi ki maŋ suu hin tli voɗta ay kasina.

JEREMI 21:6

An hin ci suu hu ɦoŋzi nammana kiyo, suu warna u yoorina. Asi hin miɗ ki ni maɗ bora eŋ cocora.

JEREMI 32:24

«Sunda ŋgolora ka mba eg ɦoŋzina tok, dik u suuna kolo u ŋgewna mayra hin ci suuna lay, tuguɗii bora lay. Ҥoŋzi namma mariyaɗ ni hin hin tam maŋ suu duu suu Kaldenaɗi su? Dlara aŋ daɗta mba wa. Aŋ may ni gol ni u iriŋ ɦawaa.

EZEKIYEL 14:19

«Ɗowba lini an gi tuguɗira cora ay hu mbassa. Lini hurun ɓeŋ eg mbas ndaɗta wa, gi tuguɗira duk busuna, a ci suu warna ki u yoorina halaŋga ni,

Magaara Vi Sa Jok Vun Lona OZE 5:6

U yoori masi suu gorina lay, suu ŋgolona lay asi mbay a hal Yawe may asi hin ka fambi. Nam ɓorow duk ɦoŋom ki u asi wa.

AMOS 5:21

An ka mindi. An ka min poy magiraɗi. An ka min a his tok magira cuk ay kanɗi lay.

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

MALASI 2:13

Gologi dlara agi laɗ a mbarara, ko simi ma irigina oy givin ma togolla vi Yawena, tirigiya, oyogiya kay ana nam ka caa yam kay tlesuu agi ɦamsinana oloɗi, ka vagisina kogi u furira oloɗi lay.

JEREMI 11:14

«Aŋu, tli dlaŋ suu asinara kaŋgi. Yoo taŋ kasiɗi lay, cen kasiɗi lay, kay ana hu li ma asi hin yan an hin ka humbi, hu li ma hahawra mba kasina.»

JEREMI 15:1

Yawe dan ana, lini gi Moiz u Samuel col fokon lay, an hin ka mbuɗ hurun kay suu asinaɗi. Dikisi ki fokonu, asi tuɗ kiyo.