JEREMI 13:27 - Boy Lonana

²⁷ Dla zoŋ makka, yira ndak yi suuna a li zoŋgara, gawlaŋ mak ma bay zolona kolo kay ɦinira, hu senena, an wak dla cookka. Ҥii, Yerusalem, ndak ka ndak a mbuɗ tak ki jivi teteɗ a tuɗ unɗira ni buuna ga ologe?

JEREMI 13:27 ပူးပေါင်းရင်းမြစ်များ

SOOLLA 94:4

Asi ka bu diffa, ŋgul suuna lay, asi ka ŋga tasi cocoo, ni suu li dla cora halaŋ.

SOOLLA 94:8

Suu giniŋ duk suuna halaŋŋa wagi kiyo, suu wiisira ka tuɗ dayɗina, na ni agi hin hum hu buu maa dew su?

VUN ŊGOLNA 1:22

«Agi suu giniŋŋa hin hinigi giniŋ magira ki ni saɓage? Suu pan suuna hin hin panda pananda ki ni saɓage? Suu laɓana hin hin noyra noy yalna ki ni saɓage?

EZAYI 57:7

Agi taɓa kolo kay ɦinira fiyekka, min ziigi ma buuna ha ki huwa. Agi lagi ɓivunna ha ki kolo hu may.

EZAYI 65:7

Coogira agi laɗta ura vi somoyogira lay di na ni Bu Suuna u tamba, suu may suu ŋgal mbul ma hisna ay kolo kay hinirana, suu mbuɗun sen ki zolona fok suunana, An hin vasi u sun masira asi laɗ ndaɗta ki halaŋ.

JEREMI 11:15

Va ndaɗ mbay lam hu ziindana ni mege ta an miniɗ ɦayra? Dlara ndaɗ laɗta halaŋŋi oyra hu ni dla cora. Na ni tlesuu ɦasi ɦawana u tliw ma ŋgaɗam kina ndak a dikik dla cora ki egek su? Ndak hin suɗ tak ki ko dla cora ni u boy namma su?

JEREMI 3:6

Hu cokira vi mulna Josiyasa, Yawe dan ana, aŋ wi dlara Israel ta gawlaŋga laɗta su? Ndaɗ mayra tuɗ ay kolo kay ɦinira fiyekka halaŋga ay kaŋga u ŋgusu ma ɗufina halaŋ a li gawlaŋŋara.

EZEKIYEL 16:23

«Ŋgoo dlaakka ndak laɗ co ndaɗta halaŋ, hahawra, hahawra ka kaku. Di ni Bu Suuna, Yawe.

EZEKIYEL 2:10

Mba ganda ga fokonu, huruɗ ki ɓiiri keŋ na jak, ɓiiri huruɗ ni yoora, zamba u tiina may.

EZEKIYEL 20:28

«An cukusi hu mbassa, an suu tan tli kon kolo ana an a ɦasirara. Asi hal ni ɦini mayra kolo dayra u ŋgus mayna ɗufi cocona, li ɓivun masina ni huwa. Asi li ni ɓivun ma ɓalak huuna na ɗow. Asi tin mbul ma his jivina ni huwa, vo sum veŋ masina ni hu may.

EZEKIYEL 24:12

Kura um coco lay ni coo mamba ka daɓ kiɗi, tuɗ ha ni fok na ɗow ɗow.

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

EZEKIYEL 24:6

Kay ndaɗta Bu Suuna, Yawe, di ana, Hahawra ka kay ɦoŋzi ma vo busuna ki cocona. Asi ni doy kawi ma coo kina. Coo mamba ka daɓ kiɗi. Yow tliwna kiyo, varam ay ki na dew dew halaŋ. Hin maa ki na dewɗi.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

EZEKIYEL 36:37

«Bu Suuna, Yawe, di ana, an hin li ko ndal wanda na olo. An tak tan ii suu Israelna a njun usi hu dlara fasira. An hin zulusi ko ndal yoori suu zuli hu kadlaŋgana na.

EZEKIYEL 6:13

Ni agi hin wi ki ana, anni Yawe. Hu li ma maɗasi ka gira fun fuli masisina na sisi, ki ŋguy kay givin ma togolla masi na cutl. Kolo kay lii mbuyna, kolo kay yam ɦinira halaŋ, gii u ŋgusugi suu kutluɓ kutluɓma, gii hu liisi ma mini jivi ɦayna, ki hu li ma asi ŋgal mbul ma his jivina maŋ fuli masisinana lay.

Magaara Vi Sa Jok Vun Lona OZE 1:2

Oze gijaŋŋa u boy ma vi Yawena. Yawe di Oze ana, «Tuɗ ɗum ca mayra hin taɗ ki gawlaŋŋara ndaɗ hin vuɗuŋ gor suu gawlaŋina, kay ana mbassa min ŋgolla ni gawlaŋŋa noy Yawe kiyo.»

Magaara Vi Sa Jok Vun Lona OZE 4:2

Gi vunna, ganyamba, ci maɗna, ɦulla, li zoŋga zul ni zuli na ɗow ɗow. Busu ma voom ki kaŋgana fi tam ha ni na gaw gaw.

Magaara Vi Sa Jok Vun Lona OZE 8:5

Goo mbutl makŋa noyom kiyo, Samari. Yaanda ndi kasi wa, ta ta hu buu ma asi ka tew a li dla cora oloɗina su?

SOFONI 3:1

Cora ka kaku, Yerusalem, ɦoŋzi ma cona, ɦoŋzi ma las suuna ɦayna.

MATIYE 11:21

«Hahawra kagiya suu Korazinna, hahawra kagiya suu Betsaidana. Dlara mbuɗta ŋgolla an laɗ varagira, an li laɗ ni hu zina Tir u ma Sidonna ni, suu huna njun doona hurusiya, cuk buɗna kasi may ni, li jok hurusi ki wa.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

WIRA ŊGAYRA 8:13

An gol irin olo ni wi bakŋa pii ha kolo huulona day tii ay u delem eŋga ana, «Hahawra, hahawra, hahawra kay suu ka hu ndaŋgarana, falira suu sunda huulona suu hindina hin bu dif masina.»